¹ Pol, manmon ne Yesu Kristo, ngo tai Timothy, ratok mtir pak Filimon, asel komam wi go tenang au mau weswes, ² go imer tok pak tet nangmam Apphia, go Archippus, natamol nafkal nang iskot mam, go imer tok pak esumtap nang iskakruk emrom nang. ³ Nsaawian go ntmaat ne Iofa Apap nagkit go Naot Yesu Kristo ke skot ang. ⁴ Apsawi ki Atua sernrak selwan atok nag lot ⁵ nlaken anrog nasraleskon nen kupi atlaken toklos Yesu ngo nanromien nen kupi atlaken pak namer tap lap nga. ⁶ Alot nen pa tae pakrau ki nasraleskon nang, nen ang pafo mrotae silu sernalo lap ui nang rutok emrom Yesu Kristo. ⁷ Nanromien nang ipregi nang asemsem top go aplak ntmaat, nlaken napk natamol tap lap ne Atua imer mai faum, tai. ⁸ Seluan aplak ser nakerkraian totur Yesu Kristo nen atae mai kai nrik ang kin nang pa freg nafte go ang pa frengi, ⁹ me totur nanromien kafo kano prengi ke teflan teuan kin kineu atok fraa ang nen pa frengi - Kineu, Bol , tiawi iskei, go malfanen api manmon ne Yesu Kristo. ¹⁰ Atok fraak nakon ne tesa nangneu Onesimus, nga nang apamori emrom namotien. ¹¹ Nrakpei nga keipe tu ui ki tenmatun mau, me maes nga imai tok welu kineu go kefo tae weluok. ¹² Atok tpelua iler net nag kelek ang, nga nag itok napok sermal. ¹³ Amurin itop nang keskot kineu tok nen kefo tae tok welu kineu tete mal seluan atok namotien totur nanrognrogon ui nen. ¹⁴ Atu murin nang kefi namroan nagneu mas mau, me ang patau tete namroan nang. Itu pi nlaken kineu apaus kin mau me kefi namroan ui nag. ¹⁵ Ilakor pi tewan nega ipak emae ki ang ues malses, me nang nega kefo mer ler net kai skot ang tok sernrak. ¹⁶ Nga kefo mer tupi nafit mas mau, me kefo mer ui top tol nafit, kefo pi tai wi keskei. Nga ipi nakte tai wi iskei, me nang kefo mer pi emelting top, nlaken kefo pi tai wi keskei emeromen go emrom Naot. ¹⁷ Ifuel kupi atlak kineu taos aslam iskei, pa flak nga me ke taos kineu. ¹⁸ Ifuel nga ipol sa kik ko i ues tete tenmatun negag, pa fusi ketok nagiok. ¹⁹ Kineu , Bol, atok mtir ki naruk. Kineu kafo nag ler kin - me kafo tu tili mau, nlaken nafte nang kineu atuok kin ipreg pta ki namolien nang. ²⁰ Ore, paluk pa tau nafsawian nang emrom Naot go pa fregi nang napok kemer faum emrom Kristo. ²¹ Asralesok nang pafo takinrog, tewan kin atok nag mtir. Go atae nang pafo prengi ketoli kin atok paus kin. ²² Malskeimau nen, pa nagneu kraksok namlee keskei, nlaken aloraki nang totur nalotuen nag, kafo mer ler net lek ang. ²³ Epaphras, nga nang ranru tok namotien emrom Yesu Kristo, itok sauf ang ki nangi Yesu. ²⁴ Mak , Aristochus, Demas go Luke tenang ru uesues skot kineu nger me rutok sauf ang ki nangi Yesu. ²⁵ Nsaawian ne Naot Yesu Kristo keskot naten nang, Amen.