¹ Kale Kabhumba ghakasahulanga nabhasifwekulu kukuhitila kubha ghwela ghu ne nsila sindi. ² Lakini kunfuku sesi shyotulinashyo, Kabhumba ghasala nofwe kuhitila Mwana, ghaghakamubhika kubha muhyanyi ghwa fintu fyonse, ambae kuhitila nyene ghakabhubhumbanga bhwelelo. ³ Mwanaje ni nulu ja bhutukufu bhwaje tabhia jongwa ja asili jaje, na gho ali kuendeleza fintu fyonse. Kwighambo lya managha ghaje. Baada ja kukamilishya bhutakaso bhwa sambi, ghakekalanya kumabhoko mene ghasitebheshya bhwani koko kwighulu. ⁴ Ghabha sumbwa kusumba misambwa, kobhebho alisumbwa kusumba sina lyabho. ⁵ Bhukobha ni kumisambwa si ghakawahingi kutenda, "Ghabha wanane, bhwelelo namba so?" Ne ikabhili, "Nankubha shyenonyene alakubha mwana kumwakumwana kumwene?" ⁶ Kabhili, Kabhumba ho ghakamuletanga mufyalwa ghwa kwanza kubhwelelo, ghatenda, "Misambwa jonse jeke Kabhumba lazima jibhe chini jaje." ⁷ Kuhusu misambwa ali kutenda, "Nyene gho alikwila misambwa jaje kubha mwegho, ne bhatumisi bhaje kubha ndimi shya mulilo." ⁸ Lakini kuhusu Mwana alikutenda, "Sitebhe shyobhe shya bhwani Kabhumba shyamwaka jonse. Ne myaka jonse lufimbo lwabhwami ku mobhe ni lufimbo lwa haki. ⁹ Ghwateha haka no kughaja bhuvunjaji bhwa shyelia, Kabhumba, Kabhumba ghobhe, ghakuha mafuta ghafulaha kusumba bhenobhe." ¹⁰ Ku mwanzo, Bhwana, ghwakabhikanga musingi ghwa bhwelelo ighulu ni mulimo ghwa mabhoko ghobhu. ¹¹ Silokafuma, lakini ughwe ulakuendeleza. Shyonse silakichakaa kobhe majwalo. ¹² Ulakusikunja kobhe koti, neshyene silakuhinduka kobheejwalo. Lakini ughwe ni ghulyae, ne myakajobhe tejila kuwela." ¹³ Lakini ni musambwa ghuhe Kabhumba ghakatendanga, "Jikala kumabhoko ghane mene mpakaho ndokabhela adui shyobhe kubhasitebhe shya maghulu gobhe"? ¹⁴ Je, misambwa jonse temyegho jojakatumwanga kubhahudumia no kubhatunsya bhalya bhalokabhu nhyana bhusabhulo?