¹ Efraimu akolilisya musaghe nokulonda musagha ghwa mashaliki. Nyene fukusyonse akosumfya malami no bhunyanayasaji. Bhakwila ilaghono no Ashuru no kutwala mafuta gha Misri. ² Bhwana nagho alinomashitaka gha Yuda no kumuhula Yakobo kughalya ghoghakela, alomuliha kufihando fyaje. ³ Kubhula Yakobo ghamunighe wamughane ghwaje kasinsila, no kubhuntu bhwanje ghakabhusumfyange kwa kabhumba. ⁴ Gihakasindananga no misambwa no kumughola. Ohalila no kusegha kuneema jyaje. Ghasangana no kabhumba koko Betheli,. Koko kabhumba ghasahula naje. ⁵ Hoghu ghubhwana kabhumba ghwetu ghwa majeshi "Yahwe ghwesiana lyajye. ⁶ Basi lyata kwa kabhumba ghobhe. Nigha bhuaminifu nobhuhula bhwe laghano nokumuhemba kabhumba ghobhe fukusyonse. ⁷ Bhakola biashala bhalinomizani jya malami mumavoko ghabho; bhanyomilwe malami. ⁸ Efraimu ghatenda, Kubhwene unenimutunsinkane. Napata bhutunsi kunafisi jyone. Kumilimo jane jonse tebhalole mabhi ghoghanse mukati mumwane, syosyonse silya silobha dhambi." ⁹ Une ghone Bhwana kabhumba ghobhe, tokahoghwa kafuma nga kuMisri, kulugho lwa Misri. Ndakukukwila ujikale kabhilu kwihema, kubhe mfukusya kalamu jakabhikwanga. ¹⁰ Nambabhalila manabii nambaha malole mengi kusabhabhu jenyu. Kumabhoko gha nabii nakafumianga mifano. ¹¹ Kubha kulimabhi koko Gileadi kubantu bhabhe Giligali bhalosinsa Ng'ombe, madhabahu ghabho silobha kobhe bholili ibwe kumiamba ja mavala. ¹² Yakobo ghakilima mpaka kulugho lwa Aramu; Israeli ghakakolanga milimo ili kupata mkema; nagho ghasunga ikundi lya tamaa ili kupata mukema. ¹³ Bhwana ghabhaleta Israeli kufuma Misri kukutumila nabhii nagho ghabhatusya kwa nabhii. ¹⁴ Efraimu ghamughajila nkana Bhwana.Nagho Bhwan ghwje alolekela malaso ghaje nagho alomuhesesya nsonyisyaje.