¹ Na tsona wainjira ndani ya sinagogi na mra wakarapho na mutu mwenye mkono wakuphoroza. ² Kah'i ya atu makara achimrungiza kwa uphephi kutunza ichikara anda mphonza siku ya Sabato ili kwamba mamshitaki. ³ Yesu wamwambira mutu mwenye mkono chophoroza, "Unuka na uime kah'ikah'i ya umati huno." ⁴ Chimara achiambira atu, "Dje ni halali kuh'enda dzambo dzema siku ya Sabato au kuh'enda gasigo kweri; kutizya maisha au kuoraga?" Lakini achinyamara chimya. ⁵ Achihatunza kwa utsungu achisononeka kwa sababu ya umu wa mioyo yao, na achimwambira yuya mutu, "Gorosa mkonoh'o". Achiugorosa na Yesu achimphonza mkonowe. ⁶ Mafarisayo machimia kondze na mara machienda njama phamwenga na Maherode dzuruye ili amworage. ⁷ Kisha Yesu, phamwenga na anafundzie, mamia pwani, na umati mbah'a wa atu waarunga waturukira Galilaya na Uyahudi ⁸ na kura Yerusalemu na kura Idumaya na mbere ya Yordani na jirani za Tiro na Sidoni, umati mbah'a phosikira kila chitu cha kura anachienda, makwedza kwakwe. ⁹ Na waambira anafundzie masengezere dau dide kwa ajiliye kwasababu ya umati ili kwamba asedze akamzongazonga. ¹⁰ Kwa kukara waphonza anji, ili kila mutu we kara na masononeko wakara na nia ya kumfikira ili amgute. ¹¹ Pho phosi pepho muyi phomuona magwa photsi mbereye na kurira na kunena, "Uwe u mwana wa Mrungu". ¹² Waafunda kwa kukazira masiende akamanyikana. ¹³ Wamia dzuru ya mwango, achih'ah'ih'a hao arondao, na achimih'a kwakwe. ¹⁴ Achiatsambura mrongo mmwenga na airi (achih'ah'ih'a ah'umwa) ili kwamba makare phamwenga naye na awedze kuaragiza kuhubiri, ¹⁵ na kukara na mamlaka ga kuravya mapeph'o. ¹⁶ Na achih'atsambura kumi na airi: Simoni ariyemuph'a dzina ra Petro, ¹⁷ Yakobo mwanangwa wa Zebedayo, na Yohana nduguye Yakobo, ariyewewa dzina ra Bonagesi, h'ao ni h'ana h'a ngurumo, ¹⁸ na Andrea, Filipo, Bartholomayo, Matayo, Tomaso, Yakobo mwana wa Alfayo, Thadayo, Simoni Mkananayo, ¹⁹ na Yuda Iskariote, ambaye andamravya. ²⁰ Kisha mamia nyumbani, na umati wa atu achedza phamwenga tsona, hata tah'aya weza kuya hata mkah'e. ²¹ Familiaye ariphosikira habari hiyo, mamia kumgwira, kwani manena, " Akarukwa ni achiri". ²² Aandishi ariokwedza kura Yerusalemu manena, " Akainjirwa ni Beelzebuli," na, " Chirongozi wa mapeph'o". ²³ Yesu wah'ah'ih'a kwakwe na kunena nao kwa ndarira " ²⁴ Dze Pepho muyi anaweza kumravya Pepho muyi? ²⁵ Ichikara ufalme uchidziganya wenye, ufalme h'uo tauweza kuima. ²⁶ Kama Shetani andang'oka chinyumeche mwenye na kuganyika, kaweza kuima, na andakara akafika mwishowe. ²⁷ Lakini takuna hata mmwenga awezaye kuinjira ndani ya nyumba ya mutu mwenye nguvu na kuiya vituvye bila kumfunga mwenye nguvu kwanza, na chimara kukusanya chirichomo nyumbani. ²⁸ Kweri nah'ambirani, ubananzi wosi wa ana ah atu zindasamehewa phamwenga na kufuru ambazo manena, ²⁹ lakini yeyosi andaye mkufuru kwa Mph'eph'era Mng'aro kandasamehewa katu, bali ana hatiya ya ubananzi wa kare" ³⁰ Yesu warinena hiri kwasababu akara achinena, " Ana pheph'o muyi". ³¹ Chimara nine na nduguze makwedza na kuima kondze. Achimragiza mutu, kumuhih'a. ³² Na umati wa atu okarapho ukasagara ph'eph'i naye uchimwambira, " Chinakwenu na nduguzo aipho kondze, na anakuh'enza uwe". ³³ Waajibu, " Ni yuph'i mayo wangu na ndugu zangu?" ³⁴ Waatunza okara akasagara akamzunguka, na achinena, " Tunza h'ano ni mayo zangu na aneh'u! ³⁵ Yeyosi ahendaye arondago Mrungu, mutu h'iye ni mweneh'u, na dada yangu na mayo".