¹ nakahebhwanga lunonge lwa kukolela kobhe fimbo jya kupima. Nakabhalilwanga, ''Bhuka ukapime hekalu lya kabhumba, no madhabahu no bhalaya bhaabudu mukati mumwajya. ² Lakini usipime eneo lya lubha lwa hanse lya hekalu, bhukobha bhahebhilwe bhantu bha mataifa. Bhalokabhukandangha lugho lulofu kumuda ghwa miensi makumi ane ne bhili. ³ Ndobhaha bhashahidi bhane bhabhili mamlaka gha kutabhili kusipindi sya mfuku 1,260, kokubhapwete maghunila.'' ⁴ Bhabha mashahidi ni fiti fibhili fya mizetuni no finala fibhili fihaghelele hambele jya Bwana wa habhwelelo. ⁵ KUbha muntu ghoghonse alopange kubhadhulu mulilo ghulofuma mmilomo mwabho no kubhadhulu bhabhi bhabho. ghoghonse ahesile kubhe hahagha lazima afwe kuu nsila jyeji. ⁶ Bhabha mashahidi bhali na bhuwezo bhwa kuhamba bhwelelo ili mfula jisinghwi bhwakati bho bhakutabhili. Bhalina bhuwezo bhwa kuhindula mansi kubha malaso no kujihulansi kukila aina ye pigho bhwakati bhobho hobhahensa. ⁷ Bhwakati hobhalokabha bhwa bhushuhuda bhwabho lilya inywele likofuma kulina isili no bhuhele lilokela fita dhidi jyabho. Alokabha sinda no kubhehanga. ⁸ Mitumba jyabho jilokaghona katika mitaa jya mujyi mukuu (kufano lwititwe Sodoma no Misili) halya Bwana ghwabho hoghaka sulubiwanga. ⁹ Kufku itatu no nusu bhandi kufuma katika jamaa sya bhantu, ikabhili, lugha no kila itaifa bhalojilola mibhili jyabho no tebhana hebhwa kibali kuja katika malabuli. ¹⁰ Bhalya bhekele katika nsii bhalonyomwa kuajili jyabho no kushangilia, no kwiha zawadi kusabhabhu bhabho manabii bhabhili bhakabhasafyanga bhalya bhakelanga katika nsii. ¹¹ Tukubha baada jya fuku itatu no nusu kutamuka kwa bhupanga kufuma kwa kabhumba kulobhengila nagho bhalo haghalala kumaghulu ghabho. Hofu nkulu jilobhaghwila bhalya bhabhabhwene. ¹² Tukubha bhalohulika silongo kufuma mwighulu jikubhabhalila, ''Jise kunu!'' Nagho bhabhuka kuja kubhwelelo katika ikusi, kokubhabhi bhabho bhabhwene. ¹³ Katika muda ghogho kutokubha no limusikimya ikulu lya ardhi no limwi lye kumi lya lugho siloghwa. Bhantu elufu makumindwi bhalofwa katika musikimya no bhalosibhila bhapanga bhaloghubhahibhwa no kumuha bhutukufu Kabhumba wa habhwelelo. ¹⁴ Ole jya bhubhili jyahita. Kunga! Ole jya bhutatu jyisile bhwangu. ¹⁵ Tukubha misambwa bha ndwi ghakahulanga talumbeta jyaje, no silongo sikulu syakakwilanga habhwelelo no kutenda, ''Bhufalume bhwe bhahwelelo bhakabha bhufalume bhwa Bwana ghwetu no bhwa Kilisto ghwajye. Alotawala kuhelamile.'' ¹⁶ Tukubha bhakekulu makumi abhili na bhane bhakabhele bhekele kufitebhe fya enzi hambele jya Kabhumba bhakaghwanga bhene hansi jya bhulongo, syusyabho sikabhele sineme hansi, nagho bhakamubhudu kabhumba. ¹⁷ Bhatenda, twafumya bhunyomwe bhwetu kumobhe, Bwana Kabhumba, mutawala halughulu jya fyonse ambaye aliho no ambae akabhele kusabhabhu atwete managa ghobhe mengi no kusapa kuawala. ¹⁸ Mataifa bhakahulikanga, lakini kughajya kobhe kwajisa. Bhwakati bhwafila kubhafuu kuhukumibhwe no ghwe kubhazawadia bhatumishi bhobhe manabhii, bhaamini no bhalya bhali na bhobha bhwa isina lyobhe, bhonse bhabhili bhasifaile sintu no bhakanyamanagha. Nabhwakati bhobhe bhwafika bhwakubhabhilya bhalyo bhakabhele bhakubhilya libhwelelo.'' ¹⁹ Tukubha hekalu lya Kabhumba kubhwelelo lya kafundulilwa no isanduku lye laghano lya kale lyakalolekanga mukati jya hekalu lyaje. Kukabhele no myale jya mwanga, bhulanga, ngulumo sya nkubha, limusikimya lya aridhi no mabwe gha mfula.