¹ Aho Petro ne Yohana vekiho vegaya na vantu vatasi na mrinji wa hekalu ne masadukayo vakavazia. ² Vekiho vevihiwe mno kwa kila Petro ne Yohane yekiho vevacheja vantu iti Yesu na kuvatangazia vaanga ya kuvuka kwakwe he vevwie kufuma he vefwie. ³ Vakavangura na vakavagera he nyumba ya kuchangiwa mhaka, heavo yakwe, ambu neki chehemagheri. ⁴ Mira vantu vangi he vala vesikie kiteto vakaitikija, na itaro la vome vala vietikije vekadiriwe viku visano. ⁵ Hala yekinafike icheheavo msi weratere, iti vabaha vavo, vaghosi na vaandiki kwa hamwe vakavungana Yerusalemu. ⁶ Anasi mtasi mbaho ewaho, e kuyafa ne Yohane, ne Isakanda na vose veokie ndughu va mtasi m'baha. ⁷ Vekinavavike Petro ne Yohane ghati yavo vakavavwija, "kwa nzinya ani, kana kwa izina lakwe ani mweketie ichi?" ⁸ Ambu, Petro, ekiho eizua Mpeho wedi, akavati, " Unywi vabaha va vantu, na vaghosi. ⁹ Kukicha uswi msi wa yoo tuvwijwa vuntu mburi ya chedi yeketiwe he mntu uu muwaji- iti kaketweze mntu uu abanjwe? ¹⁰ Kangi kimanyike icho henyu na kwa vantu vose he Israeli, iti kwa izina lakwe Yesu Kristo wa Narareti eye mwemvambie, na Murungu akamvusha kufuma he vefwie, ni kwanzia yakwe iti mntu uu eimuke aha mozya yenyu ekiho mwenye afya. ¹¹ Yesu Kristo ni ibwe elo unywi vajengi mwelidaie mira laoshwa kuokaibwe ibaha la mondo. ¹² Tehena lukio he mntu ungi wowose. Ambu tehena izina lingi aha si veigiwe vantu, elo kwa lo tuidima kukijwa." ¹³ Iki vekinavone ujasiri wakwe Petro ne Yohane, na vakamanya iti ni vantu vesichejijwe, vesina icha iekoloke, vakamake, vakatwarija iti Petro ne Yohane vekiho hamwe ne Yesu. ¹⁴ Ambu vemvoie ula mntu ebandijwe eimuke hamwe navo teveketie na kintu cha kuteta mburi ya ichi. ¹⁵ Mira vekiho vekenjije vakavati ntume vavuke Mozya ya mvangano wa ibaraza, vegaiye venye kwa venye. ¹⁶ Vakati, tunevaghendazi vantu ava? Ni kweri iti luvengo lwa nguma lwe rongiwe nivo wemanyike ni kila mmwe eikaa Yerusalemu; twesiidima kulukana icho. ¹⁷ Mira, nesa iyo mburi isiregishe he vantu heiki tuvakanye vasitete kangi he mntu wowose kwa izina lakwe Yesu. ¹⁸ Vakavaitanga Petro ne Yohane nyumba vakavakokondia neri vasitetet wala kucheja kwa izina lakwe Yesu. ¹⁹ Mira Petro ne Yohane akavagharusha na kuvati, "kakicha kina itea he meso a Murungu kumusikia unywi kukela Murungu, chweni mti venye. ²⁰ Ambu uswi tetuidima kushigha kuateta viki evyo twevionie na kuasikia" ²¹ Niho vekina vaitushe mno Petro ne Yohane, vakavashigha vatonge. Vesiidime kupata kindu chochose cha kuvaketa, ambu vantu vose vekiho vekimkaza Murungu kwa kila echo chehirike. ²² Mtu eketiwe ulo luvengo lwa kubanjwa ekiokie na umri wa wesikela mika makumii mane. ²³ Ingeri vekina vachungue, Petro ne Yohane vena vandu vavo na kuvavwira ose eo vatasi vabaha na vaghosi evo vevavirire. ²⁴ Vekinasikie vakavusha mazii avo hamwe kwa Murungu nakuti, "Mfumwa we waimbie wanga na si na bahari na kila kindu ndeni yakwe. ²⁵ We eye, kwa Mpeho wedi, he momo wa vava wetu Daudi, mndima wako wetie, " Hanini vantu va masanga vekivurunyikke, na vantu vekiririkane vintu vesina nzia? ²⁶ Vafumwa va isanga vakudoka hamwe, na vabaha vavughanyika kwa hamwe ne Mfumwa ne msihi wakwe." ²⁷ Ni kididi vose Herode ne Pilato, hamwe na vantu va masanga na vantu va Israeli, vevungane kwa hamwe he mzi uu zidi ya mndima wako ezerire Yesu, eye wemvirie mafuta. ²⁸ Vakavungana kwa hamwe kuhira vyose evyo mkono wako na mikundire yako yevirekere too kae kbla tekinafumia. ²⁹ Iki, Mfumwa, arerehe maondosho yavo, na uvaghenje vandima vako kikiteta kiteto chako kwa ndekero yose. ³⁰ Iti wekironge mkono wako kubanja, luvengo na vimako viidima kufumia kuvechija izina la mndima wako ezerire Yesu." ³¹ Vekina kenje kuomba, handu eho vevungana hamwe vakakushwa na vose vakaizijwa Mpeho wedi, na vkateta kiteto cha Murungu kwa ndekero. ³² Mataro mabaha avala vezerire ngoro mmwe na Mpeho mmwe: na hesina hata mmwe wavo etetie iti chochose enanacho nechakwe mwenye mira vekete vindu vyose sanga. ³³ Kwa Nguju mbaha ndume vekiketa vakautanganza vuonwa vwavo he kuvuka he vefwie wa Mfumwa Yesu, na mbonea mbaha eyokie wanga yavo vose. ³⁴ Neri hevo wowose ghati yavo msovu wa Mahitaji ambu vantu vose vena na hati ja vivanza kana nyumba, vevitaghie kuete pesa ya vindu vevitangije. ³⁵ Vikavikwa he maghu andume. Ni kughaviwa ukahirwa kwa kila muumini, kuringana na kila mmwe evoo enda. ³⁶ Yusufu, mlawi, mntu kufuma Kipro, izina la Barnabasi na ndume ( huvyo yekitafisiriwa, ni mwana wa kutuja). ³⁷ Eho he mghunda, akavwija na akuete fedha, akajivika si ya maghu a ndume.