¹ Kasi kutuhu hukamu jya adhabu kulughulu jyabho bhali katiti Kristo Yesu. ² Bo jyabho kanuni jya mwegho ghwa bhupanga ghulya ghuli mwa Kristo Yesu jyanjila kubha huru hale na kanuni jya dhambi ne mauti. ³ Bo fyabhasilya syelia fyosikabhhele ti fikole jyapotwa kukala kwa sabhabhu jikabhe jipungukilwe mtumba Kabhumba ghakakalanga. Ghakamutumanga mwanaje ghwaghongwa kumfano ghwa mutumba ghwa dhambi abhe sadaka jya dhambi, ghanaji hukumu dhambi kumtumba. ⁴ Ghakelanga itye ili maagizo ya syelia ghakale mukuti jyetu ufwe tusikoja mukulonda maghambo gha mutumba mradi mukulonda maghambo gha Mutumba. ⁵ Bhalya bhakolonda mtumba bhakolanganya mashambo gha mutumba, tukubha bhalya bhakonda mwegho bhakolanganya maghambo gha mwegho. ⁶ Bhafyabha nia jya mutumba ni mauti, kasi nia jya mwegho ni bhupanga ne amani. ⁷ Jeji nibhofyabha jilya nia jya mutumba ni bhadui kulughulu na Kabhumba, bhukohela tejikojita syelia jyake Kabhumba, tebhana kobhola kujiswa. ⁸ Bhalya bhalikulonda mutumba tebhanakobhola kumuteha Kabhumba. ⁹ Ninga tetyo, temliho katika mutumba hamwi kufuma mumutumba mutu alibhusila mwegho ghwa mumutumba mutu alibhusila mwesho ghwa Kristo, nyene teghwa kwaje. ¹⁰ Kobhe Kristo nali mukati jyenyu, mutumba ghwafwa kumaghambo gha dhambi, bhukohera mwegho ni bhupanga kumaghambo gha bhwene. ¹¹ Kobhe mwegho ghwa ghulya ghakamuhembalanga Yesu kufuma kubhafu akajikala mukati jyenyu, nyene ghulya ghakamhembulanga Kristo kufuma kulya kubhafu alojiha nomwe mitumba mauti gha bhupanga kusila jya mwegho ghwaje ajikele mukati mumwenyu. ¹² Tetyo bhaghwane ufwe tulibhadeni, tukubhate kumutumba kubha twikale mukati jya mutumba. ¹³ Kobhe mwabha mwikele kusila jya kumtumba, mulihehi kufwa, kobhe fyabha kumwegho muli kughehagha maghambo gha mutumba. ¹⁴ Kobhe bandi bhengi bhabhali kuongozwa ne mwegho ghwake Kabhumba, ghukobha ni bhana bheke Kabhumba. ¹⁵ Bho mwabha musyakapokelanga mwegho ghwa bhutumwa kasi ninga mwaghubhaha. Badala jyajye mwakapokelanga mwegho ghwa kukolwa kubha bhana bhakubha kumwabho ne bhalikulilo, "Abba, Tata!" ¹⁶ Mwegho ghwene ghkosyudia hamwi na mwegho syetu jya kubha tulibhana bheke Kabhumba. ¹⁷ Kubha fabhatu bhana kasi tubhahyane bheke Kabhumba. Nofwe tubhahyane hamwi na Kristo, fyabha fyene tulikwamba nenyene tupate kutusifu hamwi naje. ¹⁸ Bhofyabha ndikughapanda kusamba kwa nsa jeji kubha tesitu kubha na ndinganya na bhutukufu bhulokafimbululwa kumwetu. ¹⁹ Kunge fiumbe fyonse filikukunga kusyauko singi kufimbululwa kwa mwana ghweke Kabhumba. ²⁰ Kasi kabhumba ghatwanga hasi jya bhubatili, te kukuteha kwaje, tukubha ghakasulanga ni nyene ghakafitanga. Ni hakati ne