¹ Ho Festo mukuhwa kwingila kujimbo iilyo no baada ja nfuku itatu ghakajanga kufuma Kaisaria mpaka Yerusalemu. ² Kuhani mukulu no Bhayahudi bhasyauli bhakaletanga tuhuma dhidi ja Paulo ku Festo, no bhakasungumusyanga kumanagha kwa Festo. ³ No bhakamulombanga Festo fasili halughulu ja habhali sya Paulo apate kumwita Yerusalemu ili bhapate kumwi haghamunsila. ⁴ Lakini Festo ghakajibhu kubha Paulo akabhele musyaku Kaisaria, no kubha nyenye ghwa ghonghwa alokuhelela kokoe bhwangu. ⁵ Ghakabhalanga "Kutetyo, bhalya bho bhakobhwele, bhana kobhola kuja uuko nofwee. Kubha kuli sintu sibhii ku muntu uujwe, muhensibhwe kumusitaka." ⁶ Baada ja kwikala nfuku munane ama ikumi saidi, ghakahelela Kaisaria. No ifuku lyolilondile akajikele ku kiti sya hukumu no kuamulu Paulo afelwe kumwaje. ⁷ Mukufika, Bhayahudi kufuma Jerusalemu bhakajughalele hehi, Bhafumya masitaka mengi manywamugho tebhaka kobholanga kughasibhitisya. ⁸ Paulo ghake tetea no kubhala, 'Je suumba ja isina lya Bhayahudi, te halughulu ja hekalu, no te halughulu ja Kaisari, nanjila mabhii.' ⁹ Lakini Festo ghakahensanga kuli pendekesya kubhayahudi, no tetyo ghakamujibhu Paulo mukubhala, 'Je, uhensile kuja ku Yerusalemu no kukalilwa nanee kuhusu maghambo aaghe kulya?' ¹⁰ Paulo ghakabhalanga, 'Ndikujughalala kukiti sya hukumu sya Kaisari ho ndili kuhensibhwa kukalilwa. Tenambabhihyanga Bhayahudi, kubha uughwe bhoujinsi fisogha. ¹¹ Jukukubha na mbihya no kubha nanjile syohensibhwe kufwa, situnile kufwa. lakini kubhashutuma syabho te sintu, kutuhu muntu ghwa kukobhola kunkabhisi kumwabho. Ndili kumusegha Kaisari.' ¹² Baada ja Festo kusahula no ibhalasya ghakajibhu, "Ulikumulomba Kaisari." ¹³ Baada ja nfuku kadhaa, mufalme Agripa no Bernike bhakafikila Kaisaria kwila siala rasmi ku Festo. ¹⁴ Baada ja kwikala haho kumafuku mengi, Festo ghaka felanga kesi ja Paulo kwa mufalume; ghabhala, 'Muntu ghumwi ghakele kwanga aahe no Feliki kati mufungwa. ¹⁵ Ho nkabhele Yerusalemu makuhani bhakulu no bhakekulu ghwa Bhayahudi bhakaletile masitaka halughulu ja muntu uujwe kumwane, naabho bhakabhasyanga halughulu ja hukumu dhidi jaaje. ¹⁶ Ku leli une nankabhabhajibhu kubha tedesituli ja bhaloma kumufumya muntu kubhupendeleo badili jaaje, mutumibhwa ahensibhwe kubhwano nafasi ja kubha kabhili bhasitakaghwaje no kulitetea dhidi ja tuhuma iisyo. ¹⁷ Kutetyo bho bhakesanga hamwi haha, syaka kobholanga kuhembela, lakini nfuku jo jikalondile nanke kalanga kukiti sya hukumu no kuamulu muntu uujo aletwe mukati. ¹⁸ Bhwakati bhasitaka hobhajughalalanga no kumusitaka, nanka langanyanga kubha kutuhu masitaka makulu ghoghakaletilwe dhidi jaaje. ¹⁹ Badili jaaje, bhakabhele no mabhisyano fulani hamwi naaje kuhusu dini jabho no kuhusu Yesu gho akabhele ghakafwa, lakini Paulo ekubhala asyali mupanga. ²⁰ Nkabhele nfumbilwe jinsi ja kuchungusya kubha anakaje ku Jerusalemu kukali lwa kuhusu maghambo aagha. ²¹ Lakini mukutangilwa abhikwe hansi ja bhulinsi kujili ja bhuamusi ghwa mufalme, nanka amulu abhikwe ningi ho ndoka mufela kwa Kaisari.' ²² Agripa ghakatendanga no Festo, "Inakanyomwe kabhili kumuhulikisya muntu uujwe." "Festo, ghakabhala, "Isoneka ula kumuhulikisya." ²³ Tetyo isoneka jaje, Agripa no Bernike bhakafikile no fulaha nyiingi; bhakafikile ku bhukumbi no maafisa ghwa jeshi, no bhantu mashuhuli ghwa jeshi, no bhantu mashuhuri ghwa muji. No Festo mukufumya amuli, Paulo ghakaletwanga kumwabho. ²⁴ Festo ghabhala, "Mfalme Agripa, no bhantu bhonse bho bhali hanu hamwi nofwe, mumubhwene muntu uujwe; jumuiya jabhayahudi kulya ku Jerusalemu no ahe kumwi hahensa imbasauli, no bheene bhahula bhulanga kumwane ne kubhaa asiishi. ²⁵ Ndili bhweene kubhateghakajilanga lyolyonse lyo limu hensibhwe kufwa; lakini kusabhabhu gha mwita Mfalme, nanka panganga kumufela kumwaje. ²⁶ Lakini ndili bhusila sintu sya kughandika dhaili ku Mfalme. Kusabhabhu iije, imuletile kumwobhe, nkana kumwobhe uughwe, Mfalme Agripa, ili impale kubha no sintu sya kughandika kuhusu masitaka. ²⁷ Kukubha mbwene jisila maana kumufela mufungwa no bhusila kulolesya masitaka ghogheku mukabhili.