¹ Naho nikakaua mbingu rupha na si mpheya kwa kua mbingu ya bosi na si bosi zemboka kae. ² Nkikaua ruzi mtakatifu yelusalemu mpya wekwezao uku si kuawa mbinguni kwa mungu ukuandaiwao enga mwai mwekuhambwa kwa ajiii ya muumewe. ³ Nkiiva sauti kuu kuawa kwe kiti cha enzi ikagombeka, ''kaua! chekao cha muungu ki haruwe na wanadamu, nae endaekae hawe nao. wendawawe wantu wakwe na muungu mwenye endaawe nao na endaatende muungu wao. ⁴ Endaananguse mesozi kuawa kwe meso yao, nkakuna kuwe na kuumbwa mzimu vituhu kweyayata au kuia, au maerevu mbui z kae zeruboka kae. ⁵ Ye mwekua kekaa mwe kiti cha enzi agombeka, ''kaua! nagosoa mbui zose kua nuphya.'' agombeka, ''andika idi kwa kuwa mbui inu ni ya hakika na kwei'' ⁶ Kanambia ''mbui izi zemboka kae! ni ni alfa na omega bosi na kiheu kwa yoyose muona nkiu nendanimwenke mazi pasi galama kuawa kwe sokoza mazi ya ugima. ⁷ Ye mshinda endaalisi mbui izi na nendaniwe muungu yakwe nae enda awe mwanangu. ⁸ Iya enga yeivyo kwa wenye wengee, wesaokuamini waifiguao wakonu, wakiavya wawizi walozi, wavikao vimuu na warubea wose, sehemu yao yendaiwe kwe ziwa da ruoto wa kibiti uokao iyo nee mauti ya kaidi. ⁹ Yuruwe mwe wada malaika mpuungati akeza hangu, yumwe mwekua na mabakui mpungati yekumemanyo motoamo mpungati ya kubindiiia ne agobeka ''soni hanu'' nenda nikuonyese mwai ni vyee na mwanangoto. ¹⁰ Naho akarudoa hae kwe loho ke muima nkuu na mlefu na kunioteeza mzi mtakatifu, yelusalemu ukaseea aho si kuawa mbinguni kwa muungu. ¹¹ Yelusalemu uawa na utukufu wa muungu na utana wakwe uwa enga kito cha saruani enga iwe s kioo chekung'aacho cha yaspi. ¹² Kua na ukanto mkkuu ne ukaleha wa miango kumi na mydi gamwe na malaika a waidi he miango uanga miango hawa haandikwa mazima ya makabia kurui na maidi ya wana wa izilaeli. ¹³ Upande a mashaiki ruiango miatati, upande wa kusii miango mitatu, upande wa kasikazini miango mitatu na uande wa muagabi miango mitatu. ¹⁴ Ukanto wa mzi uwa na misingi kumi na miidi na uanga yakwe kua na mazina kumi na maidi ya mitume kumi na waidi na mwana ngoto. ¹⁵ Yumwe mkutamwiia nami kawa na kihimo cha ngonda yekugoslwayo kwa zahabu kwa ajii ya kuhima mzi miango yakwe na ukanto wakwe. ¹⁶ Mzi uikwa mwe mlaba: ulefu wakwe waigana na upana wakwe kahirua kahirua mzi kwa kihimbo cha ngonda stadia 12,000 kwa ulefu ( ulefu wakwe, upanua na kiruo vyaigana ). ¹⁷ Viavia kahima ukanto wakwe, unene wakwe uwa dhiraa 144 kwa kihimo cha kibinadamu ( vyeivyo ni vihimo vya malaika ). ¹⁸ Ukanto uwa uzengwa kwa yapsi na mzi wena zahabu ntana yenga kioo kitana. ¹⁹ Msingi ya ukanto uwa uhambwa ni kia aina ya iwe sa samani da ntatu diwa kalikedom, da ne zumalidi, ²⁰ Da shano saldoniki, da mtandantu akiki, da mpungati klisoliso da mnane zabajaladi da kenda yakuti ya manjano, da kuni klisoplaso da kumi klisoplaso da kumi na mwenga hiahinto da kumi na mbui amensinto. ²¹ Miango kumi na miidi iwa lulu kumi na mbii kia muango ugosolwa kuawa kwe lulu wenga mitaa ya mzi iwa ya zahabu ntana yenga ioo kitana. ²² Nchekuona hekalu dodose mwe mzi kwa kua zumbe muungu atawala uanga ya vyose na mwana ngoto ni hekalu dakwe. ²³ Mzi nkauhunda zua au mwezi ili umweke uanga yakwe kwa kua utu kufuu wa muungu uangaza uanga, na ta yakwe ni mwanan ngoto. ²⁴ Mataifa wendawende kwa mwengee kwa mwengee wa mzi uo wafaume wa dunia wendawaete fanani zao. ²⁵ Miango yakwe nkainaivugalwe ukati wa musi na nkahanahawe na kio hada. ²⁶ Wendawaete fahadi na hishima ya mataifa mwakwe. ²⁷ N a nkakuna kicharua chendachochengio mwakwe wala yoyose mgosoa mbui yoyose ye soni au utiizi nkanaengie iya ni wada du mazina yao yekuandikwayo kwe kitabu cha ugima cha mwana ngoto.