¹ Weza mpaka ntendeo ya bahali kwe mzi wa gelasi. ² Na hamka ukati zumbe yesu ekuaho akaseka mwe uda mtubwi mntu mwenye loho nchafu nee eza akawiia kwe makabui. ³ Muntu uyu nee akeekaa kwe makabui nkakuna mwekudaha kumuemeza nkakuna haa kwa minyololo. ⁴ Nee katakawa mwande wa npingu zakwe zikadumuiwa nkakuna hata yumwe mwekuae na nguvu za kumvota. ⁵ Kio na usi ekuaho kwe makabui na kwe miima neee akaia na kwesenga mwenye ka maiwe yakooya. ⁶ Ekwendaho kumuona zumbe yesu kwa hae nee amguukia abinda akenama mbele yakwe. ⁷ Kaia kwa kukekama, ''wonda nikutende vii vihi zumbe yesu mana ya muungu mwe uwanga sana? nakuombeza muungu mweye wesekunisuubu. ⁸ Kwa ajiii nee kamwamba, ''muawe uyu muntu weee loho ya uchama.'' ⁹ Nae nee amuuza, ''wetangwa ndai nee amtambaisa ''netangwa legion kwa ajii ti wangi.'' ¹⁰ Akahe,neeza kaidi esekuwegaa chongoi ya mzi. ¹¹ Naho nee kuna bunga kuu da nguuwe dekuado dikaiswa kwe miima. ¹² Woo nao nee wamhembeeza wakamba, ''mtiagie kwe nguuwe tengie tengie mwe nii yao.'' ¹³ Savyo akamwenka uhusa loho wachama wakaguuiasia ya miima mpaka mwe bahali nee nguuwe inga elfu mbii wadidimia mwe bahali. ¹⁴ Naho wda waisi wanguuwe nee waguuka wenda kuwambia chekuawiiaho mwe mzi mgia nee wantu wangi waaawa kwe kukaua chekuawiiaho. ¹⁵ Nee weza kwa zumbe yesu nee wamuona mutu mwekukwewa ni pepo mwekuawe na bunga da maasikai kekaasi kahambwa nahodu ana akii yakue nee waogoka. ¹⁶ Wada wekuonao chekuawiiacho kwa yuda mwekukwewa ni pepo wakawahinya chekuawiiaho kwakwe kuhusu nguuwe. ¹⁷ Wavoka kumhembeeza ahauke kwe ida si yao. ¹⁸ Naho ekuaho akengia mwe mtumbwi muntu mwekuae kakwewa ni npepo akamhembeeza waite wose. ¹⁹ Mia nkekumluhusu akini kamwamba ''hita kaya na kwe wantu wako naho uwahinye wekugoseewavyo ni zumbe na lehema ekukwenkayo.'' ²⁰ Savyo akaita nee avoka kubiika mbui nkuuu ambazo zumbe yesu akamgosea mwe dkapoli na kia moneka kamaka. ²¹ Na ukati zumbe yesu ekudumuaho ntendeao yakaidi mwe mtumbwi umati mkuu wekonga kutamwia ekuaho nkanda ya bahali. ²² Naho umwe ya wada viongozi a sinagogi mwekwetangwa yailo, keza na ekumuonaho nee agwa mwe miundi yakwe. ²³ Ne atakusongwa ni kumhembeeza, akamba ''mwanangu ya kivyee mdodo yu hehi na kuumbwa mzimu. nakuhembeeza weze umuikie mikoono yako uwanga yakwe ili kwamba adahe kupata afuga na ugima. ²⁴ Savyo nee waita wose, bunga kuu dikamtongea uku wakanifinta hehi na kumzunguuka. ²⁵ Nee hana mvyeengwa mwekuwa akayoomokwa ni npome kwa myaka kumi na miidi. ²⁶ Kasuubika mno mwe waganga wangi naho katumia kia kintu ekuaho nacho iya nkekuhonywa n'chochose mia badii yakwe nee asongwa n'kuhumwa. ²⁷ Kasikia mbui za zumbe yesu, nee eza nyuma yakwe ukati ekuaho akenda mwe umati nae nee adonta vazi dakwe. ²⁸ Kwa aji kamba ''ati nikadontadu mwavazi yakwe n'ndanihone.'' ²⁹ Ekumdontaho nome nee yaeka kuawa nee eonea we muni akwe kuhnywa kuawa mwe suuha yakwe. ³⁰ Nna hamka zumbe yesu nee amanya ati nguvu akwe mwenye zimuawa. akahituka uku a uku mwe ia bunga da wantu akauza, ni ani mwekunidonta vazi dangu? ³¹ Wahinywa wakwe, akamtambaisa ''wadiona bunga idi dakufinta akuzunguuka, nawe wamba i ani mwekweudonta?''' ³² Mia zumbe yesu ne akaua uku wa uku ili ammmanye mwekumgosoa via. ³³ Mvyee yuda akamanya chekuawiiaho kwakwe kaogoka na kuzingiza keza nee agwasi mbele yakwe akamwambia kwei yose. ³⁴ Akamwamba ''mndee imani yako ikuhonya.'' hita npeho na uhonywe mwe tamu wako.'' ³⁵ Ekuaho akatamwa wantu kumwe nee weza kulawa kwe viongozi wa sunagogi uku wamba ''mwanao ya kivyee kaumbwa mzimu kwa ajii yani wasongwa ni kumpisha mwaimu?'' ³⁶ Mia zumbe yesu ekusikiaho wekukigombekacho akamwamba yuda kionozi ya sinagogi 'wesekuogoha aminidu.'' ³⁷ Nkekumluhusu yoyose kutongeana nae ila petuo, yakobo na yohana nduguye da yakobo. ³⁸ Weza nyumbai kwa kiongozi ywa sinagogi naye kaona ngavu ngavu kuia no kwe yayata. ³⁹ Ekwengiaho nyummbai nee awamba ''kwa mbwai msininike na kwa mbwai mwaiya?'' mwana nkekuuubwa mzimu iya kagona.'' ⁴⁰ Wwamseka iya ye akawaaanga wose chongoi akandoa tatiyakwe da yuda mana na mami yakwe na wada wekuawo hamwe nae akengia mda nyumbai ekuwamo yuda mwana. ⁴¹ Akaudoa uda mkono wa mwana akamwamba ''talitha kuom'' ambayo ni kwamba ''mndee mdodo nakwamba enuka.'' ⁴² Hamka mwana akenuka na akenda ( kwa via ee ana ika da myaka kumi na miidi ) hamka nee wamaka. ⁴³ Akagombeka kwa nguvu ati nkakuna yoyose mkundwa amanye kuhusu idi nee awaagiia wamwenke nkande.