¹ Paulo ne Timotheo, bhatumisi bheke Kristo Yesu, Kubhabhae bhakalekwanga kwa Kristo bhekele Filipi, pamoja ne bhakungi ne mashemasi. ² Masogha ghabhekumwenyu ne amani jifumile kwa kabhumba Taata jeetu ne kwa bhwana ghwetu Yesu Kristo. ³ Kumusyukulu kabhumba ghwane kila hokobhakumbuka umwe mwense. ⁴ Mala ghonse katika iombi lya kumwane kwa ajili jenyu umwe mwense, kobha ne laha bhokobha nekubhaombea. ⁵ Ndina malaha sana bhomukusilikiana ku injili kusumbuala lufuku lwa kwanza mpaka nonwe. ⁶ Ndinabhuhakika nyene ghaka sumbulisyanga milimo miso gha mukati mumwenye alokaendelea kujikamilisya mpaka lufuku lwa bhwana Yesu Kristo. ⁷ Ni laha une kwihulika unejuujaa kumwenyu umwe mwense kwa sabhabhu nambabhika umwe mumwegho ghwane. Ila umwe mwabhahamwi none kila sifungo syane nekatika kubhatetea umwe kubhuthibhitisho bhwa injili. ⁸ Kabhumba ni syahidi ghwane, jinsi bhondi na hamu kumwenyu kuhusu kubhaha bhunda bhwakunyomwa kuhusu Kristo Yesu. ⁹ None kuomba kubha: kunyomwa kwenyu kughungilikane saidi ne saidi katika bhutalamu ne kumanya konse. ¹⁰ Kuomba leli bhwangu mubhe na managha gha kupima ne kusaghula maghambo masogha sana. Kubhalombela ili mubhe safi habhusilakubha hatia jojonse bhwakati bhweke Kristo. ¹¹ Na tetyo bhwangumupate itunda lya haki likopatikana kwa Yesu Kristo, kubhutukufu ne sifa je ke Kabhumba. ¹² Sasa bhamughana ghwane hensile mumanye, maghambo ghakafumililanga kumwane ghakajisabhabhisha injili jiendelee. ¹³ Osileke fisikizo fyane katika Kristo, fyakamanyika kubhasilikale bhonse bhabhali bhali kwikulu jonse ne kila muntu. ¹⁴ Ne bhamughana bhengi bhali kwa bhwano kusabhabhu jafisikizo fyakumwane, bhakashauliwa nekughema kulihubhili ighambo lyeke kabhumba, bhusila bhwasi bhwasi. ¹⁵ Bhandi bhene bhakomutangasya Kristo kufitina ne masola lakini ne bhandi kunia sogha kabhisa. ¹⁶ Bhalya bhekumutangasya Kristo kubhusogha bhamwinsi nekumanya kubha unenakabhikwanga haha kwa ajili ja bhutetesi bhwa injili. ¹⁷ Ila bhandi bhekumtangasya Kristo kubhubhinafusi ne niambi. Tojinsi kubha bhekusabhabhisya matatiso kumwane kufi fungu fyane. ¹⁸ Une sikughalonda, sila jabha ni ja sida au ja bhwene, Kristo bhekumutangasya, ne katika leli kunyumwa ne katika kunyomwa. ¹⁹ Ningone bhonjinsi kubhaleli lilokaletwa kujighulilwa kwa kumwane. Ighambolelililo kafumila kwa sabhabhu gha maombi ghakumwenyu ne ku musaada ghweke Roho mutakatifu gwha Yesu Kristo. ²⁰ Kulingana ne mateghemeo ghane, ghabhuhakika kubha syakalolensonyi. Bhadili jaje, kubhajasili bhonse, kobhe bhofili fuku syonse syanonwe manyile kubha Kristo alokabhusibhwa katika mutumba ghwane, kobhejabha kubhupanga au lufuu. ²¹ Timwinsi kubhako kubhwelelo ni Kristo ne kufwa ni faida. ²² Ila kobhe kuishi na mutumba ghukofyala matunda katika milimo jane, lakini nsijinsi kubha nilyahelya kusaghula. ²³ Une kusukumwa sana mawaso abhili. Ndina hamu ja kughuleka mutumba ne kubha hehi na Kristo, sintu ambasyonisyasamani nkana. ²⁴ Ingawa, kuswa katika mutumba ghogho ni ighambo lya muhimu nkana kwajili jenyu. ²⁵ Ninga bhondi na bhukweli kuhusu leli nijinsi jilosi bha nekuendelea kubha hamwi nomwe, jilo kasibha fulaha ja jikuendelea ja imani jenyu. ²⁶ Ne leli lilo kaleta kunyumwa sana katika Kristo Yesu, kwa sababu jane jilokaghungilikana kwa kubhahoo ne hamwi nomwe. ²⁷ Muhensilwe kuishi na mwenendo musogha bhojihensile injili je Kristo. Jile tetyo kobhe nanjisa kubhalola au kobhe nandeka kusakubhalola na hulika kubha muhaghalele imala katika mweghoghumwi. Mukujipighania imani ja enjili ku hamwi. ²⁸ Musighobhahi sintu syosyonse syobhekwila maadui bhakumwenyu. Lelikumwabho hiishala ja kubhinya. Ila umwe ni ishala ja wokovu kutoka kwa Mungu. ²⁹ kwa maana ninyi mmepewa kwa ajili ya Kristo, si kumwamini tu, bali na kuteswa pia katika Yeye. ³⁰ kwa maana mna mgogoro uleule kama mliouona kwangu na mnasikia kwamba ninao hata sasa.