¹ Yuuda toongimoo gu Yeesu Kirisitu, haa hhia gosi gu Yakoobo, da hhakiray daa iteedi, da tlaiye ha Iliiteemu Taataa, kara daa omimi hari uma gu Yeesu Kirisito: ² /ila mooiru ha hha'aloo ha sla'atinee sanguiirogisiye sa unkuray ³ Ye hida koi, qatlay gaa ilii khaslikhasliislimide ma saangu handikimi giimba gu hhoawaraa doori goonkotaa, hangaaii/uuresi handikiruu masanguqai waawey maanguihhokitiri hari muuna hhoinay, hhonay kira sangwa may waa lee daqa hida kosii. ⁴ Sa gimba hida wakinay hingaaigumisiri hari qabidinoo tla'a/aa kokunay- hida hhaa daailiiqamidi alaamamuu sa hukumuuu-hida gu tlakwaroo koomeei gwaaiifookei caacia da Iliitleemu goori gi tlakwaroo tleehhiti, haa tlankaraa da Looimoo gu Lou gu pasla Looimoo Yeesu Kiristo ⁵ Inkoo hangusla'a manguriisaidisi unkuray gaamati khu'udiri aluunko hirii qoomay hiti Looimoo nangwaa ilabu'umi yaamu gu Misirigo, dahhe'esi diginaailiifaaki hhakira gwaaba /imbaraa giimba gosi. ⁶ Malaikaa hhaa gwaaba de'ee hhoinay daqeemoo koina kara higigimayri ayeemaa koina loi, Iliiteemu higiikwahhi nyololoo dabasli qatlay, wa'ay gu /oonage, sa hukumuu gu balo tiray da didirige. ⁷ Da qatlay kiraa gooay gu Sodoma ha Gomora haa yaamu gwaa iiniini/ideei, kara hhaa gungaa iiguumiseei hari slasla/iima kara higifatiniri gwehherauuma da yaamu gu pasleei.Digyaa laqami da giimba dooii slaaslaqasiye gooay dooilahufidiye hukumu gu aslaa dooba hhama ⁸ Kara, harima amo tira hhaa tletimiisay see hiingaa tipiri slaqoo koina hari slasla/iima, higi si'irima sigigyaadi ha heedi, haa afuafuumaa daqa da Iliiteemuge. ⁹ Kara Mikaeeli malaika gu didiru, gingyaa ilii kabaaba/iye haa setaanimoo haritay hingigi afiihhatlimisii sa giimba gu slaqwa da Musaa, yaakoisiiba leehhisa hukumuu da lama daqa setaanimooge, ina giimba gyaa kaay, ''Looimoo gu Lou dugu ilii maahhiye'' ¹⁰ Ina-bee hida hhaanki yoo koney afaafuuma sama giimba gihhidineei. Giimba kira gi hhidineei-hikira makay gu waaway basli khuiyey tlaatleesoo dosi-hikee nigyaa tlatlakweemisi. ¹¹ Unkuray goosli! Sa giimba saahadiri hari amoo da Kaini, kara higifatiniri dakoo da Balaamu. hingiingifakiri hari slasla/iima da Koora ¹² Hhaa na goompaai qatlay gu sla'atineey dooguna, higi losonuusiyey kooja see gubasli,hiingiti inay kilakoina /agimisiyay. tlafoo da ma'ay ba, doo kone ha caaqwa, khai hhaka'a gwaa gahha deei gu /aamuba gwaa kaka/eei maraa ca-cada, daa afatu/umi kibeeri ¹³ Hiti gondedeei gu tlawa da didiri goo maahhameei giingoo muriidiseei inay kilakoina, Hiti tica/eeraa goo khokhocimeei diitiray boo/a da /oona dagaa wa'ay gooinay ge yakwi sa sumuku. ¹⁴ Enooko, gu faaqu da ya'ay gu Adaamuge, yaa caahhi giimba gooina, ''Higi kaay! Arimi Looimoo gu goo yaakhoci hari elefafaa da hida kosi gui /abakwi, ¹⁵ milaqi hukumuu sa qatlay gu hida sliimaa, miiqaasi hatiyaa qatley gu hida sliimaa gooba iliipa'aruu Iliitleemu hari yoondu gooina goo giroo iidakumisieei, haalagiimba goo ina gu dihhai daalami ha hida gui/abakwi'' ¹⁶ Hhaa na hhakira goo qundaaruuseei, goo quru/eeii, hhaka'a goo fatimeei gwehherauuma da tlakwi, guungooii duubiyeei hharikhisla, hari giimba keekoina yooti coridii hida wakinay ¹⁷ Iinkoo uunkuray, hida koi, slawuu giimba daa lami ha ya/abimiiey da Looimoo Yesu Kriisto. ¹⁸ Yaa kaairi daqadoogunay, ''Qatlay gu igaasoge himaawaney hida gumaa jigoorimeei danaee koina hhakee goo fatimeei gwehharauuma dooina da tlakwi'' ¹⁹ Hida hhaanki yootii buuliney danaee koina, digyaa ilii ibiidi ha buhhuuma da qari, kara guba muuna gu Iliitleemu. ²⁰ Kara unkuray, ye hida koi, qatlay gaangoo ilii tlehhiteei caahhaamuu gu /abaakwige harikhisla, da qatlay gooay goo ilii firiinteei hari Muuna gu Iliitleemu, ²¹ haangu ilii kaasideei hari sla'atinee da Iliitleemu, laa baqatey ilamooiruu gu Muuna gu Yeesu Kiriisto goori siindoo qawa ibinaa da sumuku. ²² Ta/amu Laqama ilamooiru daqa hida hhakiray guraa iitlaeeige. ²³ Ilabu'umakina wakinay hari paqusaraa aslaago. Daqa wakinaygee sigi laqaaanteei idoo sigyoo ilii /awaarintay haa tla'amee, laa wakiday qairu gwaa cumuudu. ²⁴ Da heedi hii gaangumaa de'ema sugu hhanti kaaday /aara, daangoogii handina laa khociday hhari hhoinay gosi, hhaanti riitla'aday laatimetey hari hha'aloo da didiri, ²⁵ daqa dosii Iliitleemu gu ina lee ilabu'umiisay hari hada da Yeesu kriisto Looimo goori gu goo, caaciya ibitee haa ina, diiraumee,iidahhasa /uuru dati kahhi giimba sliimaa, inkoo haa qatlisoo ge, Eee.