¹ Niho varongoji na varagonda vakaza he Mfumwa kufuma Yerusalemu na kuteta. ² Hanini varateri vekondanya mitaso ya vazee? “Ambu teveozya mikono yavo vekila kijo” ³ Mfumwa akagharusha na kuvafwira, “Unywi hanini mwekonda maamoro a mfuwa. He mburi ya kughia kwenywi? ⁴ Ambu Murungu etetie msikie vava wako na mama wako na eteta vuvivi vywa vava wakwe na mama wakwe ni kweri enefwa. ⁵ Mira unywi mteta, “Ye emwira vava wakwe na mama wakwe” na kila lughenyo ekipata kufuma hangu iki ni zawadi kufuma he Mrungu”. ⁶ “Mntu uu tena haja ya kumsikia Vava wakwe he mburi ii avisha kiteto ngwa cha Mrungu he vuntu vywa kughuhia kwenyu. ⁷ Unywi vavivi. Nisawa hantu Isaya Erotie wanga yenyu hantu etetie. ⁸ Vantu ava zenisika mi kwa Ngoro nzyavo. Mira ngoro zyavo zyiho hale na mi. ⁹ Venitasa bure, ambu vefundisha mafundisho ne maagizo avantu." ¹⁰ Tehena kintu chengia momo wa mntu na kuoka uchafu, “Sari kila chefuma hemomo nicho che muosha mntu kuoka mchafu”. ¹¹ Niho akavatanga varavungana na kuvaira, “Sikjeni na mmanye”. ¹² Nicho varatera vakamtongia na kuteta na Mfumwa Mira, “Umainye varongonji vakanasikia kila kiteto vavihiwa?” ¹³ Mfumwa akavahundia na kuteta kila mbeu vava wangu wa uko wanga esiihandie inangolwa. ¹⁴ Vachigheni vyenye avyo ni vyarongonji vesivona kakicha mntu esivona enemurongozya esivona muyae vose very venegwa heikongo." ¹⁵ Petro akavahundui na kumwira mfumwa, “Tueleze lusimo ulu hetu, ¹⁶ Mfumwa kahundia, “Naunywi kave bado temunaelewa?” ¹⁷ Unywi temuvona iti chetonga he kivechezya he itumbo na kutonga hecho?. ¹⁸ Mira vintu vyose vefuma hemomo vifuma ndeni hengoro. Nivyo vintu vyemugera mtu uchafu. ¹⁹ Ambu he Ngoro hefuma madunganyo mavivi kukoma, shinde, uchafu vukea, kugayamongo, na kurara. ²⁰ Ivi nevyo vemughera muntu uchafu mira kula bila kuozya tekumfanya muntu aoke mchafu." ²¹ Niho mfumwa akafuma hantu hala akakaahale kutonga upande wa mizi ya Tiro na Sidoni. ²² Rereha akaza mche mkanani kufuma pande izyo akafwinya sauti ekiti, “Nishighia, Mfumwa mwana wake Daudi” Mwana wangu Eumizwa ni mapepo”. ²³ Mira Mfumwa akamhunduia kiteto, Varateri vyakwe vakaza vamusemba, vakamwira, “Mvushizye atonge zyakwe, ambu etulonzia." ²⁴ Mfumwa akavahundia na kuteta situmiwe he mntu nesire he magozyi etekie “a nyumba ya Israel” ²⁵ Mira ezie na kukondeka mbele hakwa akateta “Mfumwa Nigheja”. ²⁶ Akamuhunduiya na kuteta “Sichedi kughuha kijo cha vana na kuinva maguro." ²⁷ Akateta “Haya Mfumwa, hata huvo maguro madori ela kizyo chekigwa na Hosi he meza ya Mfumwa wavo." ²⁸ Niho Mfumwa akamhundia ekiteta, “Wemche lugwirisho lwakozi lubaha na kioke huo hako savuntu weenda mbora wakwe ekabanywa na mbora wakwe akabamzywa he saa iyo. ²⁹ Mfumwa akavuka hantu hala na kutonga hafuhi na helukanga lwa Galilaya alafu akatogha wanga he mungori akakaasi uko. ³⁰ Luvughano lubaha lukaza hakwe na kumuetia viwete, vyesivona, vesidima tete, valemavu na vangi vajinki neevawazyi, vekavavika gati na gati he magu amufumwa kavabazya. ³¹ Na luvungano lukashangaa vyekanavona vesidima teta vekigaya na valemavu vekioshwa vabanzwa viwete vekivata na vesivona vekivona, vakamtogola Mrungu wa Israeli. ³² Mfumwa akavatanga varateri vyakwe ekateta, “Navavonia mbazi luvughanano, ambu vakaa name misi mitatu vesila kintu chochose sikavaaganye vatonge havo vesitiye vasire herwa nzieni." ³³ Varateri vya vakamwira, “Ni hiyo twedima kupata mikate yenetosha aha hanyika kughutizya luvunganano lubaha huu?" ³⁴ Mfumwa akavaira, “Muna mikate mighahi? Vakateta,” saba na samaki ndori zyesitosha." ³⁵ Mfumwa akamuru luvunganano lukae si. ³⁶ Akaighuha ila mikate mfungate na samaki na alafu akashukuru akaigava na kuvaika varatera, varatera vya kavainka luvunganano. ³⁷ Vantu vyose vakala na kuguta na vakavunganya visare vya kijo vyekibakie visare sare vikazua vikapu mfungate. ³⁸ Vose velie veevo vome elfu na tehena vache na vana. ³⁹ Alfu Mfumwa akaaganya luvunganano vatonge havo akaingia ndeni he luhondo akatonga hantu ha magadani.