¹ Tumanyile kubha mulugho lwa habhwelelo mlyamotwikele momo ghakubhihisibhwa, tulinalyo ijengo kufuma kwa Kabhumba. Ni nyumba jisikolyohelesibhwa kuma bhoko gha bhantu,ila ni nyumba jya milele katika bhwelelo. ² Bhukobha mwihema leli tulikusigha, helinaham kubhikwa kwa lugho lwa habwelelo. ³ Tulinahamu kusabhabhu jya leli kusabhabhu jya kujifwala telwakalaloke kubha bhutuhu. ⁴ Kutenda fyenu bhutukabhele mukatinehema leli twalwala, netwasimbilwa tetuhesile kutufula, badala jaje tulensilwe kufwekwa hakubha suyasya kafwanga sikobhole kumilwa nabhupanga. ⁵ Ghweya ghaka twandaanga ufwe kusitu sesi ni kabhumba ghogho ghoghakatuhanga mwegho kabhahadi kusilya silokesa. ⁶ Kansi mubhe na bhujasili fukunsose. Mubhe mense kubha ifukulya tuli halugho kumutumba tulihale na Bwana. ⁷ Bhotwabha tukulyata kuimani te mukulola kutetyo tulinabhujasili. ⁸ Nisumbwa tubhe hale kuflema hamutumba na halugho hamwi na Bwana. ⁹ KUtetyo tulikuila libhe ilengo letu kabhe tukabhele halugho amahale tumunyomwe nyene. ¹⁰ Bhofyabha ni lazima fwense tuloleke hambele jye keko lya hukumo lya ke Kilisito lakubha kila ghumwi akobhote kupokela sulya syasita limiili kumaaghambo ghakoleke kumutumba fyabha ni kubhwasogha ama kubhubhi. ¹¹ Bhofyobha mukujimanya hofu jya Bwana tulikabhale bhelesye bhantu ufwe bhotuli jiloleke hanse ne kabhumba. Ndikutumaini kubha jimanyike kumwi kudhamiri syetu. ¹² Tetunaghama kumilebhelesya umwe kabhili kutulola kobhe bhwafyene. Badala jyaje tukumcha umwe sobabu jya kulola kwaajili jyetu hakubha mukobhele kubhaneji kubhalya bhali kwilola kumuonekane ghwabho tukubha tesesyo silimwati na mwegho. ¹³ BHukobha kubho tughulukwa no masala ni kusabhabhu jya kabhumba. Nakubha tulikumasala ghetu timamu, ni kusabhu jyenyu. ¹⁴ Bhukobha bhunyomwe bhwa KIlisito bhutulazimishe, kusabhabhu lulinobhuhakika no leli kubha muntu ghumwi ghakafwanga kasabhabhu jya bhonse no kubha bhonse bhafwa. ¹⁵ No Kilisito akabhele kusabhabhu jya bhonse, ili kubha bhalyo bhekele bhasikali kabhili kasabhabhu jyabho bhene. Badala jyaji lazima bhekali kusabhabhu jyijye myene ghulya ghakafwanga no kufulibhwa. ¹⁶ Kusabhabhu jyijyi, kusumbulile nomwe na kulya kumbele telwa muhukumu muntu kulingana no fiwango fya bhantu, nasikubha hakumbula twakakunganga KIlisitokatika namna jejyo tukubha nomwe tetwamuhuku muntu kunamna jejo kabhili. ¹⁷ Tukubha kubha muntu ghoghonse alimukati mwa KIlisito, nyene ni siumbe sihya. Maghambo ghakale ghakahite kunse, ghabha mahya. ¹⁸ Vintu fyonse frfi fifumile kwa kabhumba nyeene ghakatupata nisyanga kumwajye kuhitila KIlisito no kutuha huduma jya bhupata nisyo. ¹⁹ Tetyo ni kutenda, katika KIlisito, kabhumba abhupatanishe bhwelelo bhwajye nyene, tekupanda amakosa ghebho dhidi jyabho abhilasye kumwetu bhujumbe bhwa bhupatanisyo. ²⁰ Tukubha lulikuleuli bhwa kubhabha wa Kilisito, bheke Kilisito, kati kubha kabhumba akabhele nakwila lufaa jyejye kuhitila ufwe. Tukubhalila umwe kunsila jya Kilisito: ''Mpatanisibhwe kwa Kabhumba!'' ²¹ Ghakamwilanga Kilisito kubha sadaka kusabhabhu jya sambi syetu nyene aghulya asyakelanga sambi. Ghakelanga tetyo ili tukobhele kwila haki jya kabhumba katika nyene.