¹ Katika siku hizo,kwakara tsona na umati mbaha,na tahayakara na kande.Yesu achiaiha anafundzie achiambira, ² ''Ninaunera mbazi umati huno akaendelea kukara nami kwa siku tahu na taana na kande. ³ Nichitawanya auye madzumbani mwao bila kurya anaweza akazimie njirani kwa ndzara.Na baadhi yao akaturuka mbali muno.'' ⁴ Anafundzihe achijibu,''Undaphaha kuphi mikalie ya kutosha kuarisa atu ano phenye eneo hiri chororichwa?'' ⁵ Achiauza,''mna vipande vingaphi vya mikahe?''achinena,''saba''. Achiragiza umati usagare photsi. ⁶ Achitsukura mikahe saba,achimshukuru Mrungu na kuivudza.Achiapha anafundzie aiike mbere yao nao achiika mbere ya umati. ⁷ Pia akara na ng'onda adide achache,na baada ya kuvoya,waaragiza anafunzie aaganyire hivyo pia. ⁸ Alya na atosheka.Na akusanya vipande vyo baki,vikaphu vibalia saba. ⁹ Akaribia atu.elfu nne.Na achiamie. ¹⁰ Mara achiinjira phenye dau na anafundzihe, na achimia phenye ukada wa Dalmanuta. ¹¹ Chimara Mafarisayo aturuka kondze na kuanza kurumbana naye.Aronda aaphie dalili kura Mrunguni,kwa kumjeza. ¹² Achifikiri kwa china moyoni mwakwe achinena,''Kwani chivyazi hichi chinaenza dalili?Naambira mwimwi kweri,takuna dalili raviwa kwa chivyazi hichi.'' ¹³ Chimara achiaricha,achiinjira ndani ya dau tsona,achiuka kuelekea upande wanjina. ¹⁴ Wakati huo anafunzie araya kutsukura mikahe.Taayakara na mikalie zaidi ya chipande chimwenga chokara phenye dau. ¹⁵ Waakanya na kunena,''Mkare matso na mdzirinde dhidi ya unafiki wa mafarisayo na unafiki wa Herode. ¹⁶ Anafundzi achinenezana enye kwa enye,''Ni kwa sababu tauna mikahe.'' ¹⁷ Yesu warimanya hiri na achiambira,''Kwani mnanenezana kuhusu kutokara na mikahe?Tamdzambwe manya bado?Tamuelewa?Mioyo yenu ikakara miepesi? ¹⁸ Mna matso,tamuona?mna masikiro,tamsikira?Tamkumbuka? ¹⁹ Chophoi gawanya mikahe mitsano kwa atu elfu tsano,mwatsukuru vikaphu vingaphi vingaphi vyaodzara vipande vya mikalie?''achimjibu,''kumi na mbiri.'' ²⁰ ''Na chophoiganya mikalie saba kwa atu elfu nne,mwatsukura vikaphu vingaphi?'' ²¹ Achinena ''saba''.Achiaambira,''Bado tamuelewa?'' ²² Achedza Berhsaida.Atu hao amreha kwa Yesu mtu chipofu na achimvoya Yesu amgute. ²³ Yesu achimgwira kwa mkono yuya chipofu,na kumrongoza kondze ya chidzidzi mahe dzuru ya matsoge na kugorasa phomtwerera dzuruye,wamuuza,''Unaona chochosi?'' ²⁴ Watunza dzuru na kunena,Naona atu ana.onekana kama mihi inanyendeka.'' ²⁵ Ndipho achigorosa tsona mikonoye dzuru ya matsoge,mtu yuya achivugura matsoge,waona tsona,na achiona kila chitu vinono. ²⁶ Yesu wamricha amie nyumbani na achimwambira,''Usinjire mdziru.'' ²⁷ Yesu wauka na anafundzie kumia vidzidzi vya kaiseria ya Filipi phokara njirani achiauza anafundzi,''Atu ananena mimi ni yuphi?'' ²⁸ Achimjibu achinena,''Yohana mbatizadzi.Anjina ananena,'Eliya'na anjina,mmwenga a manabii.'' ²⁹ Achiuza,''Lakini mwimwi mnanena mimi ni yuphi?''Petro achimwambira ''uwe ni masihi. ³⁰ Yesu waakanya asimwambire mtu yeyosi kuhusu iye. ³¹ Na achianza kuafundza kukara mwana wa Adamu lazima ateswe kwa mambo manji,na andaremewa ni virongozi na Arimu abalia na aandishi,na andaoragwa,na baada ya siku tahu andafufuka. ³² Wanena iga kwa wazi-wazi.Ndpho petro achimtukura kanda na achianza kwamira. ³³ Lakini Yesu wagaruka na kutunza anafundzie na kuakwamira petro na kunena,''tsapa nyuma yangu pepho muyi''kujali mambo ga Mrungu,sophokra mambo ga atu.'' ³⁴ Chimara achiuiha umati na anafundzie phamwenga,na achiambira,ichikara kuna mutu anaronda kunirunga,adzi mwenye atsukure msalawe,anirunge. ³⁵ Kwa kukara yeyosi arondaye kugaokora maishage andagaangamiza,na yeyosi agaangamizaye maishage kwa ajili yangu na kwa ajili ya Injiri,andagaokora. ³⁶ Inamfwaidirani mutu,kuphalia urumwengu phwosi,na kisha kuphalia hasara ya maishage? ³⁷ Mutu anaweza kuravyani badala ya maisha ge? ³⁸ Yeyosi anioneraye haya na maneno gangu katika chivyazi hichi cha azindzi na chivyazi cha ubananzi,mwana wa Adamu andamwonera haya andophokwedza katika ufalme wa ise phamwenga na raraika anono.