¹ Bhwakati Sabato ho jikabwile, Mariamu Magdalena no Mariamu maajo ghwaje no Yakobo, no Salome, bhakaghulanga manukato masogha, ili bhakobhole kwisa no kubhusigha mutumba ghwa Yesu kujili ja masiko. ² Mulabho no mapema nfuku ja kwansa ja bhwiiki, bhakajanga kumakabhuli bhwakati jua lili kufuma. ³ Bhali kwibhasya bheene kubheene, "Ghanyi alo kulifingilisya ibhwe kujili ja kumweetu ili fujingile mukabhulini?" ⁴ Bhwakati bho bhakasyamanga, bhakamulolanga mntu ghakagwanga kuli fingilisya iibhwe, lyo likabhele ikulu nkana. ⁵ Bhakengilanga ku kabhuli no bhakamulolanga musumba afweete nkejo ja swee, ajikele luhande lwakulila, no bhaka syanga sibhwa. ⁶ Ghakabhabhalila, "Msighubhahi. Mulikumuhensa Yesu, ghwa Nazareti, ghoghaka sulibhiwanga. Gha syuka! Ali hatuhu haha. Jasama mahali halya ho bhakabhele bhamubhika. ⁷ Kajemuka mukabhabhalile bhanafunsi ghwaaje no Petro ja kubha ghabha lombolela kuja ku Galilaya. Kokomula kumulola, katibho akabhele ghaka bhabhalilanga." ⁸ Bhakabhukanga no kukimbia kufuma kwi kabhuli; bhaka sughuma nga no kusangaswa. Jebhatendile syosyonse ku muntu ghoghonse sabhaabhu bha ghubhahanga nkana. ⁹ (Singatia: Nakala sya kale tesili no Marko 16: 9-20) Mapema kunfuku ja kwansa ja bhwiiki, baada ja kusyuka, ghaka mufumililanga kwanza Mariamu Magdalena, ghwakubha kufuma kwaaje ghaka mufyumanga maswa mupungati. ¹⁰ Ghakafumanga no kubhabhalila bhalya bho bhakabhele hamwi naaje, bhwakati bhakabhele bhali kuhusunika no kufumya ndililo. ¹¹ Bhakahulikanga kubha ni mupanga no ghaloleka naaje, lakini tebhaka mwamini. ¹² (singatia: Nakala sya kale silibhusila Marko 16: 9-20) Baada ja aagho, ghakalikungisya kunamuna tofauti ku bhantu bhandi bha bhili, bhwakati no bhakabhele bhali kulyata kufuma ku inchi. ¹³ Bhakajanga no kubhabhalile bhanafunsi bhandi bho bhasibhangi, lakini te bhaka bhaamini. ¹⁴ (Zingatia: Nakala sya kale tesilibhusi la Marko 16: 9-20) Yesu baada je ghakalilangisya kubhalya kumi no ghumwi ho bhabhele bhasendema ku meesa, no ghakabha kalihila ku mukuleka kuamini kwaabho no bhukake ghwa myegho, kusabhabhu tebhaka amini bhalya bhobhaka mulolanga baada ja kusyuka kufuma kubhafwile. ¹⁵ Ghakabhabhalila, "Kaje kulibhwe lelo lyoonse, nokuhubhili injili kufiumbe fyonse. ¹⁶ Ghoghonse gho alo kuamini no kupatilisibhwa alokusabhulibhwa, no ghulya ghwa bhusila kuamini alo ku kalilwa. ¹⁷ (Singatia: Nakala sya kale silibhusila Marko 16 : 9-20) Inshala iisyesila kulondana no bhoonse bhobhali kuamini. Kuisina lyaane bhalo kufumya maswa. Bhalo kutenda kulugha nhyaa. ¹⁸ Bhalo kunigha nsoka kumabho ko ghaabho, no ninga kubhabhanywa sintu syosyonse sya kufwi syatesile ku bhihya. Bhalokubhika mabhoko kubhalwele, na abho bhalakubha bhapanga." ¹⁹ Baada ja Bhwana kubhala na abho, ghaka twali bhwanga kulughulu kwighulu no ajikele kubhoko kwa kulila kwa Kabhuumba. ²⁰ Bhanafunsi bhaka bhukanga no kuhubili kila mahali, bhwakati Bwana alikwila milimo naabho no kulisibhitisya ighambo ku miujisa no inshala sya kulondana na abho.