¹ Nahika kwino nnongo na nnomba hwango, nahikajhe kwa malobhe makolonga na malango ngita ghanihubiri kweli yhitenda kuhihama kuhusu Chapanga. ² Namwihe kuyhuhajhe chochoha munitama mwino ila Yesu Kilisto, na yhwene yhatenda kuchulubiwa. ³ Nakibha na mangota mu uzaifo, na mu hofu na mukutendema sana. ⁴ Na ujhumbe hwango na kulonga kwango kwakibhajhe mu malobhe gha ushawishe na malango. Badala yhake, yhakibha mu uzihilisho wa likakala, nampo imane yhino itamejhemu malango gha bhando, bali mulikakala lya Chapanga. ⁵ .................................................................................... ⁶ Nampo litekulonga malango mu bhando bhanahota, lakini malangojhe gha nnema ghungu, au gha bhalongoche bha nnema ghungu, abha bhayhenda. ⁷ Badala yhake, titekulonga malango gha Chapanga mu ukwele bhutenda kuhihika, malango ghatenda kuhihama ghena Chapanga atendakuhaghula kabula yha muda gwa ung'aricho hwito. ⁸ Abhiijhe yoyoha mu ulongoche muda ughu yhamanyite iyhii, ngati hwangamanya mu muda ghula bhatendajhe kunchulubicha Bhambo hwa ung'aricho. ⁹ Lakine ngati itendakuyhandikwa, "Mambo agha libhiijhe liho lilekulola, libhiijhe chikilo litekuyhuha mawacho ghafikilijhe, mambo agha Chapanga atekuyhandaa kwa bhala bhampahile yhwene." ¹⁰ Agha ghabhii mawacho gha Chapanga atenda kughayhikura kwito kupitila mu uhuke, uhalo uhuke alolekeha kila kilebhe, hata mambo gha nkate mwa Chapanga. ¹¹ Nhwalo ghani yhamanyite mawacho gha mundo, hwanga uhuke nkate mwa mundo? Naha, abhiijhe yhamanyite mambo gha nkate mwa Chapanga, ila uhuke hwa Chapanga. ¹² Lakini titendayhekuyhupa uhuke hwa nnema, lakini uhuke kuhuma kwa Chapanga, nampo tuhotole kumanya kwa uhulu mambo ghetupatite kwa Chapanga. ¹³ Tutendakulonga mambo agha kwa malobhe, mundo hwnga malango aholotayhe kupundicha, lakini ghala uhuke utendakutupundicha. Uhuke utendakumanyicha malobhe gha kihuke kwa malango gha kiuhuke. ¹⁴ Mundo hwanga uhuke ayhupajhe mambo gha uhuke hwa Chapanga, nhwalo ghena undindima kwabhe. Ahololayhe kughamanya nhalo ghamanyikana nikiuhuke. ¹⁵ Kwa yhula hwa kiuhuke atekulamuha mambo ghoha. Lakini na yhwene bhanamulila bhange. ¹⁶ Ghani ahotola amanya mawacho gha Bhambo, ghani ahotora kumpundicha yhwene? Lakini lakibha ni mawachu gha Kilisto.