¹ Nna vituhu akenia mwe sinagogi na mda nee mna muntu mwenye mkono wekuhooao. ² Wantu wekumwe wamtongea kwa hehi wakaue ati n'nda amhonye mwe msi wa sabato ili wapate kumgea mwe masa. ³ Zumbe yesu akamwamba yuda muntu mwenye mkono wekuhooao, ''enuka na ugooke gatigati ya utiifii unu.'' ⁴ Akamwamba ''ivi ni vyedi kugosoa bui yedi msi wa sabato au kugosa yesayo haki kuhonya ugima au kukoma?'' mia wasigaa bwii. ⁵ Akawakaua kwa mbifya, akasininika kwa ajii ya ugumu wa myoyo yao. akamwamba yuda muntu, ''enua mkono wako.'' akawenua na zumbe yesu akamhonya mkono wakwe. ⁶ Mafalisayo wakaoita chongoi nee wagosoa yebo hamwe na mahelode zidi yakwe ili wamkome. ⁷ Akaawaaho zumbe yesu hamwe na wahinywa wakwe wakaita bahalini hamwe na bunga kuuda wantu diwatongea kuawiia galilaya ya uyahudi. ⁸ Na kuawa yelusalemu, na kuawa idumanya na mbele ya yodani na hehi na tilo na sidoni bunga kuu dekusikiaho kia kintu ekuacho akagosoa weza kwakwe. ⁹ Na akawamba wahina wakwe wagosea mtumbwi mdodo kwa aji yakwe kwa sibabu ya utiifii wesekweza kumfinta. ¹⁰ Kwa kua kuhonywa wangi ili muntu mwekuae na suba nee akatamiwa ambwiie ili amdonte. ¹¹ Hohose npepo wachama wekumwonaho wagwasi mbele yakwe nakuia na wakamba we u mwana ya muungu.'' ¹² Akawaagiia kwa kukong'ontea wesekutenda amanyike. ¹³ Kkakwea uanga ya mwiima, akawetanga ekuwakundao wakaita kwakwe. ¹⁴ Akawasagua kumi na waidi ( ekuwetangao mitume ) ili awe hamwe nae adahe kuwaagiia kubiikia, ¹⁵ Na kua na uweza wa kuavya npepo. ¹⁶ Na akawasagua kumi na waidi simoni mwekwenkingwa zina da petuo. ¹⁷ Yakobo mwana ya zebedayo, na yoahana nduguye da yakoo mwekwenkingwa zina da bonagesi ao ni, wana wa tuntumo, ¹⁸ Na andeeea, fiipo, batoomayo, matayo na tomaso, yakobo mwana alifayo, todayo, na simoni mkananayo, ¹⁹ Na yuda iskaliote mwendae amwehugute. ²⁰ Akabinda nee aita kaya, na utiifii wa wantu wakeza hamwe vituhu, na nkaokudaha kuda hata mkate. ²¹ Familia yakwe yekusikiaho mbui iyo wenda kumgwia mana wamba ''kalukwa ni akii.'' ²² Wagonda wekwezao kuawa yelusalemu waamba, ''kengiwa ni npepo ya beelizebuli.'' na ''kwa mtawala ya npepo aavya npepo.'' ²³ Zumbe yesu akaweangwa kwakwe akatamwiia nao kwa mifano, ''kwa viivihi npepo adaha kumuavya npepo?'' ²⁴ Ati ufaume ukepanga wenye, ufaume uo nkaudaha kugooka. ²⁵ Ati nyumba ukepanga mwneye, ufau,e uo nkaudaha kugooka. ²⁶ Ati npepo n;nda enuke bdii yakwe mwenye na kwepanga, nkadaha kugooka na n'ndaawe kabua kiheo. ²⁷ Mia nkakuna hata yumwe mwendae adahe kwengia mwe nyumba ya muntu mwenye nguvu na kubawa vintu vyakwe pasi muktaha mwenye nguvu na kubawa vintu vyakwe pasi kumtaha mwenye nguvu bosi, na akabindaakonge kia ch umo nyumbai. ²⁸ Kwei namyambua, zmbi zose za wana wantu n'ndazifiiwe mbazi hamwe na kufuu zia watamwiiwazo, ²⁹ Mia yoyose ndie amkufuu loho mtakatifuu nkana afiiwe mbazi kabis bali ana hatia ya zambi ya kae. ³⁰ Zumbe yesu kagombeka idi kwa ajii nee wakamba, ''ana loho ya uhama.'' ³¹ Akabinda mamiakwe na wandunguze nee weza na kugooka chongoi wakaagiiia muntu, amwetange. ³² Na bunga da wantu wekuao wekaa hetu wakambwamba, mamiako na ndunguzo waaho hongoi wakuonda wewe''. ³³ Akawatambaisa, n'nda mame na ndugu zangu?'' ³⁴ Kwakaua wekuao wekaa wekumzungukao nee amba, 'kaua awa ni wakina mma na wandung wangu! ³⁵ Yoyose ndie agosoe vikundwavyo vikundwavyo ni muungu muntu uyo ni ndugu yangu, na umbu dangu na mame.''