¹ Ye, gaduwaa Gaayo, ana ugu hagwaati slai muuna gooii hari khisla loi. ² Ana hooti firima Iliitleemu sa ugu ma dugu /aafi ha Iliitlleemu ibinaa doogu mi boo/odi haa slaqwa doogu see na ibiti hhoinay da muuna googu gooay gyoo ilii wane. ³ Ana haa hhaaluudu hari khisla loi, qatlay gooay sinaa ilii kaay gimba googu ha hida gwaa khawei sinaa ila tlairi idoo goo ilii ibite hhoinay haa hida wakinay gu teesii wareei. ⁴ Koomaba hha'aloo waka da didiri ibee hatee gooay gaa ilii akhasi tuba ya'ay gu Iliitleemu ibinaa dooina goonkoinaa da hhoi loi. ⁵ Iye ana goo ilii arimee ibinaa doogu da hhoi hari khisla loi sa idoo muuna googu hoo hadimisida khooslay googu sa hida wakinay, hii dayuuma doogu haa sa dahaa see. ⁶ Hida gwaaiica/aseei hhoinay gu sla'atina doogu paanda da kanisaage. haabo/isidi harikhisla loi qatlay gaaa ili safirisinti hida gu Iliitleemu mikhociri khocu gooinay Iliitleemu see yaa hhaaluudi ⁷ Sa giimba gu Uma, yaa waaudiri guba iiowa idoo leense daqa hidi gu yaama hhakeesa. ⁸ Inkoo ta/amu kwahhasuumisane hida gu teqeesay slaqamiseei, ma yoondimiisa slaqamisani sa loi dosi ⁹ Haa handikimi giimba sa tlokhomya da hida angaamaka,Diotrofe, goo sla'a migyaadi sadanaee kosi, hangoo warii akhasanaba. ¹⁰ Bere hamaa khawu hamaaiislau gimba gosi gyoo yoondidye, idoo gyoo ilii gimbusiye tlakwaroo. kahhi bu'udisa hari diimbaki kosi, kara ina loi yoo kwahhasuusiyabasli hida kosi. Kara higyooti tlaatlahhamisi hhaa wakiney gyoo taqeesay slaei higyooti gusina raqa go ¹¹ Hinaa, ugu hhanti fatinta giimba gu tlaku, ugu fatimi giimba gu hhou. Hedi goibiida hhoinay hikee hiti heedi gu Iliiteemu, kara heedi goo tlakwaroo yoondiida igwaa arimiiba Iliiteemu. ¹² Demotrio duguraa iicay tlakwaroo dosi ha hida sliimaa. dandiray hhanki see haguraaiicaini, kara ibinaa doori see hagatikhu'uda gu goo guti loi kilesi ¹³ Kooma giimba wa/a sugu slae hhandikiru sa ugu, da inkoo ge saangu cakamaaba hari kalaamu gu wiino kooma haniba. ¹⁴ Haasla'aama maangii a'arini ugu haa ana ti'ii balalu hhaankii gu cioomooge, maa aloo caqani dandi kilekoti. ¹⁵ Meeti hari hha'aloo. dugwaani cahhiimisi ha wahhinanu.Sinicahhimiside danaee koti goo hari umaii koina