¹ Israeli, helela kwa Bhwana kabhumba ghobhe kukubha wakaghwa kusabhabhu ja bhubhi bhobhe. ² Twale maghambo hamwi none nomumuhelele Yahweh. Mubhalile, "Fumya bhubhi bhwentu bhose, ughagwe masogha ilitukobhole kukuha majabho ghamilomo ghetu. ³ Ashuru tejatusabhule, tetwatande falasi kuja ubhita. tetwa kobhole kabhili kujibhalila milimo jamabhakoghetu, "Umweni kabhumba bhetu," kumaana kumobhe muntu ali nasyee akopata huluma." ⁴ Ndobhasisya kuhinduka kwabho; none ndobha teha kumwegho kumaana gisi lasyane silofuma kumwaje. ⁵ Ndobhakobhe lusangu ku Israeli, afu maghala kobhe mauwa nokutwala misisi kobhe muelezi hefeo lebanoni. ⁶ Matabhi ghaje ghaloenea. Bhusogha ghwaje bhulobha kobhe mizeithuni, nobhunyunkilile bhwaje kobhe mielezi ja Lebanoni. ⁷ Bhantu bhekele katika bhulelo bhwaje bhalokesa, bhalokahembulwa kobhembuto no mauwa kobhe mizabibu. Bhutukufu bhwaje bhulokabha kobhe dibhai ja Lebanoni. ⁸ Efraimu, njilebhuti kabhili nomu kiti? Unendomujibu no umtusya. Unenikobhe mberoshi manyighaje nighakijani fukusyonse, kufuma kumwane kuisaku majabho ghane." ⁹ Nighani alinomasala iliamanya maghambo ghagha nighanyi cughamanyile maghambo ghagha ili abhamanye? kukubhansila sya Bhwana ni sawa no bhalina bhwene bha. Lyata mukati mumwabho tukubha baasii bhaloghwa mukati mumwaje.