¹ Paulo ntume ghwa Kirisito Yesu kwa mapenze jha Chapanga na Timotheo nnongo jhito kwa kanisa lya Chapanga lakibha Kolinto na kwa bhaumine bhoha bhakakibha pa kilambo choha cha Akaya. ² Neema na ibhyeghe kwito na amane kuhuma kwa Chapanga tate jhito na Bhambo Yesu Kirisito. ³ Na tin'nombe Chapanga tate ghwa Bhambo Yesu Kirisito jhwene ni tate ghwa reheme na Chapanga ghwa faraja yhoha. ⁴ Chapanga chafariji ndela twenga maraghalikio jhito yhoha ili kwamba tuhotole kubhafariji bhala bhakibha pa malaghalikio kwa ulende lelo twabhafaliji bhange kwa falaja yhela yhela ambajho Chapanga chikamtumila kutufaliji twenga. ⁵ Kwa kubhyegha anda hele malaghalikio jha Kilisito huyhonjokeka kwa ajile yhito nelahela falaja jhito hujhonjokeka kupetela Kirisito. ⁶ Lakine anda twalaghishwa ni kwaajile jha falaja jhino na wokovo ghwino ghwino na anda twafalijibha nikwaaje jha falajha jhino. Falajha jhino jha henga lihengo kikamilipo mikashirike malaghalikio kwakwa ulendelelo anda twenga pia tukilagha. ⁷ Na ujasile ghwito panane jhino ni thibite twamanya kwamba anda heleambavyo mwashiriki malaghalikio helahela mwashilike falajha. ⁸ Kwa kubhyegha tupaindeka nenye mbhyeghe gwanga malango n'nongo kuhuso kulagha, tukibha najho ku Asia takibhonelwa zaide jha jhela tuhotolajhe kughegha kana kwamba tukabhyendeka hata na natumaine lya kutama kabhena. ⁹ Kwele twakibha na hukumo jha kuwhwgha panane jhito lakine ejhe jhakibha kutuhenga twenga tukoto kubheka tumaine panane jhito tabhete badala jhake tubheke tumaine pa Chapanga afufuajhe bhafo. ¹⁰ Atukombwile twenga kuhuma agha maapa jha malelo na cha tukombi kabhena. Tubhekite ujasile ghwito pa jhwene jha kwamba cha tukombola kabhena, ¹¹ Cha henga heleanda jhela nenye pijha mututyangatila vyo kwa majhopelo jhino hele bamahe na chabha bhoha chukurane kwa niaba jhito kwa ajilr jha upenfelegho ghwa neema chatupehe twenga kupetela majhopelo jha bhanena. ¹² Twajhibhunila hele uchuhuda ghwa dhimili jhito kwa kubhyegha ni pa nijha jha kuhalala na uhalala ghwa Chapanga kwamba twakijenenga tabhete palidunia tuhengite hele hasa nanenye na ndeka pa hekima jha ulimwengo lakine badala jhake ni pa neema jha Chapanga. ¹³ Tujhandika ndeka chochola ambacho mihola ndeka kuchoma amu kujhoha. Ni ujasile. ¹⁴ Kwamba kwa sehemo mkwete kumanya na nikwete ujale kwamba pa njobha jha Bhambo Yesu cha bhyegha chabhabho jhino kwa ajile jha kindume chino, anda jhele cha bhyegha kwito. ¹⁵ Kwa chabhabho nakibha na ujhasile kuhuso hele na kipala kutumbula kubhujha ili kwamba muhotole kupokela faida jha kutyangilwa mala ibhena. ¹⁶ Nakibha nibheka kubhatyangila bhakate nikijhenda Kumakedonia. Kabhena nikapaile kubhatyangila kabhena bhakate nakikelebhoke kuhuma Kumakedonia na kucha menye munindumite nenga bhakate nikijhenda Ujhahude. ¹⁷ Nakakibha nihololela namna ejhe, Je, nakibha nijhogopa jhogopa? Je, nibheka mihalo kulingana na ibhango jha kibinadamo ili kwamba nilongele hena na mbwito, mbwito kwa bhakate mmonga. ¹⁸ Lakine anda hele Chapanga abhile mwaminifo tulongela ndeka yhoha hena, na mbwito. ¹⁹ Kwa kubhyegha mwana ghwa Chapanga, Yesu Kirisito ambajhe Silvano, Timotheo na nenga twakimtangacha miongoni mwino ndeka hena na mbwito badala jhake jhwene bhakate whoha ni hena. ²⁰ Kwa kubhyegha ahade jhoha jha Chapanga ni hena pa jhwene hejhe pijha kupetela jhwene twalongela Amina kwa ung'alicho gwa Chapanga. ²¹ Ngoheno ni Chapanga hutuchibiticha twenga pamonga nanye pa Kirisito na akatundumiche twenga. ²² Akabhekite mihule panane jhito na akatupekihe Robho pa miojho jhito anda dahamana jha chela ambacho cha tupekihe pamandahe. ²³ Badala jhake nimjhopa Chapanga kunichuhudila nenga kwamba chabhabho jha kihenga nikoto kubhujha Kukolinto ni kwamba nikotokubhalemaa nenye. ²⁴ Ejhe ndeka kwa bhabho twa jalibo kudhibite jinse imane jhino jhatakibhakubhyegha badala jhake twahenga pamonga nanye kwa ajile jha hangano yhino anda mumijhema pa imani yhino.