¹ Hamala ndugu chowanguma moyo,"kuwalongela kwa Yesu Kristo kama ivomuhokele ivomulongiligwe kulawa kumwetu ivo ilondigwa kwita na kumpendeza Mulungu kwa zila iyo piya mwite na kutenda nghani. ² Kwa kuwa mvimanya maelezo yalihi chiwe nghileni kufosela Bwana Yesu. ³ Kwa kuwa yano ivo mapenzi ya Mulungu utakaso wenu mudumbe zinaa, ⁴ Kwa kila imwe kavimanya namna ya kumi liki mke wake mwenyewe kwa utakatifu na heshima. ⁵ Sekeuwe na mke ajili ya tamaa za mwili (kama mtaifa hawammanyele Mulungu.) ⁶ Sekeyawe munhu yoyose yolonda yavuke mpaka kumkoseya nduguyake kwa ajili ya mbuli ino kwa kuwa Bwana ivo mwenyewe kuliha kisasi kwa mbuli zose haya kama ivochili longola kuwaoya na kuwashuhudiya. ⁷ Kwa vija Bwana hachitangile kwa uchafu ila kwa utakatifu. ⁸ Kwa ivo yodilema dino hawalema wanhu ila yomlema Mulungu yowengha. ⁹ Kuhusu upendo wa ndugu habule haja ya wanhu yoyose kukwandikila kwa kuwa Mfundishwa na Mulungu kuipenda mweye kwa mweye. ¹⁰ Hakika nitenda yano yose kwa ndugu webaho Makedonia yose lakini chowalongela mtende hata na ng'hani. ¹¹ Chowalongelani yotamani kuishi maisha kwa utulivu kuyali shughuli zenu na kutenda kazi kwa mikono yenu kama ivochilongile. ¹² Tenda yano ili udahe kugendelela vinogile na kwa heshima kwa wao wokala kunze ya imani ila sekehugukilwe hitaji jojose. ¹³ Hakitaki mweye mvimanye sekeiwe sahihi mweye ndugu mchanya ya yayo wagonile ili seke mwize mkumakinyala kama wageni webule uhakika kuhusu wakati wondawize. ¹⁴ Kwaiyo choamini kuwa Yesu kafa na kafuka kaidi ivo ndivo Mulungu kowa gala hamwe na Yesu wao wagonile mauti kumwake yeye. ¹⁵ Kwa ajili ya wao chiwalongela mweye kwa mbuli ya Bwana kuwa cheye chinghali wagima cholondachiwebaho wakati wa kwiza kwake Bwana hakika hachiwalongelela woya wagonile mauti. ¹⁶ Kwa kuwa Bwana Mwenyewe kohumuluka kulawa mawinguni kokwiza na sauti nhulu hamwe na sauti ya malaika mkulu hamwe na palapanda ya Mulungu nao wafile kwa Kristo wofufuka kwanza. ¹⁷ Hamala cheye chinghali hai chisigale chouna katika mawingu hamwe nao kumuhokela Bwana hewani kwa ajili ino chukuwa na Bwana siku zose. ¹⁸ Kwa ivo mfarijiane mweye kwa Mweye kwa mbuli zino.