¹ Hagi akhasi afoo da didiri yaa efeediinta yedaa daqa da hhoigo ha gi kaadi sa khoka'aa malayikaa faagu,''Taa/a haa laa ku'asa kayda daqa da khooroooge gulwuumbuuee faaqu gu sababu gu Iliitleemu.'' ² Malayikaa gu paandaa yaa hudakay haa gigiku'usi gulu/uugosi daqa khooroogei:ilaqaa da tlakwi haa yaa koonta slahha amee da dihhi yaa kyayidi daqa hidage gwaa koomeei chapaa da makimoo,daqa hhukonay gwaa daauree reemisiyeei gieeri kosi. ³ Malayikaa gu cada yaa ku'usi gulu/uu gosi tlawage higi ceedee tleehhiti da hee di gwaa gwaa haa idadu goo'gwaa koomeei slafeemaa daqa tlawage yaa kaka/iri. ⁴ Malayikaaa gu tamii gi ku'usi gulu/uu gosi daqa saeemooge haa daqa da hhahhigo gu ma'ayge gi ceedee tleehhidiri. ⁵ Hagi akhasi malayikaa gu ma'ay yaa kakaana;ugu guti hhou lee gu waara haa gwaa waraa,gu hhou-sa giiimba haraani khaydi hikumuki. ⁶ Sagiimba yaa ku'usiri ceedee da kiraka'a gwaa /iimbiyeei haa tleemiisee sigaa hadi sidi inayi ma kitahhaniri ceedee:gi ilii slaiyay.'' ⁷ Hagi akhasi masabahu ila ki/sida,''Gulou!Looimoo Ilutleemu gu kooma warayi qadoo daqa idadu goonge,hukumuugoogu gu lou kaa gu hhou.'' ⁸ Malayikaa gu cigahhii gi ku'usi daqa gulu/uu gosii daqa da letuge haa sagagi hadisi /iimba da/araa da hida hari aslaa. ⁹ Digaa da/i hari humeeriya daa ta'a muudisidi haa yaa beleendeqesiri giimba gu Iliitleemu gu kooma /uuru daqa difoooge goonge .Yaa mayiriiba tlakwaroo mahadisasee guba waaqamee. ¹⁰ Malayikaa gu kooni higi ku'usi daqa gulu/uu gosii daqa kitii gu seguge gu makimoo haa/oona gi ila cuudi tawaloo dosi yaa saadiniri/atloo sa slahha'amee da dihhi. ¹¹ Yaa wahaahuniri Iliitleemu gu raw sa giimba gu sahha amee dooina haa ila qaaduu gooina haa kahhiyay yaa ila koniri guba mawaraa tlakwaroo dooina giyaa yoondiidiri. ¹² Malayika gu lahhou yaa ku'sui daqa gulu/gosaa daqa sa amaa da didirige ,Frati,haa ma'ay,kosi yaati kaysi mada boo/imisi amoo sa watemi gwaa khaweei yedaa rawaago. ¹³ Hagi arimi maanai tami gu koomeei slasla/iimaa daa arimi ubee tlaambee/uu gwaayee/yeepi khooroo da afa gu hka'a makimoo kira haa hikira tletimisee kira gu afa afuumaa . ¹⁴ Hhakee muunaii gu gieevi gooo yooo ndiidiyeei etaa gu baka'asa,yaayeda kakaakayay daqa watemige gu khooroo goo maykurunkuriri sliimaa hari guu daqa baloo da didirige da Iliitleemu goo waray qadimida daqa idadu goonge. ¹⁵ (''Arimi Haakhoca ubee fiisiisay! ba/ay hika/a goo hii booa guulimeege,goo khuuma qayroo kosi ma may hiiica/a hari sla'ay khoorooge haa ma'arimi ilamaree.'') ¹⁶ Giraa khayri sliimaa daqa eteediidine hari baranaisoo Amagedoonii. ¹⁷ Malayikaa gu faaqu yaa ku'usi daqa gulu/u gosea daqa rawgo kara afoo dadidiri daga giakhasi daga da hhoigo haaa daqa da kitii gu seguge ,kukaanta,hiindii faakidi!'' ¹⁸ Daa wana waaqamee gu ceencee gu gwaasla/aa kukhumisuu,kukakhumoo,gu gwaasla/aa haa kiitla gu bbaka'asa kiitla gu didiru gu hhapee kiitlakee yaaa yi ca/iiba khoorootii qatlay gu taysa daa ilii wane hida khoorootii,yaa kiitla gu didiru hari khisla. ¹⁹ Yaamu gu didiri hiingaatii deehkiri daqa degeemoo tami haa hhapee da hhapapu higi huu'udi kara Iliitleemu higii slay sa Babeeli gu didiru haa sugugi hadisi yaamu hhaki gulu/uu gwaa hacu buuraa yedaa daqa da ilahufida gosaa gwaa dihhugo. ²⁰ Degeemo goo yaati hhaniri haa omama see digaa arimiiba kara. ²¹ Tlubay gu didiru gu tlee/ee,yaa kona hiila aroo gu peesay gu cahhamiaya pahha/eeti yedaa rawgo daqa hidage ,haa gugi ila waamisiri Ilitleemu sa sagadadahhuu gu tlubay gu tle/ee sagiimba sagadadahhu kira gwaa tlaka khisla.