¹ Ole ku muji gho ghubhumbike malaso! Bhoonse ghubhumbike malami no malisya bhwiti; bhehaghi baliho kumwaje daima. ² Lakini honwe kuli sauti ja nfimbo no sauti sya kuhuli shya mataili, falasi bhali kusaha, no magaligha gha likughuluka ghuluka. ³ Ki bhatanda falasi bheku syambulia, lupanga luli kubhejema, masumo ghali kumeta meta, malungo gha bhatwile, mafungu makulu gha mitumba; kutuhu bhuhela ghwa mitumba, bha syambuliaji bhali kwikumpa hatunde jaaje. ⁴ Jeji jili kufumilila kusabhabhu ja matendo gha tama jamalaja musogha, musoefu ghwa bhuloji, mukanya kughusya itaifa kubhumalaja ghwaaje, no bhaantu kunsila ja matendo ghaaje gha silosi. ⁵ ''Kuunga, uune ndiho sinyume noohwe - iilye ni ighambo lya Yehova ghwa majeshi - siketi joobhe nduku jighulusya halughulu ja bhusyu bhoobhe no kusilangisya sehemu syoobhe sya sili kumataifa, nsonyi joobhe kumufalume. ⁶ Ndokughulusya bhuchafu ghwa kubhi sibhwa no kujila ubhe mubhili nkana; ndo kukwila ubhe muntu ghwa kukungwa no kila muntu. ⁷ Jilo kubha kubha kila ghumwi gho alikuku kunga alo kukukilimo no kubhala, ''Ninawi ghashiha; ni ghanyi ghoaloku ambolesya kujili jaaje?' Nihe ho alo kumupata muntu ghwa kumu ha mwegho?'' ⁸ Ninawi, je uughwe ni bola kuleka Noamoni, gho ghujengilwe hatunde jamonga Naili, gho ghuka bhele ghusungu lukwe no mansi, gho bhulinsi ghwaaje jika bhele bahali, gho bhukuta ghwaaje ghuka bhele bahali jeene? ⁹ Ethiopia no Misri sikabhele managha ghaaje, no bhulela ghwaje teghuka bhelelo; putu no libya bhaka bhele lafiki ghwaje. ¹⁰ Lakini Noamoni ghakatwalibhwangwa; ghakajanga kumateka; bhaan bhaanje bhafoli bhaka funaghwa fipande fipande kukila makao makulu gha mtala; adui ghwaje bhahusila kula kubhaantu bhaaje bhakanya heshima no bhakulu ghwaaje bhoonse bhaka fuugwile munyololo. ¹¹ Uughwe kumwi ula kukolwa; uulokughema kulifisa, no ulo kulensa kuwa kukiliimila kufuma ku adui ghaabhe. ¹² Ngome syoobhe syoonse sila kubha kati mitini syatini syo sibhesile bhwaangu: Kubha silo kutikiswa, sila kughwila kukinywa sya ghwa kulya. ¹³ Tasama, bhaantu miongoni mweenyu nibhakema; misigho sya inchi joobhe jahmbululibhwa nkana kujili ja adui ghoobhe, muliloghwa bhilya bawaba syaaje. ¹⁴ Kaje ukatale mansi kwiboma lyo lisungulu kibhwe; sikukye ngome syoobhe; kaje kubhulpngo no kanda misya matope; bhuumba kujili ja matofwali. ¹⁵ Mulimo ghulo kukwihagho halya, ho lupanga lulokukwi hagha. Ulo angamisibhwa kati nsighe bhashanga bhobhali kute kitesya kila sintu. Uumwe bheene mulilyohelesya kubha bheengi kobhe nsighe bhachanga, n bheengi kobhe nsighe bhobha kulanga. ¹⁶ Ghwa sunfya bhajila bhasala ghoobhe suumba kuleka nyota sya kwighulu; lakili bhaliho kobhe tununtu: Bhalikujibha inchi no kiisha kughuluka kujahale. ¹⁷ Bhafalume bheenyu bhali bhengi kati nsighe, no bhakulu bheenyumba majesi ni kobhe ikundi lya madudu bha kubhika nkambi kubhukuta bhwakati ghwa mpeho. Tuisyubha mukughaka bhalikughuluka kuja kule kokutu hugho ahansi. ¹⁸ Mufalume ghwa Ashuru, bhachungaji ghoobhe bhaleli; bhatawala ghoombe bhalilasya hansi kutamuka. Bhantu bhoobha bhasambala harughulu ja misosi, no kutuhu ningi ghumwi ghwa kubhakonka. ¹⁹ Kuntulu kusisya ghoghukobholeke kunjili ja filenda fyoobhe. Filenda fyoobhe nifikulu. Bhobhali kuchulika habali halughulu joobhe bhalo kuhula makofi kufulaha halughulu joobhe. Nighanyi gho ghali epusyanga ku bhuushi ghoobhe daima?