¹ Kundi Elimeleki ibha ghwake Naomi, akabhele na muntu ajilitwe Boazi, akabhele mtunsi na muntu amanyike. ² Ruth, Mmoabu, ghamubhalila Naomi, ''Tusya inje kako mekanye maholwa gha fyakulya. Kumabhala.'' Kajye mwanane.'' ³ Ruth ghakajanga kasughula kwibhala no kubhalonda munyuma bhalikusughula. Kansi lulya luhande lwebhale lukabhlee nisambho jyake Boazi, akabhele bhehulike na Elimeleki. ⁴ Kunga, Boazi, alikuja kufume Bethlehemu no kubhabhalila bhalikusughula, ''Yahweh avena mwe, ''Yahweh akubaliki.'' ⁵ Haho Boazi ghamubhalila mkolomulimo ghwajye akabhele ne kubhahaghalile bhalikusughule, ''Bhulo musaaghoghu muhala nighweke ghanyi?'' ⁶ Mkolamilimo muhaghalisi ghwabhalya bhalikusughula ghahindula ghanetenda, ''Nimuhala Mumoabu ghakahelela na Naomi kufuma musihugho sya Moabu. ⁷ Ghakambalilanya hulikisya ndekesughule ne kukomekanya maholwa ghobhakalekelanga.' Tetyo ghakesanga ghabha nekusughula kufuma mulabha mpaka nomwe, ghatamka fisee munyumba.'' ⁸ Kundi Boazi ghamubhalila Ruth, ''Hulikisya, mwanone? Nosijikasughula mwibhalanlindi; nosibhuki mwibhala lyane. Badala jyajye, sibhe haha nabhahala bhane bhamilimo. ⁹ Ghakunge menso ghobhe kwibhala momo bhaghosi mobhalikusughula ubhalonde munyuma ja bhakema bhandi. Je, sibhalangisye bhaghosi bhasikukumisi? Nekobhe ghwalola nkangu unajunywa mansi hamuhange bhaghosi ghobhabhumba.'' ¹⁰ Kundi ghasukama hambele jeke Boazi, nekukukumisya mtwe ghwajye hansi. Ghamubhalila, ''Kukibali hamenso ghobhe, ninga unemughenyu?'' ¹¹ Boazi ghahindula ghanamubhalilwa, ''Ghonse ghowakelanga tangu ibhalo afwe. Wabhaleka bhasoo nonyokono bhelelelo, bhwakubhantu uisbhamanyile. Yahweh akalihe kufihando fyobhe. ¹² Yahweh akulihe kubhwingi, kabhumba ghwa Israeli, alihansi na mapapaghajye ghwapata kwakilimila.'' ¹³ Ruth ghatenda, ''Mpe kibali mumenso ghobhe, tatabhusya ghwane bhukobha ghwafaliji, no kusahula bhwema kumwane nansikubha une teghumwighwa mkolamilimo ghobhe mkema.'' ¹⁴ Bhwakali bhwafyakulya Boazi ghamubhalila Ruth, ''Jisa hanu, ulye badhi jya mikate nakusonda sihondes katika divai.'' Ghajikala hambali jyo bhasughusi, no Boazi ghamuha kiasi sya nafaka silyo sika langilwe. Ruth ghalya mpanka hoghakato shekanga no kusaza. ¹⁵ Hoghakabhukanga kujya kasughula, Boazi ghabhasongola bhasumba bhaje, no kutenda muteke asughule nansi katika masuke, no musimubhalili lyolyonse ibhi. ¹⁶ No kubha mumulekele masuke ghandi katika vifulushi kuajili jyaje, no mumulike ili asughule. Msimukalihili.'' ¹⁷ Tukubha ghakasughulanga mpaka mugholo. No kusonsola nafaka no bhwasi bhulya abhusughwile, nagho nafaka sikabhele kobhe efa jimwi hje shaili. ¹⁸ Ghasiheka no kuja katika lugho. Haho nyinaje bhukwe ghwajye ghakalolanga silya syoghakasughulanga. Ruth nagho ghakamuletelenga nyinobhukwe nafaka silya sikalangilwe syoghasibhisyanga kufyakula fyaje. ¹⁹ Nyinabhukwe ghamubhalila, ''Wasughulila ihe kowasughulila bhwalelo? Wayanga kalolelo ine mulimo? Abhaliwe muntu ghakufunanilanga.'' Haho Ruth ghamubhasya nyina bhukwe ghwaje kuhusu muntu akabhele amiliki ibhala lyakabhele nakulikolela mulimo. Ghamubhalila, ''Isana lya muntu ghakamilikingi ibhabhala lyokabhele nikwakolela milimo ni Boazi.'' ²⁰ Naomi ghamubhalila Ruth, ''Abalikiwe no Yahweh, ghulyaasyakabhusyanga bhuainifu bhwaje kubhalihai no bhafu.'' Naomi ghamubhalila, '' Ghogho muntu ni jama wa hehi nafwe, ni muntu ghwetu mkombozi.'' ²¹ Ruth Mmoabu ghamubhalila, ''Nibhwene , ghakambalilanga, ''Jikale hehi na bhalughalugha bhane bha ghosi mpaka hobhalokahwa kusughala isughusi lyane lyonse.''' ²² Naomi ghamubhalila Ruth kamwanaje wa mwanaje mughosi, ''Nifisogha mwanane, uje na hamwi na bhakolamilimo bhajye bhakema ili kubha isikesi kupata madhala ghoghonse katika ibhala lyolyonse.'' ²³ Tukubha ghakekala hamwi nabhakolamilimo bhakema ili asughule mpaka bhuhela bhwa isughusi gha shayiri no isughusi lya ngano. No akabhele najikele no nyina bhukwe ghwajye.