tumaini ²¹ kubha bhuumbaji bhwene bhulobikwa huru bhwanafumisibhwa bhutumwa bhwa buharifu, bhanabhengi sya kubhuhuru bhwa bhutukufu bhwa bhana bheke Kabhumba. ²² Ufwe twisi kubha kubhumba bhakolwala no kusamba kubhusungu hamwi mpaka nonwe. ²³ Tetyo tuwe tefwe nagho tuli na fyakwingilila fyamu mwegho ufwe nagho tukolwala momu mumitumba syetu twahembela kukolelwa bhwena, bhobhu ghokusila kwa mitumba jyetu. ²⁴ Bofyabha ni fya tajara leli tusile, tukufasitu syotubhele tuhembele kubhasyaloleka, kutuhu taraja kabhili, kwani nighanyi asihembele sila syalola? ²⁵ Ufwe kobhe twahembelela situ syotusyalole tusihembele kuhamu. ²⁶ Kughagho nagho mwegho nagho ghutofuna kupotwa kwetu. Ufwe tetwisi kusegha bhandi bhobhakojila tukubha mwegho ghwengu ghuko tuseghela kukulwala kosinakobhola kutenda. ²⁷ No ghogho akakunganya akokunganya mwegho jya bhatu tyajinsi masala ne mwegho kasibha kosega mukwisya bhene bhakaamini kulingana na kumunyamwa Kabhumba. ²⁸ Nofwe tujinsi kubhonse bhamutehile Kabhumba, nyene akomwila maghambo ghaje hamwi kubhusogha, kubhyala bhonse bhakojita kwa kumsikisya nyene. ²⁹ Bhofyabha bhalya bhonse bhoghakamanyanga tangu kale, kansi ghakabhasaghulanga kale abhalinganye na mfano ghwa mwanaje hakubha nyene abhe mufyalwa ghwa kamwi mumughana ghwa bhaghwaje bhonse. ³⁰ Ne bhalya bhoghakasaghulanga tangu kale bhakabhetanga nagho. Ne bhalya bhoghaketanga, bhabho ghakabhapandilanga haki. Ne bhalya bhoghakapandilanga haki nagho bhabho na ghubhatukuza. ³¹ Tutendesi kulingana na maghambo ghagha? Kabhumba ghabha kuluhande lwetu, ni ghanyi ali kuluhande lwetu? ³² Nyene asinamulekulula mwanaje nyene ghakamufumyanga kwajili jyetu ufwe ufwe fwense alobhulwa bhutu kutuhurimia ne maghambo ghonse hamwi naje? ³³ Ni ghanyi alobhasitaki bhateule bheke Kabhumba? Kabhumba ghwakopanda haki. ³⁴ Ni ghanyi alobhahadhabu? Kristo Yesu ughokafwanga kujili jyetu nekusamba ghagho nyenye nagho ghakafufukanga nagho ghakatawalanga hamu na Kabhumba mahali pa hesima kabhili nyene ghwa kotuseghela ufwe. ³⁵ Ni ghanyi alotulekanya kuteha kweke Kristo? Dhiki, ama tabhu, ama kusamba, ama sala, ama bhutuhu, au hatari au kambi? ³⁶ Kobhe bhobhakanyeghanga, "Kufaida jyobhe tulikwihaghwa isyubha lyonse bhakatupandanga kobhe tama sya kusinsa." ³⁷ Kufuma akagha maghambo ghonse ufwe tulikusumba bhalya bhoshindi kusumba ghakatuteha. ³⁸ Une nahwakundebhelesya kubha wala mauti, ninga bhupanga, ninga malaika, wala fitu filiho, ninga fitu fisile ninga managha, ³⁹ ninga ghalimwighulu, ninga ghalihefo ninga kumbe siliho syonse, te sinakobhala kutulekanya ne bhupendo bhweke Kabhumba nyene ni Kristo Yesu Bwana ghwetu.