¹ Sambi hata agano da kwanza dikala na sehemu ya ibada hano duniani na utatibu za ibada. ² Kwa kwenya hema hakala na chumba cha kunze hatangigwa hanhu hatakatifu kwa eneo dino hakala na kinala cha taa meza na mikati ya kulagusigwa. ³ Na kunyuma panziya la kaidi kukala na chumba kimwenga hatangigwa hanhu hatakatifu nghani. ⁴ Mkalaumo madhabahu ya dhahabu kufukizila uvumba piya mkala sanduku da agano ijo dikala dizengigwa kwa dhahabu muhala mgati yake mkala na bakuti ya dhahabu dina manna fimbo ya haluni ihota mayani na ziya mbao za mabwe za agano. ⁵ Mchanya ya sanduku da agano maumbo maselafi wa utukufu wagubike mabawa yao kuulongozi ya kiti cha kupatanisha ambacho kwa sambi hachidaha kusimulila kwa mgati. ⁶ Baada ya vinhu vino kuwa vimala kuwanaliwa makuhani kawaida kengila mwichumba cha kunze cha hema kwava huduma zao. ⁷ Lakini kuhani mkulu kengila kiya chumba cha kaidi yeidumwe mala imwe kila mwaka na habule kuleka kulava dhabihu kwa ajili yake binafsi kwa dhambi za wahu izowatendile habule kukusudiya. ⁸ Roho mtakatifu kashuhudiya kwamba zila ya hanhu hatakatifu nghani inghali hainagubuligwa kwa viya diya hema da kwanza dinghali ditimalala. ⁹ Chino ni kielelezo cha muda uno wa sambi zose zawadi na dhabihu izo zalavigwa sambi havidaha kukamishika dhamili ya yoabudu. ¹⁰ Ni ndiyo na vinywaji viidumwe viunganishwa kuwa wateneneza kwa upolepole za ibada kuisunha vyose wo zakala taratibu za kimwili vikalile vyandikigwe hadi ize amuli mpya yolondaikigwe hanhu heidumwe. ¹¹ Kristo kakala kama kuhani mkulu wa mbuli zinogile ambayo yeza kufosela ukulu na wakamilifu wa hema kulu kwa iyo haitendeke na mikono ya wahu si wa ulimwengu uno uumbigwa. ¹² Ikala si damu ya mbuzi na ndama ila kwa damu yeke mwenyewe kuwa Kristo kengila hanhu hatakatifu nghani mala imwe kwa kila imwe na hachikakikishe ukombozi wetu wa milele. ¹³ Kama kwa damu ya mbuzi na mafahali na wanyunyuziligwa kwa maivu ya ndama kwa wao webule usafi walengi gwa kwa Mulungu na kutendigwa miili yao safi, ¹⁴ Je si izidi nghani damu ya Kristo ambaye kufosela Roho wa milele kailava mwenyewe bila mbuli kwa Mulungu kwiisunha dhambi zetu kulawa kutenda mafu kamtumikeya Mulungu awile Mgima? ¹⁵ Kwa viya iyo Kristo ni mjumbe wa agano mpya ivo yeye kuwa maiti iwaleka hulu wose wakalile wa agano da kwanza zao kulawa kuwa wose watangi gwe na Mulungu wadahe kuhokela ahadi ya urithi wao wa milele. ¹⁶ Kuwa kuna agano dodumu ni kweli kuhakikisha kwa kifo cha muhu ija iyoyatendile. ¹⁷ Kwani agano dokuwa na nguvu hanhu kolawilila maiti kwa kuwa habule nguvu muda uja kutendigwa kawa koishi. ¹⁸ Ivo hata sidiya agano da kwanza dikala dikigwa habule damu. ¹⁹ Sikuivo Musa ukayakulike kalava kila agano da sheliya kwa wahu wose wasola damu ya ng'ombe na mbuzi hamwe na mazi kitambula kidunhu na isopo na kawanyunyizila ngombo senyewe na wahu wose. ²⁰ Hamala kalonga ino ni damu ya agano,ijo Mulungu kawenha amuri kumwenu." ²¹ Kwa dino ijaija kanyunyizila damu kuchanya ya hema vyombo vyose vitumiwe kwa ihuduma ya ukuhani. ²² Na zilingana na sheliya habehi kila kinhu chitakasigwe kwa damu habule kwitila damu habule kumsamehe. ²³ Kwa ivo ikala kuwa izo nakala za vinhu va mbinguni nalonda visunhigwe kwa dina dhabihu iyo inogile nghani. ²⁴ Ino hengile hanihu hatakatifu kabisa hatendigwa na mikono iyo ni nakala ya kinhu kweli bada yake kengila mbingu yenyewe hanhu kwa sambi kauko kulongozi ya uso wa Mulungu kwa ajili yetu. ²⁵ Hengile kiya kwa ajili ya kuilava sadaka kwa yake baho kwa baho ivo yatendile kuhani Mkulu yeye kengile hanhu hatakatifu nghani mwaka baada ya mwaka hamwe na damu ya imwenga, ²⁶ Kama ivo ikala kweli basi ihawile lazima kumwake kutesigwa mara nyigi nhani kulawa mwanzo ulimwengu ila samhi ni mara imwe mpaka mwisho wa miyaka lyoigubule kuisegeza dhambi yake mwenyewe. ²⁷ Kama ivoili kwa kila munhu kufa mara imwe na bada ya ivo kokwiza hukumu., ²⁸ Ivo divo Kristo yeye ivo kakala mara imwe kusegeza dhambi za wengi kulawa mara kaidi si kwa kusudi da kukuhangaikiya dhambi hadi kwa ukombozi kwa waja womgozela kwa saburi.