¹ Uu ni mfunkuro wakwe Yesu Kristo neo Mrungu emunkie nesa kuvavonyesha vandima vyakwe vintu nevyo lazima vifumirire ahahafuli, akaronga vimanyike he kumfuma mlao wakwe he mundima wakwe Yohane. ² Yohane akafwinywa vuonwa vywa kila kintu ekivonie chehusiana na kiteto cha Mrungu na kwa vuonwa vywefwinyizywe vywemuhusu Yesu Kristo. ³ Ebarinkiwe ye esoma kwa saunti na vala vose vesikia viteto vya uonwa uu ba kutii chagondiwe aho ambu kigheri chafika. ⁴ Yohane, he Makanisa mfungate eho Asia. Neema naioke henyu na Amani kufuma he ghoro mfungate veho mbele ya kichumbi chakwe cha ukowanga. ⁵ Na kufuma hakwe Yesu Kristo eye na shahidi Eghirisha mramongwa wa kuvoka wa vafwie, na mzima wa vufumwa vywa isanga ili hakwe ye etukundie na akatuvika huru kufuma he mabanu etu he sakame yakwe. ⁶ Akatuonesha tuoke vabaha, Makuhani vya Mrungu na vava wakwe hakwe tuoke utukufu na nguju kae kabisa, Amina. ⁷ Rerereha, eneza na mavundo, kila iziso linemuvona hamwe na vose vemusomie, nambari zyose zya isanga veneomboleza hakwe, nivyo Amina." ⁸ Mi ni wakuvoka na wamwisho, “ateta ufumwa Mrungu” ye eho na eereha na eye eneza nzinya." ⁹ Mi Yohane nduu yenyu na mmwe eshinki hamwe na unywi he kutaswa na vafumwa ba hakughurumizya kwandindie kweho he Yesu: Neeho he kisiwa chetangwa Patimo kwa vuntu vywa kiteto cha Mrungu na vuonwa vyemuhusu Yesu. ¹⁰ Nekiho he ghoro misi ya Mfumwa, nikasikia nyuma hangu izii la wanga sa terumbeta. ¹¹ Ikiteta, “gonda he kitabu vyo wevivona na uvifume he makanisa mfungate kutonga Efeso, kutonga Smirna kutonga Pergamo, kutonga Thiafira. Kutonga Sardi, kutonga Philadelphia na kutonga Laodikia.” ¹² Nikagharuka kuvona iti ni sauti yakwe ni eye ekighaya name, nikiragharuka nikavona munara wa zahabu na taa mfungate. ¹³ Gatinagati ya munara wa taa eeho mwasa mwana wakwe Adamu, endokie nkazu ndeza yefikie si he magu akwe na mkanda wa dhahabu kujunguhika kifua chakwe. ¹⁴ Mutwi wake na nywee zyakwe nee nyewa sa sufu nyewa savuntu sehiji na meso akwe nee sa kianga cha kianga cha mota. ¹⁵ Mavato akwe ne sa shaba yesughuliwa haiwa sa shaba eyo ekezyizye kuivechizywa he moto, na sauti yakwe ikaoka sa sauti ya mazi nyinki yesea kwafia. ¹⁶ Akaoka agwira nyota, fungate he mkono wakwe wa kuume, na kufuma hamutwi wakwe hekina ihandwi ikai lena Makai hose hose vusho vywakwe vwekiaka sa kianga kikai cha izuva. ¹⁷ Nikiramuvona, nikagwa hamagu akwe sa mntu efwie, akavikia mukono wakwe wa kulia wanga hangu na akateta,”usiogohe! Mi ni wa kuvoka na ula mwisho”. ¹⁸ Na eye neishi, niokie nifwie, mira rereha nimeishi ghenda! Na nina funguo zya vefurie na veho kuzimu. ¹⁹ He huvo agonde weavonie eho iki na ala enefumana baada ya ivi. ²⁰ Ambu chekufisie chehusu nyota mfungate wezyivonie he mkono wangu wa kuume ba ula mnara wa dhahabu wana taa mfungate na nyota mfungate ni valao vya ala makanisa mfungate na mnara wa taa mfungate ni ala makanisa mfungate”