¹ Kukuha ilaghi leli lilino bhunywamu mbele ja Kabhumba no Kilisto Jesu, alokabhakalila bhapanga no bhafu, na Bhufalume bhwaje: ² Tangasye Ighambo. Mubhe tayali ku bhwakati bhuhensilwe no bhusihensi iwe. Bhabhalile bhantu sambi syabho, kaliha, sisitiza, kubhubhumilibhu bhonse no mafundisho. ³ Ku maana bhwakati bhulojisa ambao bhantu tebhakalitwalile mafundisho gha bhwene. Badala jaje, bhalokalihensela bhalimu bhakufundisya kulingana ne tamaa yabho. ku sila jeji matwi ghabho ghalokabha ghatekenywa. ⁴ Bhalokaleka kuhulikisya mafundisyo gha bhwene, nokuhindukila hadisi. ⁵ Lakini ughwe ubhe mwaminifu katika maghambo ghonse, bhumilia makake, jila mulimo ghwa ijilisiti, timisya huduma jobhe. ⁶ Ku maana unetayali nakakwisya kugholelwa mansi. Muda ghakubhuka kwane ghwasoghela. ⁷ Nasinda katika bhwene, Lwendo nanduhwa, imani najilinda. ⁸ Itaji lya bhwene lyabhikwa kuajili janee, ambayo Bhwana, akotukalila ku haki, alokaha lufuku lulyae. Na siyo kumwane tuwe ila no kubhonse bhalyabhahembele kushauku kuloleka kwaje. ⁹ Lifinde kwisa ku mwane halaka. ¹⁰ Kubhukobha Deme ghandeka. Abhunyomilwe bhwelelo bhwa nonwe no ghaka Thesalonike, Kreseni ghakajanga Ghalatia, no Tito ghakajanga Dalimatia. ¹¹ Luca nyene oghakasibhanga hamwi nane. Umutwale Maluko ujise naje kwani nyene kumwana ni muhimu kumwane katika huduma. ¹² Namulaghisya Tikiko Efeso. ¹³ Lilya ijoho lyonakalekanga Troa kwa Karpo, holokesa lilete, hamwi no filyafilabhu hasa filya fyansabha. ¹⁴ Alekizanda musulofyuma fyuma ghakajililanga mabhili mengi. Bwana alokamliha kutokana no mabhi ghoghakajililanga kumwaje. ¹⁵ Noghwe libhikehambali naje, maana ghakaghatunanga nkana maghambo ghetu. ¹⁶ Katika bhuhaghalisi bhane bhwa kwanza, kutuhu mutu ghoghose ghakahaghalala nga hamwi nane, badala jaje kila ghumwi ghakandekanga. Kabhumba asibhapendili hatia. ¹⁷ Lakini Bwana ghakahaghalanga hamwi nane, ghambikila manogha ili kubha kuhitila ku mwane, ighambo litendwe kubhukamilifu no mataifa bhapate kuhuluka. Nakasabhulwanga katika mlomo ghwa Simba. ¹⁸ Bwana alombika hambali no matendo ghonse mabhi nokusafalula kuajili ja bhufalume bhwaje bhwahabhwelelo. Bhutukufu bhubhe bhwaje mafuku ghonse. Amina ¹⁹ Muposye Plisika, Akila no nyumba ja Onesifolo. ²⁰ Elasto ghakasibhanga koko Kolinto, lakini Tlifimo nankamlekanga Mileto nalimulwele. ²¹ Jila hima uwise kabula ja sipindi sya mpeho. Eubulo alikukuposya no Pude, Lino, Claudia no bhamghana ghwaje. ²² Kabhumba abhe hamwi na mwegho ghobhe, Neema jibhe naghwe.