¹ Huno ni mwanzao wa injili ya Yesu Kristo mwana wa mrungu. ² Kama irivyoandikwa ni nabii Isaya,''Tunza,nina muh'uma madzumbe wangu mbereyo,mmwenga andayetayarisha njiryo. ³ Sauti ya mtu ahilaye nyikani,kamilishani njira za dzumbe ;Zigoroseni njira ze''. ⁴ Yohana wakwedza achibatizwa nyikani na kuhubiri ubatizo wa toba kwa msamaha wa ubananzi. ⁵ Nchi yosi ya Uyahudi na atu osi a Yerusalimu amia kwakwe. Machikara manabatizwa nih'iye phenye muh'o Yordani, maechiungama ubananzi wao. ⁶ Yohana kara anavwara vwazi ra manyoya ga ngamia na mkanda wa chingo chibiruni mwakwe, na achikara anaya nzidzje na asali ya nyika. ⁷ Waambira na kunena "Aphapho mmwenga aredza baada yangu wenye nguvu ny'in'ji kuriko mimi, na sifwaa hata ya kuzama photsi na kamba za viatuvye. ⁸ Mim'o naabatiza kwa madzi, lakini iye andaabatiza mwimwi kwa mph'eph'era mng'aro. ⁹ Yaturukira katika siku hizo kwamba Yesu wakwedzja kura Nazareti ya Galilaya, na wabatizwa ni Yohana pheny'e muh'o Yordani. ¹⁰ Mida Yesu phong'oka kura madzini, waona mbinguni kukafwenuka wazi Mph'eph'era achitserera tsini juruye dza njiya. ¹¹ Na sauti yaturuka mbinguni, "Uwe ni mwanangu nikumendzaye. Nafwairwa sana ni uwe." ¹² Tsona mara mwenga mph'eph'era achimlazimisha kumia nyikani. ¹³ Wakarako nyikani siku mirongo nine, achidzjezwa ni Shetani. Wakara phamwenga na anyama a tsakani, na mararaika mamudumia. ¹⁴ Sasa baada ya Yohana kugwirwa, Yesu wakwedza Galilaya achitangaza injili ya Mrungu, ¹⁵ achinena "Wakati ukafika, na ufarume wa Mrungu uphephi. Tubuni na kuamini katika injili". ¹⁶ Na achitsapa kanda ya bahari ya Galilaya, wamwona Simoni na Andrea ndugu wa Simoni achitsupha nyavu zao katika bahari kwa kukara makara avuvi. ¹⁷ Yesu achiambira, "Nvzoni nirungani, ninda ahenda avuvi a atu." ¹⁸ Na mara mwenga aricha nyavu na achimrunga. ¹⁹ Mida Yesu phonyendeka umbali chidide, wamwona Yakobo mwana wa Zebedayo na Yohana nduguye; makara kwenye dau machitengeza nyavu. ²⁰ Mara waahih'a na h'ao machimricha ise yao Zebedayo ndani ya dau vibaruwa akukodiwa, machimrunga. ²¹ Na ariphofika Kaperinaumu, siku ya Sabato, Yesu wainjira kwenye sinagogi na kufunza. ²² Mashangazwa funzore, kwa vira wakara achiafundisha kama mtu ambaye ana uwezo na sio kama aandishi. ²³ Saa iyo - iyo kwakara na mtu katika sinagogi rao pepho muyi na wapiga dzogo, ²⁴ achinena, "Unani chakuenda na uwe, Yesu wa Nazareti? Ukedza kuuangamiza? Nakumanya u yuphi. Uwe ni mtu mnono machenye wa Mrungu!" ²⁵ Yesu wamdemurira pepho na kunena, "Nyamara na uturuke ndaniye!" ²⁶ Na pepho muyi wam'bwaga photsi na achituruka kwakwe achirira kwa rakara dzuru. ²⁷ Na atu osi achimaka, hivyo achiuzana kila mmwenga, "Hiri ni nini? Fundzo dziphya renye uwezo? Hata anademurira pepho muyi nao anamuheshimu!" ²⁸ Na habari kuhusu iye mara mwenga zatapakaa kila phahali ndani ya jimbo rosi ra Galilaya. ²⁹ Na mara mwenga baada ya kura konje ya sinagogi, mainjira nyumbani mwa Simoni na Andrea achikara na Yakobo na Yohana. ³⁰ Sasa mayo mtsendzaye Simoni kara arere ni mkongo wa homa, na mara mwenga amwambira Yesu habarize. ³¹ Hivyo wakweza, achimgwira kwa mkono, na kmuunura dzuru; homa ichiuka kwakwe, na achianza kuah'umikira. ³² Dzironi hiyo wakati wa dzuwa rikasira kuzama, mamrehera kwakwe osi ariokora akongo, na oinjirwa ni pepho. ³³ Mji wosi madzikusanya phamwenga phenye myango. ³⁴ Waphonza anji arih'o akongo ah makongo manji manji na kuravya pepho anji, katu kuyaruhusu pepho kunena kwasababu mammanya. ³⁵ Waramuka rugunju na mapema, wakati wakara kuchere gziza; wauka na achiminh'a phahali pha machenye na achivoya iko. ³⁶ Simoni na osi ariokara phamwenga naye mamuenza. ³⁷ Mamphaa na machimwambira, " Kila mmwenga anakuh'enza" ³⁸ Waambira, "Umieni phahali phanjina, kondzje katika midzi ya phephi phephi niweze kutangaza iko pia. Ndio sababu nakwedza hipha." ³⁹ Wamia achitsapa Galilaya yosi, achitangaza katika masinagogi gao na kukemera pepho. ⁴⁰ Mwenye ma'na mmwenga wakwedza kwakwe wakara anamvoya; achigota mavwindi na achimwambira, "Ichikara unaronda, unaweza kunienda nikare mnono." ⁴¹ Achisukumwa ni mbazi, Yesu wagorosa mkono we na kumguta, achimwambira, "Niaronda. Ukare mnono." ⁴² Mara mwenga ma'na gachumuh'uka, na achiendwa kukara mnono. ⁴³ Yesu wamkanya vikali na achimwambira amie mara mwenga, ⁴⁴ Waambira, "Hakikisha kunena neno kwa yeyosi, lakini mia, udzionyese kwa mwarimu mbah'a, na uravye sadaka kwa ajili ya utakaso ambah'o Musa waragiza, dza ushuhuda kwao." ⁴⁵ Lakini wamia na kuanza kumwambira kila mmwenga na kutapakaza neno zaidi hata Yesu kayaweza tsona kuinjira madzini kwa uhuru. Hivyo wasagara phahali pha fwitso na atu makwedza kwakwe kura kila phahali.