¹ Avolelo habule hukumu ya iadhabu kwa waja weli mwa Kristo Yesu. ² Kwa via ikanuni ya Roho wa ugima uja uli mwa Kristo Yesu unitenda niye niwe huru mbali na ikanuni ya idhambi na mauti. ³ Kwa maana chiya chipotigwe na isheria kutendigwa kwa sababu ikala dhaifu mulukuli,Mulungu kaitenda kamtuma mwanaye wa upekee kwa mfano wa lukuli lwa dhmabi yawe sadaka ya dhambi,na kaihukumu dhambi Mulukuli. ⁴ Katenda vino ili yamaagizo ya isheria yatimie mmwetu,cheye hachigenda kwa kuwinza ya ulukuli,lakini waja i Roho wofikiri ya Roho. ⁵ Waja wowinza ulukuli wofikiiri ya ulukuli,lakini waja i Roho wofikiri ya Roho. ⁶ Kwa via inia ya ulukuli ni mauti,bali inia ya Roho ni ugima na amani. ⁷ Ino ni kwa sababu ija inia ya lukuli ni uadui kwa Mulungu,kwa maana haiitii isheria ya Mulungu wala haidaha kuitii. ⁸ Waja wowinza lukuli hawadaha kumpendeza Mulungu. ⁹ Hata ivo,hammwabule mulukuli bali mui Roho,kama ihawa kweli kwamba Roho wa Mulungu koishi mmwenu.Lakini kama muhnu kabule Roho wa Kristo,Yeye si wake. ¹⁰ Kama Kristo kammwenu,lukuli lufa kwa mbuli ya dhambi bali roho ya hai kwa mbuli ya haki. ¹¹ Ihawa roho wa ija yamfufue Yesu kulawa muuwafu koishi mmwenu,yeye ija yamfufue Kristo kulawa nuu uwafu,kezaipata ivia ngh'uli zenu za mauti uhai kwa nzila ya Roho wake,yoishi mmwenu. ¹² Ivo lelo,ndugu zangu,cheye cha wadeni,lakini si kwa lukuli kwamba chiishi kwa jinsi ya lukuli. ¹³ Maana ihawa moishi kwa jinsi ya lukuli mwa kabehi na kudanganika,lakini ihawa kwa Roho mosafisha yamatendo ya lukuli,na mweye mwizaishi. ¹⁴ Maana kama wengi ivo woongozigwa na Roho wa Mulungu,wano wana wa Mulungu. ¹⁵ Kwa via hamwi hokele roho wa utumwa kaidi hata muhadumba,Badala yake,Muhokela roho ya kutendigwa muwe wana,yayo yochiliza,"Tata,Tata!" ¹⁶ Roho mwenyeo kashuhudia hamwe na roho zetu kuwa cheye cha wana wa Mulungu. ¹⁷ Ihawa cha wana,basi na cheye cha warithi ivia warithi wa Mulungu.Na cheye cha warithi hamwe na Kristo,ihawa kweli choteseka na yeye ili chitukuzigwe hamwe na yeye. ¹⁸ Kwa via noyapeta mateso ya ukati uno si Chinhu nihalinganishe na utukufu uwo wonda ufunuligwe kumwetu. ¹⁹ Kwamaana iviaviumbe vyose vyo lolela kwa shauku nyingi kutumiligwa kwa wana wa Mulungu. ²⁰ Kwa maana ivia uumbaji utiishwa hachi ya ibatili,si kwa hiyari yake,ila kwa sababu yake yeye yavitiishe.Ni muna amatumaini ²¹ Kwamba uumbaji wenyeo nao woikigwa huru na kulavigwa muna uutumwa wa ubananzi,na wongizigwa mu uhuru wa utukufu wa wana wa Mulungu. ²² Kwa maana chivimanya ya kuwa uumbaji nao ivia wougula na woteseka kwa usungu hamwenga hata sambi. ²³ Si ivo muhala na cheye wenyeo chili na malimbuko ya Roho-cheye ivia chougula mzinafsi zetu,chiha goza kutendigwa wana,yaani ukombozi wa ngh'uli zetu. ²⁴ Kwa maana ni kwa tarajio dino chiokolewa.Lakini chinhu chochitarajiwa chihaoneka habule tarajio kaidi,kwa maana ilii yotarajia chiya yolola? ²⁵ Bali chiha hatarajia chinhnu hachikiona,chokigozela kwa saburi. ²⁶ Kwa ivo ivo,Roho naye yochisaidia mu udhaifu wetu,Kwa maana hachimanyile kuomba via vilondeka,lakini Roho mwenyeo kochiombea kwa kuugula hakulaongigwa. ²⁷ Na ija yochunguza imiayo kaimanya hakili ya Roho,kwa sababu koomba kwa niaba ya waja wamini kulingane na mapenzi ya Mulungu. ²⁸ Na cheye chivimanya ya kuwa kwa wose wompenda Mulungu,yeye kotenda mbuli zose hamwa kwa wema,kwa waja wose walangigwa kwa giladi jake. ²⁹ Kwa sababu waja wo amanyile wose toka mwaka,ivia kawasagula toka mwaka wafananishwa na mfano wa mwanage,ili mzaliwa wa kwanza mwi ndugu iwandugu wengi. ³⁰ Na waja wasaguligwe tangu asili yao.Kawatanga ivia.Na waja yawatangile,wao kawapetela haki.Na waja wapeteligwe haki,wao ivia kawatukuza. ³¹ Chilonge ilihi mbuli zino?Mulungu yahawa upande wetu,ilihi eli mmwetu? ³² Yeye ya mulekile mwanage mwenyeo kamlava kwa ajili yetu chose kezakosaze kuchikirimu cheye na yose hamwe naye? ³³ Ilihi yondawashitaka wateule wa Mulungu?Mulungu iyo mwenyewe kuwapetela ihaki. ³⁴ Ilihi yonda kuwahukumia adhabu?Kristo Yesu iyo yadanganike kwa ajili yetu,na ya yayo,yeye kafufuwigwe ivia.Naye kotawala hamwe na Mulungu,na ivia hanhu ha heshima na kaidi iyo yochiombea cheye. ³⁵ Ilihi yonda yachitenge na upendo wa Kristo?Dhiki,au shida,au mateso,au njaa,au achi,au hatari,au upanga? ³⁶ Kama viya ndikigwe,"kwa faida yako chougwa imisi kutwa:Chipetigwa kama kondoo wa kuchinjwa." ³⁷ Muna mbali zose zose cheye cha zaidi ya washahidi muna yeye yachipendile. ³⁸ Kwa maana nishawishika mimala kwamba wala mauti,wala ugima,wala malaika,wala mamlaka,wala vinhu vilibaho,wala vinhu ivo vikwiza,wala nguvu, ³⁹ Wala yeli kuchavya,wala yeli hasi,wala kiumbe chimwenga chochose,hakidaha hachidaha kuchitenga na upende wa Mulungu,Kristo Yesu Bwana wetu.