¹ Igheri lila Yesu etongie msi wa sabato akavechija he mashamba, varateri vakwe vena nzaa vakavoka kubaa vienge vya ngono na kula. ² Mira vafarisayo vekina vone huvo, vakamti Yesu ‘’Rereha varateri vako vekonda sheria vehira vila vyesiruhusiwa siku ya sabato." ³ Mira Yesu akavati ‘’Temsomie kila Davidi eketie, hala esikie nzaa, ye hamwe na vantu ena navo. ⁴ Vundu eingie he nyumba ya Mrungu akala ila mikate ya luvonyesho, ambu esikichedi hakwe kula na vala ena navo, esire vatasi du? ⁵ Kana temnasooma minyomongwa, iti hena msi wa sabato vatasi he nyumba ya mtaso vekonda sabato, mira tevena nzune. ⁶ Mira niti henyu iti eye emb’aha kukela byumba ya mtaso e waha. ⁷ Mira mwemanje iti viteto vitize; nienda mbonea neri si itasi; temwe kivalaha vala vesina nzune. ⁸ Ambu mwana wa Adamu niye mfumwa wa sabato." ⁹ Yesu akavuka hala akatonga he sinagogi yavo. ¹⁰ Tereha hena mntu eholohje mkono, Vafarasayo vaka mviwja Yesu, vekiti ‘’Nichedi kubanja misi wa sabato? Nesa vaidime kumshitaki kwa kutea mabanu. ¹¹ Yesu akamti, ‘’Niani ghati yenu, ena igonji imwe na ilo igonji likagwa ndeni ya ikongo misi wa sabato, esika ligwire na kuling’ola kwa nguju ndeni ya ikongo? ¹² Hamao, nkihi chena thamani, zaidi chekelile igonji! Heicho chekundijwe kuketa chedi msi wa sabato.’’ ¹³ Niho Yesu akamti ula mntu, ‘’Ronga mkono wako ‘’Akauronga, ukabanda, ukaoka wedi saula ungi. ¹⁴ Mira vafarisayo vakafuma nze vakateta njama vakapanga vuntu venemtesha vetungienze kuteta njama kinyume chakwe. Vekienda vuntu venemkoma. ¹⁵ Mira Yesu nekira manya ichi evukive aho. Vantu vangi vemrateta, na akavabanja vose. ¹⁶ Akavakondia vasire vasize vakahira amanyike he vangi. ¹⁷ Nesa imanyike lila idi, vundu letetiwe ni mroti Yesaya ekiti. ¹⁸ Ereha, mndima wangu nemsaghure, mkunde wangu, eye nemuiozhire, Ninevika ngoro yangu wanga yakwe, Naye enebirikira mlaho he vaisanga. ¹⁹ tekakete naganani kama kuiya kwa nguju, neri yekasikie izi lakwe uko nze. ²⁰ tekaubae mjungu wenyeruke; Tekalikomije ikumbi lolose lefuka mushi, mhaka eneete mlaho ekivota. ²¹ Na vasanga veneketa ikji hena izina lakwe. ²² mntu esivona na esiidima teta, ebighiwe ni mbepo eetiwe muzia yakwe Yesu akambanja, hamwe na huko mntu esidima teta akateta na kuvona. ²³ Mavungano vose vakaimuka na kutio, ‘’kudimika mntu uu kuoka mwana wa Davidi? ²⁴ Mira vasirayo vekisikia mburi ii vakati ‘’ uu mntu tefunya mbepo kwa nguju jakwe mwenye esire kwa ja belizebuku m’baha wa mbepo. ²⁵ . mira Yesu ekimanya madunganyo avo akavati, kila kifumwa vweghavanyike vujenye vekondika, kila muzi kama nyumba ighavanyike nyenye. ²⁶ kakicha shetani emfunga shetani, ekuomanye ye mwenye. ²⁷ kineokaze vufumwa vwakwe vwekiimuka? kakicha ning’ola mbepo kwa nguju ja Belizabuli, varateri venyu venefunya kwa nzia ani? Heicho veneoka valaho venyu. ²⁸ Kakicha