¹ Ndiku bhala kubha maadamu mu hyanyi ni mwana, alibhusila tofauti no musya, ningi bho ni mumiliki ghwa nsabho syonse. ² Badili jaje, ali hansi jabha kungisi no bha zamini mpaka bhwakati bho bhubhwikilwe no tata ghwaje. ³ Kasalika hamwi nofwe, hotukabhele bhana, tuka nighililwe katika bhusya bhwa kanuni sya mwansoni sya libhwelelo. ⁴ Lakini kubhwa kati bhwene ho bhukafikila, Kabhumba akamutumile mwanaje, mufyalibhwa ghwa mukema, mufyalibhwa hansi no syelia. ⁵ Ghakelanga teti ili kubhasabhula bhalya bhakabhele hansi ja syelia, ili kubha tupokele kobhe bhana. ⁶ Ku sabhabhu umwe ni bhana, Kabhuumba aka mutumile Loho ghwa mwanaje ndani ja miegho syetu, Roho gho ekutangila, Roho gho ekutangila, "Abba, Tata." ⁷ Kusabhabhu jeji ughwe te musya kabhili bhali mwana. Kati ni mwaana, bhasi ughwe kabhili ni muhyanyi kuhitila Kabhuumba. ⁸ Ningi kabhula, bhwakati musyalikumu manya Kabhuumba, mukabhele bhasya kubhalya bhoku asili te miungu kabhisa. ⁹ Lakini nonwe kubha mumumanyile Kabhuumba, au kubha mumanyike no Kabhuumba, kusi muhelesile kabhili ku kanuni sya bhudhaifu sya mwansoni no sisi no thamani? Je mu hensile kubha bhasya kabhili? ¹⁰ Muninghe kubhuangalifu nfuku maalumu, mibhaliko sya miensi, majila, no miaka. ¹¹ Ndiku ghubhaha kujili jenyu. Ngubhehe kubha kuna muna fulani nandi taa bhisya bhule. ¹² Ndiku bhalomba, mughana, mubhe kobhe bhondili, kukubha pia namba kobhe bhomuli ta mwaka mbihya. ¹³ Bhali mumanyile kubha jikabhele ni kusabhabhu ja bhulwele bhwa mitumba kubha nanka hubhili injili kumwenyu kobhemala ja kwansa. ¹⁴ Ningi hali jane ja mutumba jikabhabhikile ku ma jalibhu, temwaka ndhalau ama kuntuna. Badili jaje muka mpokele kobhe misambwa ghwa Kabhuumba, kati kobhe nkabhele Kilisito Jeesu nyenee. ¹⁵ Kutetyo jili ile nonwe fulaha jenyu? kukubha ndikwilolela kumwenyu kubha jina wezekana, mungali fumya menso ghenyu no kumpa une. ¹⁶ Tetyo nonwe, je namba hadui ghwenyu ku sabhabhu ndikubhabha lila bhukweli? ¹⁷ Bhakubhahensa ku syauku, bhali te ku bhwema. Bhalensile kubha taghunkanya umwe none ili mubha londe. ¹⁸ Ni fisogha daima kubha no sya uku kusabhabhu sili nsogha, nofwe tu bhwa kati bho ndili hamwi nomwe. ¹⁹ Bhanane bhatoli, ndwele bhusungu kujili jenyu kabhili mpaka Kilisito abhumbhwe ndani jenyu. ²⁰ Inanyomwe kubhaho halya hamwi nomwe nomwe no kuhindusya sauti jane, kusabhabhu ndi no bhwasi bhwaji namwe. ²¹ Ambalile umwe bho muhensile kubha hansi no syelia, tamuhulika syelia bho jitensile? ²² Kukubha jinyeghwilwe kubha Aabhulahamu akabheleno bhana bhaghonsi bhabhili, ghumwi ku ghulya mukema musya no ghundi ku mukema hulu. ²³ Ningi tetyo, ghulya ghwa musya akafyalibhwe ku mutumbatue, bhali ghulya ghwa mukema hulughaka syali bhwanga ku ahadi. ²⁴ Maghambo aghe ghako bhwele ku tensi bhwa mu kutumia mufano, kukubha bhakema abhe bhesusile no malaghano abhili. Limwi lyabho kufuma katika musosi Sinai. Hufyala bhana bhoni bhasya. ghoghu ni Hajili. ²⁵ Nonwe Hajila ni musosi Sinai bhobhuli ku Alabuni. Akosuswa no Jelusalemu ja nonwe, kukubha ni musya hamwi no bhana bhaje. ²⁶ Bhali Jelusalemu jojili halughulu ni hulu, no jeji oh majo ghwetu. ²⁷ Kukubha jinyenghwikwe, "Fulahi, ughwe mukema uli mughumba, ughe wabhusila kufyala. Hula sauti no hula bhulanga ku fulaha ughwe wa bhusila bhuzoefu bhwa kufyale. Ku maana bhengi ni bhana bha bhaghumba, zaidi ja ghulya ghoalino bha ghonsi." ²⁸ Nonwe bha mughana, kobhe Isaka, umwe ni bhana bha ahadi. ²⁹ Ku bhwakati bhulya bho muntu gho ghaka fyalibhwa ku mujibu ghwa mutumba ghaka musanfyanga ghulyaoh ghakafyali bhwanga ku mujibu ghwa Mwegho. Ku nonwe ni tilyae. ³⁰ Maghandiko ghalendile bhuti? "Mufumye mukema musya hamwi no mwanajemu ghosi. Kukubha mwana ghwa mukema musya teana hyanya hamwi no mwana ghwa mukema hulu." ³¹ Ku tetyo mughana, ufwe tebha na bha mukema musya, bhali ni bha mukema hulu.