¹ Katika funku sesyo, kukabhele kabhili bhumati bhukulu ne tebhakabhele na fyakulya. Yesu ghabheta bhanafunzi bhaje ghabha, ² "Kubhuhulumia bhumati bhobhu bhaendelea kubha nane kufunku itatu ne tobhali no fyakula. ³ Kubhanabhatawanya bhahelele kulugho kumwabho bhusila kulya bhakobhwele bhazimia na nsala munsila. Nokati jabho bhandi bhafumile kuse nkana." ⁴ Bhanafunzi bhaje bhamujibu, "Tulopatehe mikate ja kukwila kubhekutya bhantu bhabha katika ieneo leli lilya lyakalekwanga?" ⁵ Ghabhabhasya, "Mulinafipande finga fya mikate?" Bhabhala, "Ndwi". ⁶ Ghakabhubhalilanga bhumati bwikale hansi ghatwala imkate ndwi, kundi ghamushukulu Kabhumba, no kufiputaghula. Ghabhaha bhanafunzi bhaje bhasibhike hambele jabho, nagho bhasibhika hambele ja bhumati. ⁷ Lakini bhakabhele no masembe mase yanitebhaghakwilile, no baada ja kushukulu, ghabhabhalila bhanafunzi bhaje bhabhaghabhulile ne fefyo. ⁸ Bhakalyanga mpaka bhakwilwa nokukunganya fipande fyakasibhilanga, fikapo fikulu ndwi. ⁹ Bhakakisiwanga kubha bhantu elfu nne bhonse ghakabhalekenga bhaje. ¹⁰ Baada ja haho ghakengilanga kumashuwa nobhanafunzi bhaje, nokujelekea kuu kukanda ja Dalmanuta. ¹¹ Kundi Bhafarisayo bhafume hanse no kusapa kubhisyana naje. Bhakahesanga abhahe ishala ja kufuma kubhwelelo, kukumughema. ¹² Ghalilanganya nkana mumwegho mumwaje no kutenda, "Nikusabhabhusi ibhufyeje bhobhu bhuhesile ishala? Kubhabhalila umwe bhwene, nikutuhu lamani jilokafumisibhwa kubhufyeje bhobhu." ¹³ Baada ja haho ghabhaleka, nokwingila mkati ja mashuwa kabhili, ghabhuka kujelekela luhande lundi kabhili. ¹⁴ Bhwakati bhobho bhanafunzi bhakalabhilanga kutwala mikate. Tebhakabhenga na mukate zaidi ja sipande simwi syakabhanga kumashuwa. ¹⁵ Ghakabhakanyanga nokubhabhalila, mubhemenso no kwilinda dhidi ja bhujiji bhwa Mafarisayo no chachu ja Herode. ¹⁶ Bhanafunzi bhalibhasya bhene kubhene, "Au nikusabhabhu bhotusili no mikate." ¹⁷ Yesu ghakalimanyanga leli, "No kubhabhalila nikusi mukwibhasye kuhusu kubhulwa mikate? Kwani hasyali temumanyile? Temumanyile? Myegho jenyu ja bha mihafu? ¹⁸ Muli no menso, lakini temubwene? Mulino matwi, lakini temuhulike? Temukubwike? ¹⁹ Honakajighabhulanga mikate itano kubhantu elfu makumiatano, mwakatwalanga fikapo finga fyakabhanga fibhumbuke mikate?" Bhamujibu ikumi no fibhili." ²⁰ "No honakajighabhulanga mikate ndwi kubhantu elfu nne mwakatwalanga vikapo finga?" ²¹ Bhabhala, "Ndwi" ghabhabhabhalila, "Hasyali temumanyile?" ²² Bhaja Bethsaida. Bhantu bhabho bhakamletanga kwa Yesu muntu muhofu no kumusini Yesu amakumye. ²³ Yesu ghamkumya ghulya muhofu kukubhoko, no kumuongo hase ja kijiji. Hoghakafulanga mate kumenso ghaje no kugholola mabhoko ghaje halughulu jaje, ghakamubhesyanga, "Ubwene syosyonse?" ²⁴ Ghakakunga kulughulu nokutenda, "Bwene bhantu bhaloleke kobhefiti fikulyata." ²⁵ Kabhili ghaghololola mavoko kabhili halughulu gha menso ghaje, ghakalolanga kabhili no kulola kila sintu fisogha. ²⁶ Yesu ghakamlekanga aje kulugho no kumubhalila, "Nosiji kumujini." ²⁷ Yesu ghakabhukanga na bhanafunzi bhaje kuja kukijiji sya Kaiseria ya Filipi. Hobhakabhele munsila ghabhasya bhanafunzi, "Bhantu bhekutenda une nighanyi?" ²⁸ Bhamujibu nokutenda, "Yohana mbatizaji Bhengi bhakutenda, 'Eliya' no bhandi, 'Ghumwi ghwa manabhii." ²⁹ Ghabhabhasya, "Lakini umwe mukutenda une nighanyi?" Petro ghamubhalila, "Ugwe ni Kristo." ³⁰ Yesu ghabhatunya bhasimubhalili muntu ghoghonse kuhusu nyene. ³¹ Kundi ghasapa kubhafundisha kubha mwona gwa Adamu lazima asanfisibhwe kumaghambo mengi, no kumutu na bhiongozi no makuhani bhakuu, no bhaandishi, no bhalokamwihagha no baada ja fuku itatu alokahembuka. ³² Ghakatendanga ghagha kubhuwazi. Haho ho Petro ghakamtwalonga hambali nokusapa kumukalihila. ³³ Tukwilo Yesu ghakahindukanga nokubhakunga bhanafunzi bhaje nokumukalihila Petro no kutenda, "Hita hanyuma jane Shetani! akoghesimu maghambo gha kabhumba kuliko maghambo gha bhantu." ³⁴ Kundi ghabhwita bhumati bhwa bhafwasi bhaje hamwi, no kbhabhalila nyene, atwale msalaba ghwaje ghwaje, no kunonda. ³⁵ Bhukobha ghoghose ahensile kughalola maisha ghaje aloghatagha, noghoghose atotagha maisha ghaje kuwaajili jane no kuajili ja injili apoghaokoa. ³⁶ Jikumusaidi sii muntu kupata bhwelelo bhonse no kisha kupata hasala ja maisha ghaje? ³⁷ Muntu anakobhola kufumya sii badala ja maisha ghaje? ³⁸ Ghoghonse andolele nsonyi na maghambo ghane katika bhufyeje bhobhu bhwa bhumalija nokizazi syabhakenya sambi, Mwana ghwa Adamu alokamlololela nsonyi hwalokajisa katika bhufalme bhwa Tata ghwaje hamwi no misambwa bhalafu.