¹ Sasa ighambo leli tukutenda ni leli: tulinaje kuhani mukulu ajikele hansi katika kubhoko kughosi kusitebhe sya inzi sya Mbinguni. ² Nyene ni mutumisi katika mahali hatakatifu, ihema lya bhwene ambalo Bhwana alibhikile, siyo muntu ghoghonse ghwakufwa. ³ Ku sabhabhu kila kuhani mukulu abhikilwe kufumia zawadi ne dhabihu; kwahiyo ni muhimu kubha na sintu syakufumia. ⁴ Ninga Kiristo akabhele kulughulu na nsii nyene tyana kabhe kuhani zaidi ja haho. Ku sabhabhu bhakabhele tejali bhabhali bhakafumianga vipawa kulingana ne syelia. ⁵ Bhakahudumungu sintu sesili sikabhele nakala ne kuvulisya fintu fya kulughulu, sawa kobhe Musa haghakakalihilwanga ne Kabhumba bhwakati hoghakahensanga kujubhaka ihema. "Lola," Kabhumba bhoghakatendanda, "kubha lyohelesya kila sintu kulingana mundo bhwakalangisibhwanga kulughulu ne musosi". ⁶ Lakini Kiristo ghakapokelanga huduma bhola zaidi ku sabhabhu nyene ni mupatanishi weaghano isugha lelili likanya kukamilisibhwa kuahadi nsogha. ⁷ Tetyo kobhe aghano lya kwanza tilinakabhe ne mabhii kundi tihanakabhe ne haja kuhensela ighano lya bhubhili. ⁸ Ninga Kabhumba bhoghakagundu anga mabhii kubhantu ghatendanda, "Kunga, mfuku sisile, 'atensile Bhwana, 'bhwakati hondokalyohelesya iaghano ihya hamwi ne nyumba ja Bhaizilaeli, ne lugho lya Yuda. ⁹ Tilyakabhe kobhe aghano lyo nankelanga ne bhatata bhabho lufuku ambalo nankabhatwalanga kukubhoko kubhalangisya kufuma nsii ja Misili. Ku sabhabhu tibhakaendeleanga katika aghano lyane, none syakabhajalingi kabhili,' atensile Bhwana. ¹⁰ Ku sabhabhu leli ni aghano ndolikola ku lugho lwa Isilaeli bhaada ja funku sesi,' atensile Bhwana. 'ndobhika syelia syane mumawazo ghabho, ndosighandika mu mwegho syabho. Ndobha Kabhumba ghwabho, nagho bhalobha bhantu bhane. ¹¹ Tibhalifundisye kila ghumwi jilani ghwaje ne ghumwi ne ghwamughana ghwaje, ghatenda, "Mumanye Bhwana," tetyo bhonse bhalomanya une kufuma mukulu hadi mutwana. ¹² Tetyo ndolangisya rehema ku maghambo ghabho ghasili gha haki, syakasikumbuke mabhi ghabho." ¹³ Mukutenda "Mahya," ghakalila aghano lya kwanza kubha ikuukuu ne lelyo lyoghakafanasyanga kubha ikuukuu lili tejali kukilima.