¹ Kwa hiyo bhamughana ghwane, bho ndikubhatamani, bho furaha no itaji lyane. Jughalale imala katika Bhwana, umwe bhamughana lafiki. ² Ndiku kulomba ughwe Eudia, kabhili ndiku kulomba ughwe Sintike, muhelesye mahusiano gha imani kati jenyu, kusabhabhu umwe, bhonse bhabhili mwake unga no Bhwana. ³ Ku bhwene, ibha lombe kabhili umwe bhela mulimo bhenane, mubha funa nile abhe bhakema kukubha bha katumikanga hamwi none muku enesya injili ja Bwana koku no Kelementi hamwi no bhakola mulimo bhandi ghwa Bhwana, bho masina ghabho ghaghandikwe kusitabhu sya bhupanga. ⁴ Katika Bhwana nfuku syonse. Kabhili ndotenda, fulahini. ⁵ Bhuhole ghenyu nobhumanyi ke kubhantu bhonse. Bhwana ali hehi. ⁶ Musilisafyi kwi ghambo lyolyonse. Badili jaje, jile maghambo ghenyu ghonse kunsila ja kusalika, kulomba no kushukulu. No mahitaji ghenyu ghamanyike kwa Kabhumba. ⁷ Bhasi amani jake Bhwana jojili nkulu kuliko bhufahamu bhonse, jilolinda miegho no mawazo ghenyu kumusaada Kristo Yesu. ⁸ Hatimaye, mughana ghwane; mughatafakali nkana maghambo ghonse gha bhwene, bhutu lame, haki, bhusafi, bhupendo, no ghalya gha taalifa nsogha, gha bhusala, kumwino ghalya gha hensi bhwe kusifibhwa. ⁹ Mughatekelesye maghambo ghalya mwakefundisya, ghomwaka pokela, gho mwa kahulika no ghalya gho mwakalolanga kumwane nagho Tata jeetu ghwa amani alo kubhanomwe. ¹⁰ Ndili no fulaha nkulu njana kumwenyu ku Bhwana kukubha umwe mwalolesya kabhili nia jakwi husisya kwenyu juu ja mahitaji ghenyu. Kubhwene kuhaho hanyuma mukahensile kunjali ku mahitaji ghane ningi te mkapatile fulusa jaku nfuna nila. ¹¹ Sitensile ityo ili kwipatila sintu kujili ja mahitaji ghane. Kwani nandi fundi shyanga kutoshyeka kuhali syonse. ¹² Njinsi kwikala kuhali ja kupngukibhwa no pia kuhali ja kubha no fingi. Kumasingila ghonse aghe unena ndifundisya sili ja namu na ja kulya bhwa kati bhwa bhwi kute no jinsi ja kulya bhwa kati bhwa nsala, jaani fingi no kubha muhitaji. ¹³ Nkobhwele kwila aghe kothando kuwezeshwa no nyene ampele managha. ¹⁴ Ninga tetyo, mwajilanga fisogha kushiliki none ku tabhu syane. ¹⁵ Umwe bha Filipi mjinsi kubha mwansoni mwa injili honakajanga Makedonia, kutuhu kanisa lyolyaka wezeshyanga ku maghambo ghakuhusu kufumya no kupokele ila tuumwe mwenga. ¹⁶ Ningi bho nankabhanga Thesalonika, umwe mukantumile musaada zaidi ja mala jimwi kujili ja mahitaji ghane. ¹⁷ Si maanishe kubha hansile munfunanile. Bhali ntenoile ili mupate majubho ghakuleta bhusabhagha kumwenyu. ¹⁸ Mpokele fintu fyonse, na nonwe bhwu mbilwe no fintu fingi. Mpokele fintu fyenu kufuma kwa Epafradito. Ni fintufisogha fya kunyunkilila mithili ja manukato, fya kukubhaliwa fyakubha fyonse ni sadaka jojiku mupendesya Kabhumba. ¹⁹ Kujili jejo Kabhumba ghwane alokubhabhumba mahitaji ghenyu kubhutunsi bhwa bhutukufu bhwaje ku Yesu Kristo. ²⁰ Nonwe ku Kabhumba no Tata jetu ghubhe bhutukufu mileje no mileje. Amina. ²¹ Bhupola bhwane bhumufikile kila muumini ku Kristo Yesu. Bhamughana bho ndinabho haha bhekubhaposya. ²² Kabhili bhaumini bhonse haha bhekubhaposya, kobhe bhalya bha famili ja Kaisari. ²³ Na nonwe nehema ja Bhwana ghwetu Yesu Kristo jibhe no miegho syenyu.