¹ Kweki nkarora kureka kukubhoko kwa okusaja kwa urya yabhanga yekeri kukitumbi kya obhukuru, erigombo rinu ryangora embere na hensiku, na ryabhanga ritererwe aman'goryo muhungati. ² Namurora maraika anu yana eginguru arehigirya kwa amanaga amanene. "Nuwi arenderwa kurisikura erigombo nakugabhuna amang'ora gaye?" ³ Hatario muntu kurwire kasi mukyaro kasi hinsi wa ekyaro unu aratara okunsikura erigombo au okurisoma. ⁴ Nakura kwa obhururu okubha atatuuka urya wonsego unu arenderwa kusikura erigombo au okuri soma. ⁵ Naawe umwi wa bhakaruka akamburya, "otakura. Mumahe! endwi ya erikabhira rya Yuda, erisagi rya Daudi, ahitiri, na aratura kurisikura erigombo na aman'gora gaye muungati.'' ⁶ Gati ya ekitumbi kya obhukuru na bhanu bharahejera abhane na gati yabho abhakaruka, narora omwana wa en'godni yemiriri, areyorokya kubha yetwire yabhanga na matira muhungati na ameso muungati ginu ni emitima muungati egya Waryubha ginu gya orokibhwa mubhyaro bhyonsego. ⁷ Akagya akarigega erigombo kuhitira okubhoko kwa okusaka kwa urya yekara kukitumbi kya obhukuru. ⁸ Anu yagega erigombo, bhanu bharahejera bhane na abhakaruka mirongo ebhiri na abhane bhakesuna mpaka mkyaro mubhukangati bhwa omwana we n'gondi. Kira umwi yabhangana eribhakuri rya erigina erirabhu rinu rijwiri amasabho ga abhakirirya. ⁹ Bhemba omwimbo omuya urendererwa okurigega erigombo na kugasibhura aman'goryo gaye. Kwa okubha mwetwa, na kwa manyinga gaho okamugurira Waryubha abhantu bhakira ekabhira, ekigambo na ebhyaro. ¹⁰ Okabhakora ubhutemi na abhakuru kwa ensonga ya kumukorera Waryubha weetu, nabho bharibhaa eguru wa ekyaro.'' ¹¹ Okubha na maha na kyegwa erisi rya maraika abharu bhaka enara kukitumbi kya obhukuru obhumwi bhwabho bhwabhanga 200,000,000 na bhanu bharahejera na abhakaruka. ¹² Abhakagamba kwa erisi erikuru, "Atakwenderwa mwana wa erin'gondi unu ya gogwa kugega obhuturo, obhwami, neginguru, obhuhene, na obhurabhu na omukumyo.'' ¹³ Nkyegwa kukinu kya bhumbwa kinu kyabhanga kurirwe na mkyaro na hinsi wa ekyaro eguru wa enyanja, kira ekintu muunsi waye kiragamba, na enguru ya obhutemi bhwa koko na koko. ¹⁴ Bhanu bharahejera bhane bhakagamba, "Amiina!" na abhakaruka bhakeinya hinsi na okukumya.