¹ Bhanywanywi bhane, bhukobhe tulina ahadi sesi, no twilafye bhene ku kila ighambho lilya litwilite kubha bhachafu katika mitumbe jyetu. No katika mwegho natuhense bhulafu katika hofu jya Kabhumba. ² Jile nafasi kusabhabhu jye kumwetu! Tetumu bhihisye muntu ghoghonse. Totumufulasisye muntu ghoghonse. ³ Tetunafaike kufaida jya muntu ghoghonse. KUtenda leli tekukubhalamu. Bhukobha nakabhabhalile kubha mli mumyogho jyetu, kumwetu ufwe kufwa hansi no kwikala hamwi. ⁴ Ndina bhusimu bhwingi hakati jyenyu, no kwighamba kusabhabhu jyenyu. Namfika hale kumnyomwe. Nambumbikilwa na kunyomwa nansi hakatikati jya kusamfisibhwa kwetu konse. ⁵ Twakesa Makedonia, mibhili jyetu tejyakabhana kutamuka. Badala jyajya twakapatenga taabu kunasabhabhu syonse kukuhulwa vitu luhande lwa hanse nobhusupe luhende lwa mukati. ⁶ Tukubha Kabhumba, akufaliji bhakaputanga tamaa, ghakatufalijingi kubhwisile bhwa Tito. ⁷ Teji kabhele kbhwiselo, bhwajye lukubha kabhumba ghakatufaliji. Jikabhele na falaja silya Tito syoghapoleelanga kufuma kumwenyu. Nyene ghakatubhalilanga bhunywani bhukulu bhomlinabho, huzuni jyenyu, no bhomuli na wasi wasi kusabhabhu jyene. Telyo nasumfya bhunyomwe nkana. ⁸ Nasikubha walaka bhwane bhwakabela musikitike une sikulanganye. Tukubha kubhalanganya bhwakati hanakalolanga walaka bhobho bhwakabhelonga umwe kubhe no huruni tukubha mkabhele na bhulenda lwa muda mtofu. ⁹ Nomwe ndina fulaha, tekusabhabhu mukabhele na taabu, lakini kusabhabhu huzuni jyenu jakabhafelanga kutobha. Mwakapatwange na huzuni jya kiungu, no tetyo mwakasafisibhwanga ku faida kusabhabhu jyetu. ¹⁰ Bhukobha huzuni ja kiungu jikoleta toba jilya jikamilishe bhokobhu bhusila kubha no majuto. Huzuni jya kidunia, nansitotyo jikoleta lufu. ¹¹ Kungilile huzuni jejyi jya kuungu jyakafyesyenga aina sii kulu kati jyenyu. Nikusabhabhu sii hazina jikabhele nkulu kati jyenyu kulasya kubha temukabhele na hatwa. Ni kujinsi sii bhusungu bhwenyu bhobhukabhele bhukulu, kusupa kwenyu kutamani kwenyu, bidii iyenyu no sahauku jyenyu kulola kubha haki jihesilwe kwilika! Katika kila ighamba mwamanyikana bhene kubhulwa hatia. ¹² Nasikubha nakabhaghandike umwe, syakaghandika kusabhabhu jya mubhii, wala lekusabhabhu jya ghulya ghakasamfibhwange no mabhwa nyeghile kusabhabhu jya bhuzato bhwa myegho jyenyu nikwasabhabhu jyenu mpate kumanyika kwenyu hambele jya menso gha kabhumba. ¹³ Kusabhabhu jya leli kubha tukafulaha. Katika kughungilisibhwa falajya jyetu bhenu twanyomwa nkana kusabhabhu jya bhunyomwe bhwa Tito, bhukobha mwegho ghwaje nyomibhwanja naomwe bhonse. ¹⁴ Bhukobha kubha nakelenga mwala kumwajye kuhusiana namwe, sikubhele no nsonyi, kinyume syajye, kubha kila ighambo lyotwakabhalanga kumwenyu jikabhele bhwene, mwala ghwetu kuhusumwe kwa Tito ghaka sibitishwanga kubha bhwene. ¹⁵ Kunyomwa kwajye kumwenyu kansi nimkulu nkana, kobhe ghwajisukila bhuti bhwenyu mwense kobhe bhomwakamukalibhii syanga nyene kubhobha no kutetema. ¹⁶ Ndikunyomwa bhofyabha ndina bhujasili bhukamilike mukati mumwenyu.