¹ Kara malayikaa gu kooanii gii fahhi paraanda gosi haa arimi tica/u yedaa rawgo gway huu'u khoorooge .Tica/u sugwaa hadisi hii liitlaa'a sa gu boondaa gwaa bara da boondaa khu'usu gooba hiifaakoo. ² Yaa afayiooymi boondaa guila segu gooba hiifwakoo,haa eehha higi cindaroisi rawaage daqa tloongage daqa wa'ay gu boondaago ubee eeehha gwaa daqa cata dahha da didiri letu haa raw giifookidiri hhaantee sa giiimba gu eehha gwayi ca/u daqa boonda keesaa. ³ Wa'ay gu boondakeesaa ingagimoo yagii ca/iyaa khosi rawaa gu khooroooge,inayseei sigaa kudigi /uuru ubee hikaa gu nyaraw daqa khooroooge. ⁴ Sigaa kaay hhantoo da/aday sluufaa daqa yaamuge gimati barimoo wakuseei gu qaancaru gimati khaimoo see,hhaka'a kilesi hida gwaaba chapaa daqa Iliitleemage dage ila mugeeda gu pandadu koinay. ⁵ Sigaa/iimbiiba macu/iiri hida hhakee,giyaati laba'asi kilesi qatlay gu slehheri kooani.Slahha'amee dooina yaa ubee hika'a pahha gu kihharaa ha nyaraw giyoo ilii kihhiye heedi. ⁶ Qatlay gu balalu hhakeesii hida maadabidii yayi gwaa araa gimaa slaaiba maaslaigay makaka/iri inay digimaati lakidi ha gwaaraa. ⁷ Ingagimoo yaa faraasii slaagasi daa gaasi sa gau,daqa sagaii koinay yaa konay idadu ubee hhumaai sababu haa pandadu koina ubee gwaa hida pahha. ⁸ Yaa konay quubu ubee gu tigay pahha haa/atloo kwina yaa ubee gu diidaw pahha. ⁹ Yaa konay muunai ubee muunaii gu sikhimaa haa afoo da hhababee koina yaa ubee afoo da umbu saanay wa/a gu gau haa farasii goo taa/umida gau kawa. ¹⁰ Yaa konay hhaysaii goo kikihhiyeei ubee nyaraw,daqa hhaysaii koinay yaa konay /uuru gu cu/uduu gu hida slehheeri cigahha. ¹¹ Yaa konay ubee hhapalooay daqa dooinay malaykaa gu boondaa gu ila segu gooba hiifaakoo umu gosi hari waburaniaa naa Abadoni haa daqa kiyuunaaiige yaa kona uma naa Apolioni. ¹² Labausugu paandaa indii catidi yu'udii dii ilii cati hii waanta gwaa'araa cada daa khoca. ¹³ Malayika gu lahhou yayi fahhi paraanda gosi haqi akhasi afoo yayi caca/ada daqa khadaango gu masabaahu da sahabu da paandaa da Ilutleemuge waara. ¹⁴ Afoo sugaa kaadi malaykaa gu lahhou gwaa komaa paraana .''Geemay malayika cigahha daa khiidimi daqa sa'ama da didirige Efrata.'' ¹⁵ Malayika hhakira gu cigahha daay leehhi hari qatlaykee loi,balotee slehhenkee haa kori kee ,digaa geemay magi cu/iri bara lee da hida. ¹⁶ Faadoo da sirikaarii gwaa daqa da faraasiige waareei yaa 200,000,000.Haa akhasi faado dooina. ¹⁷ Taqay anaa ilii arimi faraasi daqa tlelaa koii haahhakaa gway dadaweei daqa dooinay.munaii koina gwaa da/adani ubee aslaa,haa kalay gu raw gwaa hamaadu haa kalay gu hhiingaariya gwaa hamanaa sagaii gu faraasi yaa sagaii gu didawee slaqamisiyay,haa afaii kwinay yaay ca/adi aslaa,ehha haa tle/ee. ¹⁸ Bara lee da hida digaa cu/i haa koimisuki gu tami aslaa,ceehha,haa tle/ee gwaa afaii koina dahha. ¹⁹ Sa giimba /uuru gu faraasi yaa daqa afaii koina dahhi haa daqa haysaii koina sa giimba hhaysaii yaa ubee deesu ,haa yaa konay sagaii giru ila qa'aa'aadiyeei hida. ²⁰ Hida gwaa meetiyeei,hhakiri kilesi daabu cu/uduu ha koimisuki yaa mayriiba yoo'ndu gooina giyaa ilii yoo'ndii diri.Kara yaa mayriiba daareesa da gieeri haa gieeri gu sababu.Peeesay,saabu tle/ee haa khai idadu gooba khu'uduu,khamisuu haa gooba khocu. ²¹ Ha yaa mayriiba cu/uduu gooina,mislay gooina,slipala uumaa dooina haa umamu koina gu fiiisa.