⁷ Tenromnrom lap, atok mtir nafsan nen tue mus kin. Itu pi nanriksoksokien faum mau, me ipi nanriksoksokien nen ku pe piatlaken mal pei nen itok. ⁸ Me amer tok mtir nanriksoksokien faum nen tuokin nag ipi natilmorian nag i tok kristo, ngo itok ang nlaken kin nmalko, itok tutur pan ngo namrem natilmorian kei pe tok mermer ⁹ Tenen itili kin nag nga itok nmrem ngo itok maloki kpalun, nga itok nmalko. ¹⁰ naten inrom kpalun,ngo i knak tok namrem nga itik ki mal iskei nen kin nga imermer emrom nega. ¹¹ me kano nen kin i malo ki kpalun itok nmalko, ngo i siwer ur nmalko kefo supneki esuan kin itok pakes nlaken nmalko nag i prengi nga i pare i kano lolo namten i kpon. ¹² kineu atok mtir mai pak mus nafet tesa; nlaken , kupe sraletu tapar nega mus- nlaken tutur nagien. ¹³ Kineu atok mtir mai pak mus nafet apap nalken kin akam ku tae tenen kin itok mal pei kot kot. Kineu atok mtir mai pek mus nafet tefsofus nlaken kin akam koipe kpogi tenag ipi tenag ipi tene nasursuruen amtir mai pak mus tesa nlaken akam ku tae fei kin ipi apap. ¹⁴ Kai pe mtir mai pak mus nafet apap; nlaken akam ku tae fei kin ipi fei nen itok mal pei kotkot; kai pe mtir mai pek ang naturiai nlaken kin ang ku kerkerai; ngo nafsan nig atua itok skot ik sermal ; ngo kuipe kpog tenag i tok sur sur kit. ¹⁵ Patu nrom emeromen mau, ngo sernalo nang itok emrom emeromen mau; ifuel kin nat iskei inrom emeromen, nanromien ne apap i tu skoti mau. ¹⁶ Sernalo nen rutok emrom emeromen nafolflon sa nig namol kit; nafolflon sa nig namet kit; nafolflon sa ne nafakelanguen namol kit, nga itu pak apap elang mau me ipi tene emeromen mas. ¹⁷ Emeromen skot namurien nega nga ruk fo mai fanoi pan me fei nat ipreng namurien nig atua kefo knak soksok ketu kai tu mau tu. ¹⁸ Tesa seserik , ipi mal mlap, teflan kin akam ku tok nrongo nag ( nagmer nag rutu mur Kristo mau ) rutok mai, me malnes ipiatlak telap nang rutu tilsei Kristo mau ruskot akit, tewan kin akit tu tae nag ipi mal mlap. ¹⁹ Ru taf emrom nagkit, me rutu skot akit mau. Negar ruk mer pi wal skot akit me rukfo tok skot akit tok. Me selwan negar rutaf pan pak emae, ru fekfek kin nag ru tu skot akit mau. ²⁰ Me akam kupi atlak nafreien nig Naten Tap ngo akam kunomser tae. ²¹ Kineu atu nangmus mtir nlaken kin akam kutu tae natilmorian mau, me nlaken akam ku tae ngo nlaken itiki nafsirwen emrom natilmorian. ²² Fei kin ipi kano psir me nat wan itu tilsei nang Yesu ipi Kristo mau? Natamol wan ipi wal potae ki Yesu tewan kin nga itu tilsei Apap ngo Nanin mau. ²³ Tenat nang itu tilsei Nanin mau itu piatlak Apap mau. Tenat nang itilsei Nanin ipi nat wan ipiatlak Apap emaloput napon. ²⁴ Me akam ko tao nafte nang kunrogo malpei kotkot keskot mus tok. Ifuel nafte nang kunrogo malpei kotkot itok emaloput nagmus, kofo tae laosok emrom Nanin ngo emrom Apap. ²⁵ Tenen ipi nawatlakien nang Nenga itu akit kin- Nangmolien wi nang itu mau tu. ²⁶ Kaipe nangmus mtir tilsei su nang ipiatlak tenang rukfo mai plak talgoling ki akam pak emae. ²⁷ Me akam nafreien nang nenga itu akam kin , iskot akam, ngo akam kumer tu murin nang nat kemai tafnau mus mau. Me teflan Nafreien wan itafnau akam ki sernalo lap, ngo itilmori go itu pi nafsirwen mau, ngo teflan nenga itafnau mus, ko lasok emrom Yesu. ²⁸ Malfanen tesa nagneu ko lasok emrom Yesu ngo selwan nega kefo mai pakor, tukfo tu mtak ngo malier nmaiwen nenga mau. ²⁹ Ifuel kin ku tae nang nenga i len usrek, kutae nang telap nang rupreng nalenaan rupakor wes.