ningola mbepo kwa mbeho wa mrungu aho vufumwa vwa mrungu vwaza henyu. ²⁹ kana mntu eidimaze kuingia he nyumba ya mwenye nzinya na kuiva, esinaronga mchunge ula mwenye nzinya kwanza? Niho eneiva mari yakwe kufuma he nyumba. ³⁰ wowose esiho hamwe nami eho kinyume nami, eye esivunganya hamwe na mi uo ezarike. ³¹ Heicho niteta henyu, kila ibanu na falaja vantu veneshughiwa, esire vemfalaje mbeho wedi tevekashighewe. ³² Na wowose etata kiteto kinyume cha mwana wa Adamu, eneshighiwa, mira ule mteta ngoro wedi uo tekashighiwe, hena isanga ili na kangi ula wezie. ³³ Uosheni mti kuoka wedi na ntunda javo jioke jedi, akna uosheni mti kuoka mvivi, ambu mti umanyika kwa ntunda jaivo. ³⁴ Unywi lukolo kwa nyoka, mwe vavivi, muidimaze kuteka vintu vwedi? Heicho momo uteta vila veho he ngoro. ³⁵ mnto wei he kila chedi ena efunya vwedi na mntu mvivi he kila kivivi enefunya ni kivivi. ³⁶ Nemutio hena misi wa mlaho vantu veneng’ola mataro akila kiteto chesina nza mwekitetie. ³⁷ Ambu heviteto vyako unetaraiwa kitea kangi he viteto vyako une lahwa." ³⁸ Niho va kumwe he vaandiki na vafariayo vakamgharusha Yesu vakati ‘’Mcheji, tuenda kuvona luvengo kufuma hako’’ ³⁹ Mira Yesu evagharushe na kuvati, ‘’Lukolo luvivi kangi lwashinde kuenda luvengo, Mira tehena luvengo lweneng’olwa havo isire hula luvengo kwa mroti Yona. ⁴⁰ Ambu sa vuntu mroti Yona eikae he ndeni ya nguluma m’baha misi itatu msi nakio, erehuvyo mwana wa Adamu eneikaa ndeni ya ngoro ya isanga kwa misi mitatu msi na kio. ⁴¹ Vantu va ninawi veneimuka mozia ya mlaho hamwe na lukolo lwa vantu ava na venevalaha. ambu vechiwe mti kwa mabirikiroakwe Yona, rereha, na ahe hena mntu m’baha kukela Yona ewaha. ⁴² Mfumwa wa kiche wa ishi eneimuka he mlaho hamwe na vantu va lukolo ulu na kululaha ezie kufuma hantu ehakane, masnaga kuza kusikija kiugho chakwe selemani, rereha, mntu hena mntu m’baha kukal suleimani a aha. ⁴³ Msi mpepo mvivi efuma he mntu, evecha uko hantu hesina mbombe ekiedna kuhema, mira tehavona. ⁴⁴ Niho akati, ninehunduka he nyumba yangu hantu nefumie; ye kiza ikicha ila nyumba yehaghiwe iho tayri. ⁴⁵ Iki etonga na kuvaete vangi mpepo mfungate mbivi kuvecha ye, kuza na kuikaa aho miikkarire yakwe ya nyuma ioka mivivi kuvecha ila ya kuvoka, Nivwo vuntu cheneoka he lukolo e luvivi. ⁴⁶ Aho Yesu ekigaya na mavungano rereha, mlala wako na vajinawe vekiimuka nze, vekienda kuteta naye. ⁴⁷ Muntu mwe akati, ‘’Rereha mlala wako na vajinao veimuke nze, veenda kugaya na we’’ ⁴⁸ Mira Yesu akamgharusha ula emvurire akamti, ‘’Mlala Yesu akamgharusha ula emhirire akamti, ‘’Mlala wangu ni ani na vajinaw ani vani? ⁴⁹ naye akaronga mkono wakwe he varateri na kuti, ‘’Rereha ava ni mlala na ndughu vangu. ⁵⁰ ambu wowose ula eronga kila vava wangu wa uko wanga ekienda, mntu uo niye mjinawe, na rumbnuria na mlala wangu."