¹ Bhwakati bhobhonse bhondili kuhensa kujisisya Israeli, saambi ja Efraimmu jili ku funulibhwa kumwino matendo mabhi gha Samaria, kusabhaabhu bhali kwila bhudanganyifu; mwifi akojingila, no ikundi lya bhanyanyi bhakopopa mumifala. ² Tebhensi mumegho syaabho kubha nji sukile matendo ghaabho mabhii. Nonwe matendo ghaabho ghako bhasyunguka; ghalilo hambele ja bhusyu ghwaane. ³ Kusabhaabhu ja bhuobhu ghwaabho bhamwilite mufalume abhe no fulaha, no maofisa ghwaabho ku malami ghaabho. ⁴ Bhoonse ni bhamalaja, kati ifanululyo litinkilwe no mwokaji, gho akole ka kubhusyana mulilo tangu kubhuponda bhufuma mpaka kubha musungu. ⁵ Nfukuja mufalume ghweetu, fiongosi bhaka lijilanga bha mwele no bhukali ghwa divai. Ghaka gholo langa kubhooko kwaaje kubhalya bho bhakabhele bheku sihaki. ⁶ Kumiegho kobhe fanulu, bheene bhakapanga mipango syaabho sya bhudhanganyifu. Sisila syaabho siko ghona bhufuku bhoonse; mulabho siko ghaka halughulu kobhe mulilo. ⁷ Bhoonse bhakopata mulilo kati tanulu nobhako bhehagha bhalya bho bhako bhatawala. Bhafalume ghwaabhobhoose bhaghwa; kutuhu ningi ghumwi ghwaabho alikunjita. ⁸ Efraimu ekwi sansikanya nyene kati ja bhaantu. Efraimu ni mukate gho ghusyali kuhindulibhwa. ⁹ Bhagheni bhalya managha gha kwaaje, lakini teajinsi. Nyele sya nkote sya sansila halughulu jaaje. lakini teajinsi. ¹⁰ Mpaka sya Israeli sili kubhalola; nina tetyo, tabhaholesili kwa Bhwaana, kabhuumba ghwaabho, bhwaala tabhaka muhensanga kumwino aagho ghoonse. ¹¹ Efraimu ni kobhe nkundya, baladhuli no ghwa bhusila sbhutekame, ako mutangila kuja Misiri, kiisha akoghuluka kuja ku Ashuru. ¹² Kubhabhaja, ndoku sambasya wafu ghwaane halughulu jaabho, noone ndaku bha ghwisya kobhe inyoni lya kwighulu. Ndokubha kanya kukusonga kwaabhohamwi. ¹³ Ole ghwaabho; kusabhaabhu bhafaghika kufuma kumwaaane. Bhubhihisibhuli kubhesila; Bheene bha asi dhidi ja kwaane! Nyomwile kubha sabhula, lakini bhatendanga malami dhidi ja kwane. ¹⁴ Bhwaala tebhaka ndililanga kumiegho syaabho syoonse. Lakini bhaka ombole sya kufitanda syaaabho. Bhekwi konka kujili ja najafaka no divai nhya, naabho bheku hasi uune. ¹⁵ Ningi nanka bha fundi syanga no kuimarisha mabhoko ghaabho, nonwe bhekupanga mabhi dhidi ja kwaane. ¹⁶ Bheku helela, lakini tebhali kuhelela kumwaane, Gho ndili alughulu. Bheene ni kati bhupinde ghwa bhusila kutumainika. Maafisa ghwaabho bhalo kughwa kulupanga kwa sababhaabhu ja bhu dhalimu ghwa finywa. Jeji jila kubha ni nsonyi jaabho ku inchi ja Misiri.