¹ Kw hijho awale jha ghoa, nihitajhe maombe, na dua, na maombeleze, na shukrane vifanyikajhe kwa ajhile jha bhando bhoa. ² Kwa ajhile jha bhafalume na bhoa ambao wabile kwenye mamlaka, ile kwa mba tumanyajhe kuishi maisha gha imane na utulivo lwa taukomajhe bhoa na heshima. ³ Hejhe ni jhema na lenye kukubalika palongolo lya Chapanga mwokoze jhwito. ⁴ Jhwene hatamane kubhiegha bhando bhoa bhaokolewajhe na bhapatajhe kuimanya kwele. ⁵ Kwa kubhiegha abhile Chapanga mmonga, na abhile mpatanishe mmonga kate jha Chapanga na mwanadamo ambajhe ni Kristo Yesu. ⁶ Akajhibhoite jhwene anda faida kwa bhoa, anda ushuhuda kwa bhakate muafaka. ⁷ Kwa sababo hejhe, nenga namwete nikaengite kubhiegha mjhumbe ghwa injili na mtume, nikasemite kwele. Nisemajhe uwange nenga ni mwalimo bhando mataifa lwa imane na kwele. ⁸ Kwa hijho, nipala bhanalome kilamahale bhajhopajhe na kuijhinula mibhoko mitakatifo bila ghadhabo na mashaka. ⁹ Hela hela, nipaile bhakeghe bhajhivike mavaze gha ghakubalika, kwa heshim na kujhizua. Bhakotokubhiegha na nywele zazisukwite au dhahabu, au lulu, au mavaze jha gharama ngolonga. ¹⁰ Pia nipaile wawalajhe mavaze gha ghstahile bhakeghe bhabhakire uchajhi kwa kupetera matendo mema. ¹¹ Munalome na ajhifunzajhe lwa hale jha utulivo na kwa utii ghoa. ¹² Nimluhusujhe mkeghe kupundicha, au kubhiegha na mamlaka panane jha munalome bale ishajhe lwa hale jha ukimya. ¹³ Kwa kubhiegha Adamo akavinete akatumbula, kisha Eva. ¹⁴ Adamo hadanganyejhe, lakine mkeghe akapokie kabis lwa uase. ¹⁵ Hata nae, taokolewajhe kwa kupetera kupapa lyana, anda chabhaendeleajhe lwa imane na upendo na lwa utakaso na malango njema.