¹ Sitabu sya kale shyakanyeghanga, Theofilo, shyakatendanga ghonse gho Yesu ghakasumbulanga kwila no kuyundishya, ² mpakefukulyo nyene ghakapokelwanga mwighulu. Jeje ni baada ja kufuma amuli kuhitila mwegho mulafu kubhalaghisibhwa bho akabhele ghabhasaghula. ³ Baada jakusanfisibhwa kwaje, nyene ghakalolekanga kumwabho nali mupanga ne fisibitisho fingi fikushukuhudia kunfuku makumyame ghake dhihilishanga kumwabho, na ghakatendanga kusubhwa mibhweke Kabhumba. ⁴ Ho akabhele ekusangana hamwi nabho, ghakabhaamungu bhasifumi Yerusalemu, lakini bhahembele kusabhabhu ja ahadi jeke Tata, joghakatendanga, "Mwakahulika kufuma kumwane ⁵ kubha Yohana ghakabatiza kabisa kumansi, lakini mulakubatizwa kumwegho mulafu kunfuka sesinse." ⁶ Na hobhaabhele bhasangana hamwi bhakamubhashyanga, "Bwana, teti ghoghugho muda gho ulakubhaheleshya bha Israeli bhwami?" ⁷ Nyene ghabhabhalila, "Tesawa kumwenyu kumanya bhwakati au majila gho tata ghakusudia kumamulaka ghaje nyene." ⁸ Lakini mulakupokela managha homwegho mulafu alakwisa kulughamba kumwenyu, nomwe mulakubha bhashahidi bhane fume Kuyerusalemu no Bhuyahudi jonse mpaka Samaria mpaka kubhuhelabhwa sihugho." ⁹ Bhwana Yesu hoghakahwanga kughatenda ghagha, bhalikukungha mwighulu, nyene ghabhusibhwanga mwighulu ne makusi ghafimbila bhasimuloli kabhili kumeso ghabho. ¹⁰ Bhwakati bhalikukunga mwighulu kubhumakini ghakajanga, ghafla, bhantu bhabhili bhakajughalala hakati jabho bhafwite myenda jape. ¹¹ Bhakatendanga, "Umwe bhantu bhagalilaya, kusimujughalele hahamulikukunga mwighulu?" Ghoghu Yesu ghoghaja mwighulu alakuhelela tetiee kobhe bhomwa mulola ajile mwighulu. ¹² Hobhahelela Yerusalemu kufuma kumusosi ghu mizeituni, ghoghuli hehi ne Yerusalemu, lwendo lwefukulya sabato. ¹³ Hobhakafikanga bhakajanga kwigholofa kobhakabhele bhekele. nabho no Petro, Yohana, Yakobo, Andrea, Filipo, Thomaso, Batholomayo, Mathayo, Yakobo Mwana wa Alfayo, Simoni Zelote na Yuda Mwana ghwa Yakobo. ¹⁴ Bhonse bhakaungananga kobhe muntu ghumwi, kujuhudi bhabhele bhekuendelea kupelela kumwi ne bhabho bhokabheleho bhakema, Mariamu nyina lyeke Yesu, na bhekolo lyaje. ¹⁵ Kunfukusilya Petro ghajughalanga hakati ja bhamughana kobhe bhantu 120, ghatenda, ¹⁶ Mughane jibhele, gho ambapo mwegho mulafu ghakatendanga kumulomo bhweke Daudi kuhusiana no Yuda, ghoghaka bhalangishanga bhoghakamutunanga Yesu. ¹⁷ Bhukobha nyenea akabhele ghumwi kati jetu na gakapokele fungu lyaje yafaida kujeji huduma." ¹⁸ (Sasa muntu ghoghughakaghulange eneo kusilya shogha kapokelanga kubhuovu bhwaje ne haho ghakaghwanga kukulomboshya mutwe, mutumba ghatanda ghuka ne malaghaje ghonse ghasibha hashwe ghaghoneka. ¹⁹ Bhonse bhobhakabhele ku Yerusalemu bhahulikanga kuhusu jeji, bhojakakwilangangha bhata kulugha jabho "Akaldama" lelyo ni "Bhala lya muda.") ²⁰ "Kusitabhu shya Zaburi jinyeghilwe, 'Tushaieneo lyaje libhetongo najisiluhuhusiwi kabhili ninga muntu ghumwi kwikalaho; ne kuhusu muntu ghundi atwale nafesi jafe ja kusabhula.' ²¹ Jejo ni muhimu, kutetyo, mughosi ghumwi ghotubhele naje kipindi Bhwana Yesu alikufuma no kwingila kati getu, ²² gusumbula kubhubhatizo gwa Yohana mpakefuku alikutwalibhwa mwighulu lazima abheshahidi ghakushuka hamwi nofwe. ²³ "Bhabhika kumbele mutumba Yusufu ajitilwe Barnaba, gho kumwi ghaketwanga Yusto ne Mathia. ²⁴ Bhene bhaka seghanga bhalikutenda, "Ughwe, bhwa ghojinsi myegho jubha nfu bhonse, jejobhika wazi ghuhe kati ja bhabhili bhabha gho wamusaghulala ²⁵ kutwa nafasi kuhuduma ja bhulaghisibhwa ambapo Yuda ghakela mabhi no kuja mahali haje." ²⁶ Bhapigha kula kwa ajili jabho, ne kula jamughwila Mathia ghoghakapandwanga hamwi ne bhalya bhahaghisibhwa ikumi na ghumwi.