¹ Baada ya mambo higa,Natunza nichiona kukara myango chere ukavugurwa Mrunguni,rira raka mwandzo richinena na mimi dza gunda,richinena,'' ndzoo hipha ninda kuonyesa ambago gandaturukira baada ya mambo higa.'' ² Mara mwenga nakara ndani ya mphephera,naona kwakara na chinhi cha enzi chikaikwa Mrungui na mutu akachisagarira. ³ Mmwenga ambaye chere akachisagarira waonekana dza.Iwe ra yaspi na akiki.Kwakara na uphinde wa mvura ukachizunguruka chinhi cha enzi,uphinde wa Mvura waonekana viratu chi zamaridi. ⁴ Kuchizunguruka chinhi cha enzi kwakara na vinhi vya enzi vyanjina ishirini na vine,na osagara phenye vinhi vya enzi akara ni atumia ishirini na awe akavishwa mavazi mereru phamwenga na taji za dhahabu vitehwani. ⁵ Kutsurukira phenye chinhi cha enzi kwa turuka monho wa radi phamwenga na ruraka,taa saba chere zinaaka mbere ya chinhi cha enzi,Taa ambazo ni aphephera saba Mrungu. ⁶ Tchona mbere ya chinhi cha enzi kwakara na bahari chokara wari kama chioo.osi kuchrunguruka chinhi cha enzi kwakara azima ane odzara matso mbere phamwenga na Nzingo. ⁷ Chiumbe wa aruka chekara hai wakara dza simba,chiumbe phairi wekara hai wakara dza ndama,chiumbe wa hanhu wekara na uhai wakara na uso dza binadamu,na yuya wekara hai wane wakara kozi aurukaye. ⁸ Viumbe hai ane kila mmwena wakara na manha sita,akaodzira matso dzuru natumniye,usiku na mutsi taakoma kunena.Wetakata ,wetakata,mtawalia dzuru ga osi,okarapho na ambaye aphapho na ambaye andakwedja.'' ⁹ Kila wakati ivira viumbe hai tsopho ravya utukufu,hishima na shukurani mbere za wekara akasagara phenye hicho chinhi cha enzi hiye aishiye daima na kare na kare. ¹⁰ Atumia ishirini na ane asujudu enye mbereye wechisagarira chinhi cha enzi.Wabunana photsi kwakwe aishiye kare na kare na daima naachitsupha photsi taji zao mbere za chinhi cha enzi achinena, ¹¹ ''Unastaili uwe Dzumbe wenhu na mrungu wenhu kuphochera togo hishima phamwenga na kotse kwa kukara,waviumba vyosi na kuturukana na maenzogo vyakarapho na vyaumbwa.''