¹ Kineu Yuda, teweswes ne Yesu Kristo ngo bal Yemis toklos tenang ru koi pi eklesia totur Tekaimes nen kin ipi Apap, ngo ku prengi potakin itok emrom Yesu Kristo reki nafioson: ² Nafsauiaan, ntmaat ngo nanromien ketok skot ang sernrak. ³ Nakte, malnen kineu kaipe tuoki ser namrotaeuen wi nen kaipe mtiri mai pek ang toklos namutien nen keipe tok, ngo itermau pi tewan kineu amurin top, nen ka mtiri mai pek mus, ngo apesasok mus reki nafte ku mro kerkrai kin nen pa fregi toklos nasraleskon nen kin mal iskei nen kin ilingi lua imai pak nafet eklesia. ⁴ Ipi atlak tete namer nang ru mailum tu folfol ⁵ kafo pus mus reki namroperkatien teplan kin ang koipe tae teplan kin Nawot, ipelak lue natamol taf emrom ntan ning Ijip (Egypt), ngo imer kraksaki tenang rutu seralesokos mau. ⁶ Ngo angel nen kin rukano puetsok esan rutokos mal pei mau, me rutao esan rutokos mai. Tenang ru koipe tao naor perkati nengar, nenga kepe pus potakin ipi n'likp nen itu mautu, nanruknruk nmalko reki nafespotae- en ning naliati pur melap. ⁷ Kefo wel Sodom ngo Komora pelak tete elolman nen rutok emeltig kir, kefo pi toskei mau, ru tungmer folfol sa kir, ngo rutok tauso ngo rutok pei kir ki nafte pitekaskei nen itok, nanrongtesan, naftinuen ngo supetap ning namen n'kap nen itu mau tu. ⁸ Imer pi toskei napre milo nen ipolsaki namolir ngo iprengi rutungmer lo pak elang kir, ngo ru pes ki nafsan sa, teplan kin nengar rutok p'sakin. ⁹ Me Maikel (Michael) n'pau angel iple skot naten sa, nengar ra pesapil toklos namol Moses, nenga itungmen fafat ues nang itu m'tak mau ngo kei pes tili nang Nawot itok bas ang. ¹⁰ Me tenen itilsaki sernalo nen nengar rutu tae mau nenkin nengar rutae, tenen kin nengar ru tae perkati mau, ipi toskei ki namuroan ning temol mil, pelak sernalo sa nen itok polsakir. ¹¹ Nakrakpel- uen itokor nen rukoipe tok siwer nrokos napu ning Ken , ngo rutok fitfit toklos namroan sa ne Balaam nang imro ki nafisoklepan tol namolien. Ngo namaetigo toklos nafte sa nen Kora itok prengi. ¹² Tenmatun nen rupi nalolo uen emrom nafamien nig nanroguen wi; Malnen ru fam skot ag, go ru tok fam go rutu metak mau: Negar ru taos ntenlag nen ru tiki nai ues. Taosi kin n'lang i silua; I'lfeki, nafet n'kas nen i marteu go itiki nuan; ngo i mat nrek inru, nen i nri lue n'laken. ¹³ Nao nen i m'leng mai, tenig intas; ngo ilu ki namalier-uen. Negar, masei per, toklos fei kin i kraksoksokin itok, nagot-uen nig inmalko nen i mauotui. ¹⁴ Go Inok-(Enoch) nega me ipi kalaru skot Adam mai peski namen, til nafte nen kefo mai, nawok kefo mai skot bon(1,000) iskei ngo ralim iskei, tenig Eklesia nega. ¹⁵ Nen nega ke putu ki supetap, toklos namer lap, go ke frengi ruk mai reki tenag rutok folfol sa, skot nafte neu isa nag ru tok pregi, go nafsan kerkerai negar ru koi pesakin-ues. ¹⁶ Tenen ru tok tafusfus, go ru pes top reki na siueran negar toklos, nafolfolon sa negar, go inkanr-ror i tok pes til nafsan sa nen i kerkerai, ngo ipi atlak natamol nen ru tok tugmer loui kir, nafte nen negar ru mer sak pek elag top. ¹⁷ Me te nromnrom lap, akam ko murosok nafsan nag ru tok pes tili, tenag ru nrokos yesu kristo. ¹⁸ Itu pale kin ru nrik ag kin nag kefo p'lak tautou ki ang, "rukfo siuer, mal m'lap, nen ruk fo siuer nasiueran. Nig namolien negar." ¹⁹ Tenmatun nen rupi namer nen ru tugmer pregir ru m'sal. Teplan kin negar ru tok muroa kin, ru tiki naten. ²⁰ Me ag, kakte, pa tugmom kraksoksok ag, totur nasera lesokon tap ngo nalotuen emrom naten tap. ²¹ Ang pa tugmom puetsok ag emrom nanromien nig tekaimes; loraki nanromien, go nasauian nig nawot Yesu Kristo, toklos namolien tumautu. ²² Ngo ipi atlak tete nag ru pi atlak nanromien, ngo ipi atlak nafonpotae-uen knen: ²³ Go tete nag ru pelak luer skot namtakuen puet luer mai pek ektem sor nig nakap, namaetigo, ko n'kal nen namolir itok leka go ru murin. ²⁴ Inmalpa nen itok los tenag, itae piesok ag reki namelmel-uen nega; go i preg. Ag ku masok wi. Napkei nega, tenig naworan nega skot nasemsem-uen nsag itu mantu. ²⁵ Toklos tekaimes iskei nega kit, nag i metmatu, temumu. Nigakit, naworan, mantapan, nawotan, nakerkeraian, ran nru, inmalpa nen go itumautu,