¹ Kwahiyo,kwa via chizungurukigwa na wingu klulu da mashahidi,na chase kila kinhu icho chotuve lelesa hamwe na dhambi ambayo yochigozela kwa urahisi.Chikimbile kwa saburi muna yamashindano yekigwe mbele yetu. ² Chilole meso yetu kwa Yesu,yawile yasongeze na mwenye kutegeleza imani zetu,ambaye kwa ajili ya kusekelela ambavyo ikigwa mbele yake kastahmili msalaba,yahazarau chinyara chake,na kakala hasi mkono wa kulume wa chiti cha enzi cha Mulungu. ³ Maana mutafakali yeye yawile stahimili maneno ya chuki kulawa kwa wenye dhambi,zaidi yake mwenyewe ili kwavia sekemwize mukalegela kuzimia mioyo yenu. ⁴ Hamuna taabika au kuteseka muhaihuma na dhambi kiasi cha kumaligwa na damu. ⁵ Hamala mozimiza kuja kugeligwa Moyo ambako kowaelekeza kama wana wakilume:"Mwanangu,sekeuyasole kwa haraka mabwelelo ya Bwana,wala sekeukatine tamaa holonda uleke bishigwe na yeye." ⁶ Kwavia Bwana humwelela yoyose ambaye kompenda,na humwihnga adhabu kila mwana ambaye humuhokela. ⁷ Stahimili majaribu kama kubweleligwa.Mulungu hushughulika na mweye kama ivoyoshughulika na wana.Maana ni mwana ilihi ambaye tati yake hadaha kumwelela? ⁸ Lakini kama habure kubweleligwa,ambao cheye chose choshiriki,basi mweye ni haramu na sio wanaye. ⁹ Hngulu ya yose,chokala na tata zetu kidunia wa kuchibwelela na chiwaheshimu.Je hauchilonda hata hngani kumuheshimu tata wa moyo na kuishi? ¹⁰ Kwavia tata zetu wachitoa kwa miaka midodo kama ivoiyoneka sawa kamwao,lakini Mulungu huchitoa kwa faida yetu ili chishiriki utakatifu wake. ¹¹ Habure kuitoa ivoyosekeza kwa wakati huo.Huwa na maumivu.Hata ivo,baadaye hulela tunda damaani ya utawala kwa waja wafunzigwe nayo. ¹² Kwahiyo inuleni mikono yenu iyoilegele na kutenda magoti yenu yawile yabwe nguvu kuwa yeye nguvu kaidi; ¹³ inuleni yafosile ya nyayo zenu,ili kwavia yoyose yawilembovu hezakwiza za kuongozigwa upotevuni lakini apate kuhonyigwa. ¹⁴ Londeni amani na wahnuwose,na hamalo utakatifu ambao bila huo habure yondayamuone Bwana. ¹⁵ Muwe walolaji ili kwavia sekewawe yondoyatengigwe kutali na raha ya Mulungu,na kwavia sekedize sina da usungu ijodolondadichipuke na kutenda shida kupoteza wengi. ¹⁶ Loleni kuwa habure zinaa au munhu yawile mtawa kamavia Esau,ambaye kwa sababu ya ndiya imwe kauzo haki yake ya kluleligwa. ¹⁷ Kwavia momanya kwamba baadaye,ivoyalondile kurithi baraka kalemeligwe,kwa via hapatile nafasi ya kutubu hamwe na bati yake,hata ivo balonda hngani kwa masozi. ¹⁸ Kwa via hamwizile muna umulima ambao udaha kugusigwa mlima uwo wokwaka moto,zizo ,kokahnisha tamaa na dhoruba. ¹⁹ Hamwizile kwa sauti za tarumbeta,au kwa mbuli ziozola vigwa na sauti ambazo itenda kila yahurike sekewaumbe mbuli yiyose kuloongigwa kumwao. ²⁰ Kwavia hawa dahile kuvumilia ichochiamuligwe:"Ihawa hata mnyama yondo yaguse mlima,lazima atoigwe kwa mabwe." ²¹ Ya kutisha hngani zaidi yayaonile Musa kalonga,"Nidumba hngani kiasi cha kugudemeka." ²² Hamala yake,mwiza mlima Sayuni na muna umji wa Mulungu,Yerusalemu yambinguni na kwa malaika elfu kumi wawile wasekelela. ²³ Mwiza muna dikusanyiko da wa leligwa wa kwanza wose wasaga ligwe mbinguni,kwa Mulungu hakimu wa wose,na watakatifu wa moyo wa watakatifu ambao wakamilishigwa. ²⁴ Mwiza kwa Yesu mpatanishi wa agano dipya,na kwa damu iyo inyunyi zigwe ambaye hulonga yanogile hngani kuliko damu Habili. ²⁵ Lola kwavia sekewize kumkahna imwe ambaye yolonga.Kwa via hawa kwepile yawakahnile imwe yawaonyile mwidunia kwa via hachiepuka ihawa chizabiduka kutali kulawa kwa ija yochilonga kulawa mbinguni. ²⁶ Kwa wakati uno sauti yake itisigwa dunia.Lakini sambi kalonga na kulonga,"Bado mara imwenga hamala sitingi so dunia idumwe,hamala mbingu via." ²⁷ Mbuli zino,"mara imwe hamala,"yoonesha kutoeshigwa kwa vihnu via ivovyogudemeka,vinoni,vihnu via ambavyo viumbigwa,ili kwavia via vihnu kamahovigudemeke visigale. ²⁸ Kwahiyo,chikokele ukulu ambao haugudemeka,chisekelele muna ihali ya kumuabudu Mulungu kwa kutogola hamwe na kunyenyekea katika kicho, ²⁹ Kwa maana Mulungu wetu ni moto uovoodigwa.