¹ Ku ghagha, bhamughana bhatakatifu, bhasiliki bhabhwito bhwa mwighulu, mumlanghanye Jeesu, Atumilwe na Kuhani Mukulu wa masala ghetu. ² Akabhele wabhwene kwa Kabhumba ghwasaghwile, kobhe Musa bhwakabhele mwaminifu no kubha katika nyumba jose jeke Kabhumba. ³ Kukubha Jesu bhwapandilwe kubhane hesima kulu kuliko jakabhele najo Musa, ku sabhabhu ghulya akujenga nyumba napandilwe kubhana hesima kulu kusumba nyumba jene. ⁴ Kukubha kila nyumba jikojenghwa na muntu fulani, tubha ghulya akosengha kila sintu ni Kabhumba. ⁵ Ni bhwene Musa akabhele mwaminifu kobhe mukola milimo katika nyumba jonse jeke Kabhumba, nakutenda bhwene kuhusu maghambo ghalokatendwa bhwa kati bhulokesa. ⁶ Tukubha Kilistu ni Mwana katika bhujughalahisibhwa nyumba jeke Kabhumba. Ufwe ni nyumba jaje kubha twanighilila bhwangu katika kujiamini no fahali ja kwiamini. ⁷ Kughagha ni kobhe Mwegho Mulafu bhoghukutenda bhwa, "Lelo, kubha wanigha sauti jaje, ⁸ Nosighwili mwegho ghobhe kubha mukaka kobhe Waisilaeli bhobhakelangha katika uasi, katika bhwakati bhwa kughemwa nyikani. ⁹ Bhobhu bhukabhele bhwakati bhukabhele bha masinye bhakandekangha kukunghema, no kubhwakati bhwa miaka makumi anne, bhakalola matendo ghane. ¹⁰ Kutetyo syakanyomwa na kizazi jeje. Nankatenda, 'Bhatajika kila mala katika mwegho jabho, no tebhamanyile nsila jaane. ¹¹ Ni kobhe tilya bhonakalapangha katika sisilasyane: tebhakajinghile laha jane." ¹² Mubhe mughanghalile, bhamughana, ili kubha ghusisi kubhaho mwegho mwovu ghwakubhula kumwamini kwa ghumwi ghwetu mwegho ghogho ghulokaja hale no Kabhumba ali bhuphangha. ¹³ Bhadala jaje, twibhalile kila ituku kila ghumwi no mwinaje, ili kila holilotula bhwalelo mutamani, ili kubha mughumwi kati jenyu nasilwi kubha mukaka kubhubhudanghanyifu bhwa sambhi. ¹⁴ Kwamana twabha bhahamwi na Klistu tukubha twalinigha no kuamini kwetu kumanagha katika jene kutuma mwanzo hadi mwisho. ¹⁵ Kuhusu leli lyakahwa kutenda, "Bhwalelo kubhamwajihulikisya sauti jaje, musijili mwegho jenyu kubha mikaka, kobhe Bhaislaeli bhobhakelanga bhwakati bhwa uasi." ¹⁶ Ni bhaghanyi bhabho bhaka muhulikisha Kabhumba na kuasi? Tebhakabhele bhalya bhonse bhabhali Musa bhwakabhele nabhalombhwele kufuma Misli? ¹⁷ Ni bhaghanyi bhabho Kabhumba ghakabhaghajilanga ku miaka alubhaini? Siyo hamwi no bhalya bhakatendagha sambhi, ambhao miili jabho jalifwa ililala jangwani? ¹⁸ Ni akina nani bhoghakalahililanga Kabhumba kubhatebhakajinghile katika laha jaje, kubha tebhalya bhabho bhashakamwisigha nyene? ¹⁹ Tubhwene kubha tebhakenghilangha kujinghila katika laha jaje ku sabhabhu kubhula kumuamini.