1
Ghoghu ni mwanso ghwa injili ja Yesu Kristo, mwaana ghwa Kabhumba.
2
Kobha bhojighandikwe no nabhii Isaya, "Tasama, ndikumutuma mujumbe ghwane mbele jobhe, ghumwi gho alokutajalisha nsila jobhe.
3
Sauti ja muntu gho ekutangila nyikani, "Mujikwisese nsila je Bhwana; musi ghololensila syaje".
4
Yohana ghake sanga, ghabhatisa nyikani no kuhubili bhupaliso ghwa toba ku musamaha ghwa saambi.
5
Inchi jonse ja Yudea no bhantu bhonse ghwa Yerusalemu bhakajanga kumwaje. Bhakabhele bheku patiliswa naje kumonga ghwa Yordani, mukutubhu saambi syabho.
6
Yohana akabhele ekufwala myenda sya bhosa gha ngamia no mukanda ghwa nsabha mulu bhunda lwaje, no akabheja mwipolu.
7
Ghakahubhili no kubhala, "Aliho ghumwi ekwisa baada jane, mukanya managha nkana kusumba unee no ndili bhusile hadhi ninga ja kujinama hansi no kuhambulula nkusa sya filato fyaje.
8
Une nanka bhapatilisyanga kwa mansi, lakini nyene alo kubha patilisya umwe kumwegho mulafu."
9
Jakafumililanga ku mafuku agho kubha Yesu ghakesanga kufuma Nasareti ja Galilaya, no ghaka patilisibhwa no Yohana kumonga ghwa Yordani.
10
Bhwakati Yesu ghakabhukanga kufuma ku mansi, ghakalolanga ighulu sya ghawanyika bhwazi no mwegho ekusoka kufuma kulughulu mpaka halughulu jaje kati ukundya.
11
No sauti jakafumanga kuighulu, "Ughwe ni mwanane mupendwa. Ndikupendesibhwa nkana naghwee."
12
Kisha mala jimwi mwegho ghamu lesimisya kujaa nyikani.
13
Ghakabhanga ko nyikani nfuku alobhaini, ekujalibhiwa no Shetani. Akabhele hamwi no bhanyele ghwa mwituni, no misambwa bhaka muhudumie.
14
Sasa baada ja Yohana kunighwa, Yesu ghakesanga Galilaya ekutangasya injili ja Kabhuumba,
15
ghabhala, "Muda ghatimila no bhufalme ghwa Mungu bhuli hehi. Tubhu no kuamini ku injili."
16
No ekuhita hankande ja bhahali ja Galilaya, ghakamulolanga Simoni no Andrea mughana ghwa Simoni bhekutagha nyabhu syabho kubhahali, kukubha bhaka bhanga bhafufi.
17
Yesu ghaka bhabhalinga, "Jise, munonde no ndakubhela bhafufi."
18
No mala jimwi bhakaleka nyafu syabho no bhaka mulonda.
19
Bhwakati Yesu ekulyata sitambo kidogo, ghaka mulonga Yakobo mwaana ghwa Zebedayo no Yohana mughana ghwaje; bhakabhele ku mutumbwi bhekulyohelesya nfafu.
20
Mala ghaka bhatangila nabho bhakamuleka tata ghwabho Zebedayo ndani ja mutumbwi no bhatumisi bho bhakabhele bhakodibhwa, bhamulonda.
21
Na hobhakafika Kaperinamu, nfuku ja Sabato, Yesu ghakengilanga kwi sinaghogi nokufundisya.
22
Bhaka libhijile nkana ifundisyo lyaje, kukubha akabhele ekufundisya kobhe muntugho alino mamulaka no tekati bhaandisi.
23
Bhwakati bhobhoe kubhele no muntu ku isinagogi gho akabhele no mwegho mu chafu, no ghaka hulanga bhulanga,
24
ekubhala, "Tulino sighanyisya kwila noghwe, Yesu ghwa Nazareti? Ghwajisa kutuangamisa? Njisile uli ghanyi. Ughwe ni mulafu ghwengwa ghwa Kabhumba!"
25
Yesu ghaka mukalihila pepo no kubhala, "Nyamasya no ufume mukati mwaje!"
26
No mwegho muchafu ghakamughwishya hansi no ghakafuma kumwaje bhwakati ekulila kusauti ja halughulu.
27
No bhantu bhonse bhaka nighwanga nobhutwa, tetyo bhakeswalikanga kila ghumwi, "Jeji ni sii? Fundisyo lihya lya mamulaka? Bhusilaningi kuamulu mapepo mabhii gheku mutii!"
28
No habhali kuhusu nyene syaka sambala mala jimwi kila mahali ndani ja mukoa ghonse ghwa Galilaya.
29
No mala jimwi baada ja kufuma hanse ja sinagogi, bhakajingilanga kwa Simoni no Andrea bhabha no Yakobo no Yohana.
30
Sasa majobhukwe ghwaje no Simoni akabhele alele mulwele ghwa homa, no mala jimwi bhaka mubhalilanga Yesu habhali syaje.
31
Tetyo ghakesanga, ghakamunigha kukubhoko, no kumubhusya halughulu; homa jafuma kumwaje, na ghasapa kumuhudumia.
32
Mughologhogho bhwakati isyubha lyahwa kusyama, bhakamuletelanga bhonse bho bhakabhele bhalwele, ama bho bhakapagawa no mapepo.
33
Muji ghonse bhalikonkanga hamwi ku musigho.
34
Ghaka bhasisyanga bhengi bhobhakabhele bha lwele bha malele mbali mbali no kufunya mapepo mengi, bhali tebhaka lusibhwanga mapepo kusahula kusabhabhu bhaka mumanyanga.
35
Ghaka halamuka mulabho no mapema, bhwakati jikabhele syali sikolo; ghaka bhukanga no kuja mahali ha falagha no ghakalombanga kokoe.
36
Simoni no bhonse bho bhabhele hamwi naje bhaka muhensanga.
37
Bhaka mupatile no kumubhalila, "Kila ghumwi ekukuhensa"
38
Ghakabhabhalilanga, "Tuje mahali handi, hanse ku miji syo sili ku syunguka, ili impate kuhubhili no kokokabhili."
39
Ghakajanga ekuhita Galilaya jonse, ekuhubhili ku masinagogi ghabho no kukalihila mapepo mabhii.
40
Mukanya mpongo ghakesangakumwaje. Akabhele ekumusihi, ghaka hulanga majungo no kumubhalila, "Kubha no uhensile ulo kobhola kunjila imbe safii."
41
Ekusukumwa no sighongo, Yesu ghaka gholola kubhoko kwaje no kumugusa, ghamubhalila, "Ndilikuhensa. Ubha musafi."
42
Mala jimwi mpongo jamufuma, no ghakelwanga kubhasafi.
43
Yesu ghaka mukalila fikali no ghaka mubhalila aje mala jimwi,
44
Ghaka mubhalilanga, "Hakikisya te ulikutenda ighambo lyolyonse kumuntu ghoghonse, lakini kaje ukali kungisye kwa kuhani, no ufumye sabihu kujili ja bhutakaso jo mubaghaka jilaghisyanga, kati bhushuhuda kwabho."
45
Lakini ghakajanga no kusapa kumubhalila kila ghumwi no kuenesya neno nkana ningi Yesu teghaka kobholanga kwingila mujini ku bhuhulu. Tetyo ghake kalanga mahali ha ghonghwa ne bhantu bhakajenga kwaje kufuma kila mahali.