¹ Chilonge choni?chiendelee muna idhambi ili yongezeke ineema? ² Habule cheye chifile mmadhambi,chodahaze kaidi kuishi aumbo? ³ Vino hamvimanyile kuwa waja wabatizigwe mu Ukristo wa batizigwa mmauti yake? ⁴ Chikala chizikwa hamwe naye kufosela ubatizo muna ikifo.Ino itendeka kama Kristo voenuligwe kulawa mmauti kufosela utukufu wa Tata,ili na cheye chidahe kutembea muna uupya wa maisha. ⁵ Maana ihawa chiunganishigwa hamwe naye muna umfano wa ikifo chake,ivia chiza ungamishwa mu ufufuo wake. ⁶ Cheye vino chivimanya,uhnu wetu wa umwaka usulubiwa hamwe na yeye,ili lukuli lava dhambi luba a ngingwe.Ino ilawilila ili seke chiendelee kuwa watumwa wa dhambi. ⁷ Iyo yadanganike katendigwa mwenye haki kulingana na dhambi. ⁸ Lakini kama chidanganika hamwe na Kristo,choomini chizaishi hamwe naye ivia.

⁹ Chivimanya kwamba Kristo kafufuliwa kulawa muuwafu,na kwamba si mtu kaidi.Kifo hakimtawala kaidi. ¹⁰ Maana kwa habari ya kifo ichoatile kwa dhambi,kadanganika mara lumwe kwa ajili ya wose.Hata ivo,maisha yo oishi kwa ajili ya Mulungu. ¹¹ Kwa nzila iiyo,na mweye ivia mopaswa kuipeta kuwa watu mu idhambi,bali Yesu Kristo ka hai kwa Mulungu. ¹² Kwa sababu iyo seke uruhusu dhmabi itawale lukuli lwako ili kusudi udahe kuzitii tamaa zake. ¹³ Seke ulave sehemu za lukuli lwako mu idhambi kama vyombo vilibule na haki ilave weye kwa Mulungu,kama voweli hai kulawa mmauti.Na zilaveni sehemu ng'huli zenu kama vyombo vya ihaki kwa Mulungu. ¹⁴ Seke muruhusu dhambi iwataweleni.Kwa kuwa haumwili hasi ya isheria,bali hasi ya ineema. ¹⁵ Choni basi?chitende dhambi kwa kuwa hachili hasi ya isheria,bali ya ineema?Habule. ¹⁶ Hamvimanyile kuwa kumwake yeye moilava wenyeo kama watumishi,lelo mwye mowa watumishi wake,yeye mopaswa kumtii?Ino ni kweli hata kama mweye mwa watumwa mu idhambi ambayo yogala mauti,au watumwa wa utii ugala ihaki. ¹⁷ Lakini ashukuriwe Mulungu!Kwa kuwa mukala watumwa wa dhambi,lakini mutii kulawa mmioyo ija difundisho jo mwing'higwa. ¹⁸ Mtendigwa huru kulawa muidhambi,na mtendigwa watumwa wa haki. ¹⁹ Nolonga kama muhunu kwa sababu ya madhaifu ya ng'huli zenu.Kwa maana kama viya mulavile viungo vya ng'huli zenu kuwa watuwa kwa uchafu na uovu,kwa jinsi iyo iyo,lelo laveni viungo vya ng'huli zenu kuwa watumwa wa haki kwa utakaso. ²⁰ Kwa kuwa ivo mkalile watumwa wa dhambi,mkala huru mbali na ihaki. ²¹ Kwa ukati uwo,mkala na tunda dilihi kwa mbuli ambazo kwa sambi moona kingala?Kwa kuwa ulawililo wa mbuli izo ni kifo. ²² Lakini kwa kuwa sambi mtendigwa huru mbali na dhambi na mtendigwa watumwa kwa Mulungu mna tunda kwa ajili ya utakaso.Lawililo ni ugima wa milele. ²³ Kwa kuwa mshahara wa dhambi ni mauti,zawadi ya Mulungu ya bule ni ugima wa milele muna Kristo Yesu wana wetu.