¹ Paulo,mtumishi wa Yesu Kristo,wantangaga mtume,na katengigwa kwa ajili ya injili ya Mulungu. ² Ino iyo ija injili yaahidie umwaka kufosela kuna manabii wake muna maandiko matakatifu. ³ Yohusu mwanage,yaleligwe muna ulukolo lwa Daudi kwa jinsi ya lukuli. ⁴ Yeye katangazigwa kwa mwana wa Mulungu kwa nguvu ya roho ya utakatifu muna ufufuo wa wajawafile,Yesu Kristo mwenevale wetu. ⁵ Kufosela yeye chihokela neema na utume kuna uatii wa imani muna mataifa yose,kwa ajili ya zina jake. ⁶ Mwa mataifa yano,na mweye mutangigwa Yesu Kristo. ⁷ Baruanino ya wose weli uko Rumi,wao wopendigwa na Mulungu,wao wotangigwa wahnu watakatifu.Neema iwe kumwenu,na amani kulawa kwa Mulungu Tati yetu na mwenevale Yesu Kristo. ⁸ Kwanza ,nomshukuru Mulungu wangu katika Yesu Kristo kwa ajili ya mweye mose,kwa sababu imani yenu yohubiriwa muna idunia yose. ⁹ Kwa maana Mulungu iyo ishahidi kumwangu,no mtumikia kwa roho yangu muna ijili ya mwanage,jinsi ivyo ni mudu muna kuwatambula. ¹⁰ Daima niye noomba munaizisala zangu kwamba kwa nzila yoyose nipate umwisho wa mafanikio sambi kwa mapenzi ya Mulungu muna ukwiza kwenu. ¹¹ Maana natamani kuwaona,ili nipate kuweng'ha mweye baaadhi ya karama za muiroho,nipate kuwaimarisha. ¹² Yaani,nololela ning'higwe moyo hamwenga na mweye,kwa nzila ya imani ya kila mietu imwe,iyenu na iyangu. ¹³ Sambi ndugu,silonda mswele kumanya kwamba,mara nyingi nikuusudia kwiza kumwenu,lakini nigomesigwa mpaka sambi.Nilonda vino ili matunda yawe kumwenu kama ivo ili kwa wahnu wa mataifa yamwenga. ¹⁴ No daigwa na wayunani hamwenga na wageni,werevu na mabozi. ¹⁵ Lelo ,kwa upande wangu,niye na tayari kutangaza injili kumwenu hamwenga na mweye nauli uko Roma. ¹⁶ Kwa maana,siionela kinyala injili,kwa kuwa ni uwezo wa Mulungu kugala wokovu kwa kila aaminie,kwa myahudi kwanza na kwa myunani ivia. ¹⁷ Kwa maana haki ya Mulungu idhihirishigwa kulawa imani hata imani,kama viyaandikigwe,"mwenyewe haki kezaishi kwa imani." ¹⁸ Maana gadhabu ya Mulungu idhihirishigwa kulawa kuna imbingu dhidi ya uasi na uovu wose wa wahnu,waja kwa nzila ya udhalimu wofisa ukweli. ¹⁹ Ino kwa sababu,yose yaja yodaha kumanyika kwa Mulungu ya wazi kumwao.Maana Mulungu kawalongela. ²⁰ Maana yaja ayake hayaoneka goya yawazi tangu kuumbigwa ulimwengu.Yomanyika kufosela vihnu viumbigwa.Yano ni uwezo wake wa milele na asili ya ulugu.Ulawililo wake ,wahnu wano wabule uzuru. ²¹ Ino kwa sababu,ingawa wavimanya kuhusu Mulungu,hawamtukuze yeye kama Mulungu,wala hawa muwing'hile shukurani.Badala yake wawa wapumbavu muna amawazo yao na mioyo yao ya ujinga igeligwa ziza. ²² Waitanga wao wamanyi,lakini wawa mabozi. ²³ Wayahudi utukufu wa Mulungu elibule na ubananzi kwa mfano wa sura binadamu yeli na ubananzi,na ya udege,ya wanyama wenye migulu minne,na ya viumbe vitambalala. ²⁴ Kwahiyo Mulungu kawaleka wawinze tamaa za mioyo yao kwa uchafu,kwa ng'huli zao wofedhe heshwa wao. ²⁵ Ni wao waigalula kweli ya Mulungu iwa umbeya,na waja wakala woabudu na kutumikia viumbe badala ya muumbaji,yosifiigwa milele,Amina. ²⁶ Kwa sababu ino,Mulungu kawaleka wawinze tamaa zao za chinyala,kwa kuwa wanawake wao wayagalula matumizi yao ya umwaka kwa chiya chili kinyume na umwake. ²⁷ Iviya kwa iviya,walume nao waleka matumizi yao ya umwaka kwa wanawake na wawa na tamaa dhidi yao wenyeo.Wanao wakala walume watendile mbuli zi zao na walume wayawe,na wahokela adhabu istahili na upotovu wao. ²⁸ Kwa sababu walema kuwa na Mulungun muna zitahamu zao,kawaleka wawinze akili zao hasifanya watende yaja hayafaya. ²⁹ Wamemigwa na udhalimu wose,uovu,tamaa na ubaya.Wamemigwa na wivu,uuwaji,ugomvi,uvwizi,na nia iihile. ³⁰ Wao iviya ni wasengenyaji,wasingiziaji,na wenye kumechukia Mulungu.Wenye vurugu,kiburi na magodelo.Wao ni watunga yehile,na wabule utii kwa wazazi wao. ³¹ Wao wabule umanyi,hawaaminika,wabule mapenzi ya umwaka,na wabule ubazi. ³² Wazimanya kanuni za Mulungu,ya kwamba wahnu wotenda mbuli zilingile kama izo wolondeka wafe.Lakini sio tu kutenda mbuli izo,wao ivia woilumba na waja wotenda mbuli izo.