¹ Kusabhabhu jeji ja une, Paulo, ndi mufungwa ghwa Jeesu Kilisito kujili jenyu Mataifa. ² Ndiku amini ja kubha mwakahulika juu ja mulimo ghwa nehema ja kabhuumba ghoahlele kujili yenyu. ³ Ndikubhwa nyeghelela kutokana no jinsi bhutunuo bhobhaka langisibhwa ku mwane. Bhobhu ni bhwene bhobhu fisilwe bho kabhunegha kubhutotu kubhalwa sindi. ⁴ Mukusoma kuhusu ghagha, ulokobhola kumanya bhuoala jane kubhukweli bho fisilwe kuhusu Kilisito. ⁵ Kufisasi findi bhukweli bhobhu tebhwa kelwanga bhumanyike ku bhana bhabhantu. Ila kunonwe bhubhikilwe wasikuloho kubhalangisibhwa bhobhatengwile no Manabhii. ⁶ Bhwene bhobhu bhobhufisilwe nikubha bhantu bhamataifa ni bhabhilikibhenetu bha mitumba. Ni bhashiliki hamwi no ahadi ja Kilisito Jeesu kuhitila injili. ⁷ No kuleli na njilika muntumisi ku sawadi ja nehema ja kabhuumba jo jifumilibhwe ku mwane kuhitila bhutendaji ghwa managha ghaje. ⁸ Kabhumba ghakafumyanga sawadi kumwane, ijapo kubha une ndi muntu museghwa bhonse kubhalya bhatengilwe kunjili ja kabhumba. Sawadi jeji ni kubha ndensi bhwe kutangasya injili kumataifa ghoghali no bhutunsi ghwa bhusila kuchunguzika ghwa Kilisito. ⁹ Hensibhwe kubha angasia bhantu bhonse halughulu jasi nimupango ghwa kabhumba bhwasili. Bhobhu ah mupango bhwaka bhanga ghufisilwe kumiaka mingi jihitila, no kabhuumba gho gha kafibhuumbanga fintu fyonu. ¹⁰ Jeji jikabhele kubha, kuhitila kanisa, bhatawala no mamulaka kusehemu sya ighuulubha pate kumanya pande nyingi sya asili ja hekima ja kabhuumba. ¹¹ Aghe ghana fumilile kuhitila mupango ghwa milele bho ghakabhu kamilisya ndani ja Kilisito Jeesu bhwana ghwetu. ¹² Kukubha, katika Kilisito tulino bhusimu no bhuwezo ghwa kwingila ku bhusimu kusabhabhu ja imani jeetu kwaje. ¹³ Kutetyo ndikubha seha musiputi tama kusabhabhu ja mateso ghane kujili jenyu. Aghe ni bhutukufu bhwenyu. ¹⁴ Ku sabhabhu jeji ndikusukama kwa Tata. ¹⁵ Ambaje kunyene kila famili kulighul no halughuhu no ilongo jijitwile isina. ¹⁶ Ndikusegha kubha aapate kubhane masya, kutkana no bhutunsi bhwa bhutukafifu bhwaje, abhajile imala kumanagha kuhitila mwegho ghwwaje, gho alimukati ghwenyu. ¹⁷ Ndikupela kubha Kilisito ajikale mukati mwamiegho syenyu kuhitila imani. ¹⁸ Ndikupela kubha mubhe no shina no musingi bhwabhu pendo bhwaje. Mubhele katika pendo lyaje ili mukobhole kumanya, hamwi na bhonse bhobhekuamini, jinsi bhupana, no bhulehe no kimo no kina sya bhupendo bhwa Kilisito. ¹⁹ Ndikupela kubha mumanye bhukulu ghwa bhupendo ghwa Kilisito, bho bhusumbile bhufahamu. Mwile ghagha ili mubhumbwe no bhukamilifu bhonse bhwakabhuumba. ²⁰ Na nomwe kwaje nyene akobhwele kwila kila ighambo, zaidi ja ghonse gho tukosegha, kuhitila managha ghaje jilite mulimo ndani jeetu, ²¹ Kwaje nyene kubhebhutukufu ndani ja kanisa no katika Kilisito Jeesu kufisasi syonse milele no milele. Amina.